Jeremías 26:19 - Bible in Tzeltal Bachajón

¹⁹ Te Ezequías ajwalil yu'un Judá, soc spisil Judá, ¿la bal smilic te Miqueas? ¿Ma bal ha'uc la yich' ta muc' te Jehová soc la sc'ambe te lecuc yo'tan ta stojol? ¿Ma bal lajuc sut sc'op te Jehová yu'un te bin chopol yaloj te ya spasbe? ¿Ya bal cac' taluc ta jtojoltic te bin c'ax chopole? xchihic.

Bible in Tzeltal de Oxchuc y Tenejapa

¹⁹ “¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Jeremías 26:19 Referans Kwoze

2 Samuel 24:16

C'alal la shach sc'ab te ch'ul a'bat ta stojol Jerusalén yu'un slajinel, te Jehová la sut sc'op, hich la yalbe te ch'ul a'bat te yac ta lajinwanej: Tiq'uix a; coma te ac'abe, xchi. Te ch'ul a'bat yu'un Jehová ay ta sq'uiyojibal trigo yu'un te Arauna te jebuseo-winique.

Éxodo 32:14

Ha yu'un te Jehová la suhtes yo'tan yu'un te bin chopol yaloj te ya spasbe te pueblo yu'une.

Hechos 5:39

yan teme ha nix yu'un Dios, ma xhu' yac ajinic. Tsahtaya me abahic, ma me ha'uc xacontrahinic te Diose, xchi.

Isaías 37:4

Te Jehová te Dios awu'un la wan ya'iybe sc'op te capitan-soldado te ticombil yu'un te yajwal, ha te ajwalil yu'un Asiria, yu'un ya sbohlc'optay te cuxul Dios. Ya wan ya'be castigo yu'un te sc'op te la ya'iy te Jehová. Ha yu'un c'opombeya Dios ta scuenta te mach'atic ay to hilemic, xchihic.

Isaías 37:1

C'alal hich la ya'iy te ajwalil Ezequías, la sch'i' sc'u' yu'un, la slap ch'ixal-pac', baht ta templo yu'un Jehová.

Apocalipsis 16:6

como la smalbeyic sch'ich'el te mach'atic ch'uhltesbilic soc te jalwanejetic; ha nix hich ch'ich' la awa'be yuch'ic, como hich ya sc'an pasel ta stojolic, xchi.

San Mateo 23:35

Hich yac amulimbeyic smalbeyel sch'ich'el spisil te mach'atic toj yo'tanic te lajic ta milel ta bahlumilal, c'alal ta sch'ich'el Abel te toj yo'tan ha to ta sch'ich'el Zacarías te snich'an Berequías te la amilic ta ohlil yu'un te Templo soc te scajtajib ta chiq'uel mahtanil.

Habacuc 2:10

Ta scuenta te snopojibal awu'un la awac' ta q'uexlal te ana, la ajinticlan bayel pueblohetic soc la ata amul ta scontrahinel acuxlejal.

Jeremías 44:7

Ha yu'un, hich yaloj te Jehová te scuentahinej spisil, te Dios yu'un Israel: ¿Bin yu'un te ha'ex nix yac awac' taluc ta atojolic te bin chopol te c'ax muc', ha te ya xlajic winiquetic, antsetic, ach'ix-queremetic soc tut alaletic ta Judá, te mayuc mach'a ya xhil awu'unique?

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Jeremías 26:3

Ya wan ya'iyic, hich jujutuhl ya yihquitayic hilel te chopol be yu'unique; hich ya jsut jc'op yu'un te bin chopol jnopoj te ya jpasbe yu'un te schopol a'telique.

Isaías 26:21

Ilawil, te Jehová ya xloc' tal ta banti nahinem yu'un ya ya'be castigo yu'un smulic te mach'atic nahinemic ta bahlumilal. Te lumq'uinal ya yac' ta ilel te ch'ich' malbil tey a; ma ba ya smuquix xan te mach'atic la yich'ic milel tey a.

2 Crónicas 34:21

Bahanic, joc'obeyahic te Jehová ta jcuenta soc ta scuenta te mach'atic hilemic yu'un Israel soc yu'un Judá sc'oblal te libro te la yich' tahele. Como muc' te yilimba Jehová te talem ta jtojoltic ta scaj te ma ba la scanantaybeyic te sc'op Jehová te jme'jtatic ta spasel spisil bintic ts'ihbabil ta libro ini, xchi.

2 Crónicas 32:20

Te ajwalil Ezequías soc te jalwanej Isaías snich'an Amoz la sc'oponic Dios yu'un, awonic c'alal ta ch'ulchan.

Números 16:38

te schic'ojibal pometic yu'un te winiquetic lajemiquix ta scaj te smulique. Pasahic ta jayal lehchel taq'uin yu'un ya yich' potsel a te scajtajib ta chiq'uel mahtanil, como la stuhunic ta stojol Jehová, hich ch'ultesbil c'ohtic. Ha seña ya xc'oht ta stojol te snich'nab Israel, xchi.

Amós 7:3

Ha yu'un te Jehová la suht sc'op, hich la yal: Ma hichuc ya xc'oht ta pasel, xchi.

Zacarías 7:2

Ta hich ora te ants-winiquetic yu'un Bet-el sticonejiquix bahel a te Sarezer soc Regem-melec soc te winiquetic yu'un, yu'un ay bin la sc'anic ta stojol Jehová,