Jeremías 24:7 - Bible in Tzeltal Bachajón

⁷ Ya ca'be yo'tanic te ya sna'bonic jba te ho'on Jehovahon. Ha pueblo cu'un ya xc'ohtic soc ho'on Dioson yu'unic ya xc'ohon, como spisil yo'tan ya me suhtic tal ta jtojol.

Bible in Tzeltal de Oxchuc y Tenejapa

⁷ Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Jeremías 24:7 Referans Kwoze

Hebreos 8:10

Ha yu'un hich ay te chapbil-c'op ya jpas soc te na yu'un Israel ta patil, xchi te Cajwaltic: Ya cac' ta spensaric te leyetic cu'un, ya jts'ihbabe ta yo'tanic; ho'on Dioson yu'unic ya xc'ohon, soc ha pueblo cu'un ya xc'ohtic.

Jeremías 30:22

Hich pueblohex cu'un ya xc'ohex, soc ho'on Dioson awu'unic ya xc'ohon, xchi.

Ezequiel 37:23

Ma ba ya sbohlobtesix xan sbahic ta scuenta te loc'ombahetic yu'unic, te bintic ilobtic sba soc te toybahil yu'unique. Ya jcoltay loq'uel ta spisil te toybahil yu'unic te la sta smulic yu'un, ya jpocticlan. Ha pueblo cu'un ya xc'ohtic, ho'on Dioson yu'unic ya xc'ohon.

Zacarías 8:8

ya quic'ticlan tal yu'un ya xnahinic ta Jerusalén. Ha pueblo cu'un ya xc'ohtic, soc ho'on Dioson yu'unic ya xc'ohon ta smelelil soc ta scuenta spasel bin toj.

Romanos 6:17

Pero wocol yal Dios, aunque smosohinejex te mulil ta nahil to, jun awo'tan ach'uhunejiquix te bin ac'ot anopique.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

Ezequiel 37:27

Ay ta yohlilic te banti ya xnahinon; ho'on Dioson yu'unic ya xc'ohon, soc ha pueblo cu'un ya xc'oht.

Zacarías 13:9

Te jtsal xan ini ya cotses ta c'ahc', ya jlecubtes hich te bin ut'il ya yich' lecubtesel te plata, ya jtsaj hich te bin ut'il ya yich' tsajel te oro. Ya sc'oponon ta jbihil, soc ho'on ya ca'iybe sc'opic. Hich ya cal: Ha pueblo cu'un, xchihon; hich me ya yal: Ha Dios cu'un te Jehová, xchi.

Jeremías 3:10

Aunque hich c'oht ta pasel, te Judá, te yihts'in, ma ba suht tal ta jtojol soc spisil yo'tan, ha nax la spason ta lot, xchi te Jehová.

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

2 Crónicas 6:38

teme ya suhtes yo'tanic ta atojol ta spisil yo'tanic soc ta spisil sch'uhlelic tey ta sq'uinal te scontrahic te ic'otic bahel ta chuquel yu'un, teme ya yac' tal sit yelawic ta stojol te q'uinal te la awa'be te sme'static yu'un ya sc'oponat, ta stojol te pueblo te tsahbil awu'un soc te Na la jpasbat yu'un te abihile,

Hebreos 11:16

Pero la yahnuytayic te bin lec xan, ha te ch'ulchane. Ha yu'un te Dios ma ba q'uexaw te ya xhalot te ha Dios yu'unic, como ha la schahpambe jun muc'ul pueblo yu'unic.

Salmos 119:2

Bayel me yutsil te mach'atic ya sch'uhunic spasel te testigo-c'op yu'un soc te spisil yo'tanic ya slehic;

Jeremías 7:23

Pero la jcalbe te mandar ini: Ch'uhumbonic te jc'ope, hich Dioson awu'unic ya xc'ohon soc ha'ex pueblo cu'un ya xc'ohex. T'unahic bahel spisil te behetic te la jcalbeyexe, scuenta yu'un lec ya xc'ohex a, xchihon.

Jeremías 11:4

ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Jeremías 29:10

Como hich yaloj te Jehová: C'alal ya sts'acay te lajuneb schanwinic (70) ha'bil ta Babilonia, ya xtal jc'ohtes ta pasel te bin t'ujbil caloj ta atojolic, ya cac' te ya suhtex talel ta lugar ini.

Ezequiel 14:11

scuenta yu'un ma ba ya xcha'loc' xan ta jtojol te sna Israel, soc ma ba ya sbohlobtesix sbahic yu'un spisil stoybahilic. Ha pueblo cu'un ya xc'oht soc ho'on Dioson yu'unic ya xc'ohon, xchi te Jehová, te Ajwalil.

Ezequiel 16:62

ha ta scuenta te chapbil-c'op ya jchahp soc ha'at; hich me yac ana' a te ho'on Jehovahon,

Ezequiel 39:22

Ta hich ora soc ta patil ya me sna' te sna Israel te ho'on Jehovahon, te Dioson yu'une.

Ezequiel 11:17

Ha yu'un hich xawalbe: Hich yaloj te Jehová te Ajwalil: Ho'on ya jcha'tsobex xan tal ta pueblohetic, ya jcha'iq'uex xan tal ta q'uinaletic te banti puhquemex bahele, ya ca'beyex te sq'uinal Israel.

Oseas 2:22

te lumq'uinal ya sjac'be sc'op te trigo, vino soc aceite, ha'ic ya sjac'beyic sc'op te Jezreel.