Jeremías 24:10 - Bible in Tzeltal Bachajón

¹⁰ Ya cac' tal ta stojolic espada, wi'nal soc jmilawal-chamel ha to c'alal jc'axel ya xlajic ta q'uinal te ca'beyej soc te sme'statique, xchi te Jehová.

Bible in Tzeltal de Oxchuc y Tenejapa

¹⁰ Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.

Jeremías 24:10 Referans Kwoze

Isaías 51:19

Ay cheb te bin c'ohem ta stojol: jinel soc lajinel, wi'nal soc espada. ¿Mach'a a te ya sna'bat yo'bolil aba? ¿Mach'a a te ya smuc'ubtesbat q'uinal yac awa'iy?

Ezequiel 33:27

Hich me xawalbe: Hich yaloj te Jehová, te Ajwalil: Ho'on cuxulon, ya cal ta jamal, te mach'atic ayic ta banti jimbilic ya me xlajic ta espada, soc te mach'atic ayic ta yohl q'uinal ya cac' te ya xlajinotic yu'un ti'awal chambahlametic; soc te mach'atic ayic ta toyol ahnibal ts'ahquetic soc ta ch'enetic, ya me xchamic yu'un jmilawal-chamel.

Ezequiel 7:15

Ta sti'il te pueblo ay espada, ta yutil ay jmilawal-chamel soc wi'nal. Te mach'a ay ta aquiltic ya xlajic ta espada, te mach'a ay ta pueblo ya xlajinot ta wi'nal soc jmilawal-chamel.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 27:8

Teme ay nación o ajwalil te ma ba ya yac' sba ta a'batinel yu'un te Nabucodonosor ajwalil yu'un Babilonia, te ma ba ya yac' ta snuc' te yugo yu'un te ajwalil yu'un Babilonia, ya ca'be castigo ta espada, ta wi'nal soc ta jmilawal-chamel ha to c'alal ya xlaj ta sc'ab, xchi te Jehová.

Jeremías 19:7

Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 15:2

Teme hich ya sjoc'obat: ¿Banti ya xbohotcotic? teme xchihique, halbeya te hich yaloj te Jehová: Te mach'a chapal sc'oblal ta lajel, ya xlaj; te mach'a ya xlaj ta espada, ya xlaj ta espada; te mach'a chapal ya xlaj ta wi'nal, ya xlaj ta wi'nal; te mach'a ya x'ic'ot bahel ta chuquel, ya x'ic'ot bahel ta chuquel.

Jeremías 9:16

Ya jpucticlan bahel ta yohlil nacionetic te ma ba sna'beyejic sba ni ha'uc te sme'statique; soc ya jticombe espada ta stojolic ha to c'alal ya xlajic, xchi te Jehová.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Deuteronomio 28:21

Te Jehová ya me sticombat tal jmilawal-chamel ta atojol ha to c'alal ya slajinat tey ta q'uinal te banti ya x'ochat yu'un yac awu'untay.

Jeremías 21:9

Te mach'a ya xhil ta pueblo ini ya me xlaj ta espada, ta wi'nal, o ta jmilawal-chamel; yan te mach'a ya xloc' bahel soc ya yac' sba ta sc'ab te caldeohetic te yac sjoytaybelexe, ya me xcuxaj; hich ya xcol te scuxlejale.

Jeremías 42:17

Spisil te mach'atic hich yo'tanic te ya xbahtic ta nahinel ta Egipto ya me xlajic ta espada, ta wi'nal soc ta jmilawal-chamel. Mayuc mach'a cuxul ya xhil o te ya x'ahn loq'uel ta stojol te bin chopol ya cac' tal ta stojolic, xchi.

1 Reyes 14:15

Te Jehová ya syuq'uilan te Israel hich te bin ut'il ya xyuc'ot jalal ay ta ha'. Ya sbul loq'uel te Israel li' ta lequil q'uinal te a'bot te sme'static, ya spucticlan bahel ta jehch muc'ul-ha' Éufrates, yu'un te la spasbeyic loc'ombahetic yu'un Asera, te hich la yac' ilinuc te Jehová.

Jeremías 9:15

Ha yu'un hich ya yal te Jehová te scuentahinej spisil, te Dios yu'un Israel: Ilawil, te pueblo ini ya ca'be swe' ch'ahco' soc ya ca'be yuch'ic ha' te ay svenenohil.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Jeremías 29:17

Hich yaloj te Jehová te scuentahinej spisil: Ya jticombe espada, wi'nal soc jmilawal-chamel; ya jpas te hich ayic te bin ut'il higohetic te ma lecuc, te c'ax chopolic te ma xhu' ta lo'ele.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Jeremías 32:25

¡Ah, Cajwal Jehová! aunque ya x'ac'otix ta sc'ab caldeohetic te pueblo, ¿hich bal yac awalbon: Mana te q'uinal soc ayuc me testigohetic, xchihat bal? xchi ta sc'oponel Dios te Jeremías.

Jeremías 42:22

Ha yu'un na'ahic me ta lec te ya me xlajex ta espada, ta wi'nal soc ta jmilawal-chamel tey ta banti yac ac'anic ya xbahex ta nahinel, xchi te Jeremías.

Ezequiel 6:11

Hich yaloj te Jehová, te Ajwalil: Pac'a ac'ab soc pujilana awoc, hich me xawal: ¡Ay swocol! xchihat yu'un spisil te bintic ilobtic sba yu'un te sna Israel. Como ya xyahlic ta scuenta espada, wi'nal soc jmilawal-chamel.