Jeremías 26:16 - Bible in Tzeltal Bachajón

¹⁶ Te príncipaletic soc spisil te pueblo hich la yalbeyic te sacerdotehetic soc te jalwanejetic: Ma sc'an te ya x'ac'ot ta lajel te winic ini, como la sc'oponotic ta scuenta sbihil Jehová te Dios cu'untique, xchihic.

Bible in Tzeltal de Oxchuc y Tenejapa

¹⁶ Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 26:16 Referans Kwoze

Hechos 23:29

La jca'iy te ha smulinej yu'unic te bin ut'il ay ta ch'uhunel te ley yu'unic, pero mayuc smul te ya xhu' ya x'ac'ot ta lajel yu'un o te ya xhu' ya yich' chuquel yu'une.

Hechos 23:9

Hich sts'otetic hahchel ta c'op yu'un, ay escribanohetic te la stehc'an sbahic ta c'op yu'un te fariseohetic, tulan la yalic: Mayuc bin chopol ya jtahbecotic ha'i winic ini. Teme ay espíritu te c'oponot yu'un o teme ch'ul a'bat, ma me jcontrahintic te Diose, xchihic.

Hechos 25:25

Pero te ho'one mayuc smul la jtahbe te ya xhu' ya xlaj yu'un, soc ha nix yaloj te ya sc'an ya xbaht ta stojol te ajwalil yu'un Roma, ha yu'un la jnop te ya jticon bahel ta stojol.

Jeremías 36:25

Te Elnatán, Delaía soc te Gemarías, aunque la yalbeyic wocol te ajwalil te manchuc ya schic' te balbil hune, ma ba a'iybot sc'opic yu'un.

Jeremías 36:19

Ha yu'un te príncipaletic hich la yalbeyic te Baruc: Bahan, nac'a abahic, ha'at soc Jeremías; ma me ayuc mach'a ya sna' banti ayex, xchihic.

San Lucas 23:47

C'alal la yil te capitán-soldado te bin c'oht ta pasel, la yalbe yutsilal te Dios, hich la yal: Melel nix a te toj ta winiquil ha'i winic ini, xchi.

San Lucas 23:41

Te ho'otic stojil te yac quich'beltic castigo, yu'un ha ya x'ac'ot jtojtic te bin chopol jpasojtique; yan stuquel mayuc bin chopol spasoj, xchi.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

Jeremías 26:11

Te sacerdotehetic soc te jalwanejetic hich la yalbeyic te príncipaletic soc spisil te pueblo: Te winic ini ya sc'an ya yich' milel, como la yal sc'op-jalwanej ta scontrahinel te pueblo ini, hich te bin ut'il awa'iyej ta achiquinic, xchihic.

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Ester 4:14

Como teme jc'axel ma ba ya xc'opojat yo'tic, yan banti ya xtal te scolel te judiohetic, pero te ha'at soc te mach'atic ay yu'un te atat ya me xlajex. Ha wan scuentahil te ochematix ta ajwalil-ants ta hich ora, xchi.

Jeremías 34:10

Spisil te jtsobawetic soc spisil te pueblo, te c'alal la ya'iyic te bin chapbil, ha te ya me yaq'uic ta libre te winiquetic soc antsetic te ayic ta mosohinel yu'unic, te mayuquix mach'a ya smosohinic, la sch'uhunic spasel soc la yaq'uic ta libre.

Jeremías 37:15

Te príncipaletic ilinic ta stojol Jeremías, la smajic soc la yaq'uic ta chuquel ta sna Jonatán te jts'ihbajel, te c'atp'ujem ta cárcel te snahe.

Salmos 94:16

¿Mach'a ya xhahch ta scontrahinel ta jcuenta te mach'atic chopolic? ¿Mach'a ya sjoquinon ta scontrahinel te mach'atic ya spasic bin chopole?