Jeremías 23:8 - Bible in Tzeltal Bachajón

⁸ pero hich me ya yalic: Yiloj Jehová te la sloq'uesbe tal te sts'umbal Israel ta q'uinal ta stojol norte soc ta spisil te q'uinaletic banti la spucticlan bahel, xchihic. Hich ya xnahinic ta sq'uinalic, xchi.

Bible in Tzeltal de Oxchuc y Tenejapa

⁸ ja'uc me to, jich me ya awalic: “Ta swenta bit'il cuxul te Cajwaltic, jich la sloq'uesbey tel sts'umbal Israel ta bay norte, soc ta spisil te lumetic ta bay la spuc baele”, xaex me. Tey me ya xba ainuquic ta bay mero te slum-sq'uinalique —xi'.

Jeremías 23:8 Referans Kwoze

Ezequiel 34:13

Ya jloq'ueslan tal ta pueblohetic, ya jtsobticlan tal ta q'uinaletic; ya quic'ticlan tal ta sq'uinalic soc ya cac'ticlambe swe'elic ta witsiltic yu'un Israel, ta uc'umetic soc ta spisil te q'uinal banti ay yajwal.

Sofonías 3:20

Ta hich ora ya quiq'uex talel, ya jtsobex tal ta hich ora; ya cac' te ya xpuhc ac'oblalic soc ya x'ich'otex ta muc' ta stojol spisil te pueblohetic ta bahlumilal, te c'alal ya jcha'a'beyex ac'ulejalic ta atojol te yac awilique, xchi te Jehová.

Ezequiel 39:28

Ya me sna'ic te ho'on Jehovahon, te Dioson yu'unic, te c'alal ic'biliquix bahel cu'un ta chuquel ta yohlil a te nacionetic, la jtsob tal ta sq'uinalic, te mayuc ni jtuhluc hilic tey a.

Ezequiel 37:25

Ya xnahinic ta q'uinal te la jca'be te ca'bat Jacob, te banti nahinic te ame'atatique. Stalel me ya xnahiniquix tey a soc te yal-snich'nabic soc te smamataque; soc ha príncipal yu'unic ya xc'oht sbahtel q'uinal te ca'bat David.

Ezequiel 36:24

Ho'on ya jloq'uesex tal ta nacionetic, ya jtsobex talel ta spisil te q'uinaletic, ya quiq'uex tal ta alumalic.

Jeremías 23:3

Te tuminchijetic cu'un te cuxulic hilel ho'on ya jtsobticlan tal ta spisil q'uinaletic ta banti la jtenticlan bahele, ya cac' te ya suhtic tal ta aquiltic yu'unic; tey ya xmuc'ubic soc tey ya sp'ohl sbahic a.

Isaías 14:1

Te Jehová ya me sna'be yo'bolil sba te Jacob, ya stsa yan buelta te Israel soc ya yac' ayinuc xan ta sq'uinalic. Ya xjoquinotic yu'un jyanlumetic te junax ya xc'ohtic soc te sts'umbal Jacob.

Jeremías 8:3

Ya slehic slajelic, ma ha'uc scuxlejalic, spisil te mach'atic cuxul ya xhilic yu'un te jcaj ts'umbalil ini te chopol yo'tanic, ta spisil banti ya jpucticlan bahel, xchi te Jehová te scuentahinej spisil.

Jeremías 16:15

hich me ya yich' halel: Yiloj Jehová te la sloq'ues tal te israeletic ta q'uinal ta stojol norte soc ta spisil te q'uinaletic te banti spucticlanej bahele, xchi. Como ya jsuhteslan tal ta sq'uinalic, ha te la jca'be te sme'statique.

Jeremías 29:14

Ya cac' jba ta tahel awu'unic, xchi te Jehová, soc ya cac' te ya suhtic talel te jchuqueletic awu'unic; ya jtsobex tal ta spisil te nacionetic soc ta banti la jpuquex bahel, xchi te Jehová. Ya cac' te ya suhtex tal ta banti loq'uex hahchele, xchi.

Jeremías 30:3

Como ya xtal sc'ahc'alel, xchi te Jehová, te ya cac' te ya suhtic tal te jchuqueletic yu'un te pueblo cu'un, ha te Israel soc te Judá. Ya quic'ticlan tal ta q'uinal te la jca'be te sme'static, ya me yu'untayic, xchi.

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Jeremías 31:8

Ilawil, ya cac' suhtuc tal ta q'uinal te ay ta norte, ya jtsob tal c'alal sti'il te bahlumilale. Ta yohlilic ay ts'o'sitetic soc coxo'etic, ay ants te swoloj yal soc ay ants te ayinemix yal; ¡c'ax bayelic te ya suhtic talele!

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Ezequiel 28:25

Hich yaloj te Jehová, te Ajwalil: Te c'alal ya jtsob tal te sna Israel ta nacionetic banti puhquemic bahel, ya cac' ta ilel ta scuentahic ta stojol te nacionetic te ho'on Ch'ul Dioson, hich ya xnahinic ta sq'uinalic te la jca'be Jacob te a'bat cu'une.

Joel 3:7

Ilawil, ya quic'ticlan loq'uel tal ta banti achonojic, soc ya cac' c'ohtuc ta atojolic te bin apasojique.

Isaías 11:11

Soc ta hich ora te Jehová ya scha'hach sc'ab ta stsobel tal te pueblo yu'un te ayic ta Asiria, Egipto, Patros, Etiopía, Elam, Sinar, Hamat soc ta ti'ti'mar.

Jeremías 16:14

Pero ya xtal sc'ahc'alel, xchi te Jehová, te ma ba ya yich'ix halel: Yiloj Jehová te la sloq'ues tal ta Egipto te israeletic, te xchihe;

Ezequiel 36:35

Hich me ya yalic: Te q'uinal ini te jochol hil, hich c'oht te bin ut'il ts'umbil te'etic ta Edén; soc te pueblohetic ini te jimbilic soc jocholic, yo'tic ayix ts'ahquetic yu'unic soc ay mach'atic ya xnahinic tey a, xchihic.

Miqueas 7:15

Ya ca'be yilic jchahp a'teliletic hich te bin ut'il c'alal loq'uex tal ta Egipto.