Jeremías 26:20 - Bible in Tzeltal Bachajón

²⁰ Ay yan winic te c'opoj ta sc'op-jalwanej ta scuenta sbihil Jehová, ha te Urías snich'an Semaías, te talem ta Quiriat-jearim, c'opoj ta scontrahinel te pueblo soc te q'uinal ini, hich te bin ut'il la yal te Jeremías.

Bible in Tzeltal de Oxchuc y Tenejapa

²⁰ Ja' nix jich te Urías te yan j'alwanej, snich'an Semaías, te talem ta lum Quiriat-jearim, c'opoj ta swenta Cajwaltic ta stojol te lum, soc ta spamal te q'uinale, jich nix bit'il te Jeremías.

Jeremías 26:20 Referans Kwoze

1 Samuel 7:2

Bayel tiempo halaj ta Quiriat-jearim te scaxahul te chapbil-c'op yu'un Jehová, ha jtahb (20) ha'bil; spisil te israeletic oc' yo'tanic yu'un slehel te Jehová.

Josué 9:17

Hich loq'uic bahel te snich'nab Israel, ta yoxebal c'ahc'al c'ohtic ta banti pueblohetic yu'unic, ha te Gabaón, Cafira, Beerot soc Quiriat-jearim.

1 Samuel 6:21

Ha yu'un la sticonic bahel c'op ta stojol te mach'atic nahinemic ta Quiriat-jearim, hich la yalbeyic: Te filisteohetic la sticonic suhtel tal te scaxahul te chapbil-c'op yu'un Jehová; la', ich'ahic bahel, xchihic.

Josué 18:14

La yac' buelta ta stojol banti ya xmahl c'ahc'al ta stojol sur yu'un te wits te snuhp'usitayej sba soc Bet-horón, c'oht ta loq'uel ta Quiriat-baal (ha te Quiriat-jearim), ha te pueblo yu'un te sts'umbal Judá. Ha te mojon ta stojol banti ya xmahl c'ahc'al.

Josué 15:60

Quiriat-baal (ha te Quiriat-jearim) soc Rabá; cheb pueblohetic soc te tut pueblohetic yu'unique.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Jeremías 36:19

Ha yu'un te príncipaletic hich la yalbeyic te Baruc: Bahan, nac'a abahic, ha'at soc Jeremías; ma me ayuc mach'a ya sna' banti ayex, xchihic.

1 Reyes 18:10

¡Yiloj Jehová, te Dios awu'un! mayuc junuc nación o te ban c'alal scuentahinej ajwalil, te banti ma ba sticonejon te cajwal ta slehbelat. Teme hich la yalic: Ma ba li' ayi, teme xchihique, la yac' te ya yalic ta jamal te ma ba la stahat.

2 Reyes 23:37

Chopol bin la spas ta stojol Jehová, hich te bin ut'il la spas te sme'state.