Jeremías 23:6 - Bible in Tzeltal Bachajón

⁶ Ya xcol Judá ta sc'ahc'alel soc te Israel jun yo'tan ya x'ayin. Hich ya xc'oht te sbihil te ya x'a'bote: Jehová, te mach'a cu'untic te toj yo'tan, xchi.

Bible in Tzeltal de Oxchuc y Tenejapa

⁶ Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Jeremías 23:6 Referans Kwoze

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

Jeremías 33:16

Ta hich ora ya xcol te Judá soc jun yo'tan ya xnahin te Jerusalén. Hich ya x'a'bot sbihilin: Jehová, ha te mach'a cu'untic te toj yo'tan, xchi.

Filipenses 3:9

soc jun ya xc'ohon soc. Ma ha'uc te toj c'ohemon yu'un sch'uhunel te Ley, ha toj c'ohemon ta scuenta sch'uhunel co'tan ta stojol Cristo, ha te toj-o'tanil te ya yac' te Dios soc te ay ta scuenta sch'uhunel-o'tanil.

Romanos 3:22

ha te toj ya x'ilotic yu'un Dios ta scuenta sch'uhunel yo'tantic ta stojol Jesucristo, spisil mach'atic ya sch'uhunic, yu'un mayuc mach'a yan yilel,

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Daniel 9:24

Chapal lajuneb schanwinic (70) semana ya xc'ax yu'un te alumal soc te ch'ul pueblo awu'un, yu'un ya xlaj te sc'axuntayel mandar, yu'un ya xlaj te mulil soc yu'un stojel mulil, yu'un ya yich' talel te bin stojil ta pasel te stalel ya xhil, yu'un ya yich' sello te nahalsitil soc te sc'op-jalwanej, soc yu'un ya yich' ch'ultesel te Mero Ch'ul Awilal.

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Jeremías 30:10

Ha'at, Jacob, a'batat cu'un, ma me xiwat, xchi te Jehová, ma me xnihc awo'tan, Israel, como ilawil, ho'on ya jcoltayat tal ta namal q'uinal, ha'at soc ats'umbal ta q'uinal banti chuculex. Ya suht tal te Jacob, lamal q'uinal soc jun yo'tan ya x'ayin, mayuc mach'a ya xiwtesot yu'un.

Isaías 9:6

Como ayinemix jtuhl alal ta jcuentatic, a'bilotic jtuhl nich'anil, ha ya xc'oht ta stojol te cuentahinwanej. Hich ya x'a'bot sbihil: C'ax lequil J'ac'-o'tanil, Dios te ay yu'el, Tatil sbahtel q'uinal, Snich'an ajwalil yu'un lamal q'uinal.

Isaías 7:14

Ha yu'un, ha nix Jehová ya ya'beyex señahil: Ya me xhahch yal te ach'ix, ya me x'ayin squerem-al, Emanuel sbihil ya xc'oht yu'un.

Zacarías 10:6

Ya ca'be yip te sna Judá, ya jcoltay te sna José. Ya cac' te ya suhtic talel, como ya jna'be yo'bolil sbahic. Hich ya xc'ohtic te bin ut'il ma ba jp'ajojix, como ho'on Jehovahon te Dioson yu'unic, ya ca'iybeyic te sc'opique.

Zacarías 3:10

Ta hich ora, xchi te Jehová te scuentahinej spisil, talel c'axel yac awic' abahic ta huclej ta ye'tal ats'usubilic soc ta ye'tal higuerahetic awu'unic, xchi.

Sofonías 3:13

Te mach'atic cuxul hilic yu'un Israel ma ba ya spasic te bin ma stojiluc ta pasel soc ma ba ya ya'iyic lot, ma ba ya xloc' ta yehic lo'loywanej, como ya xwe'ic soc ya scux yo'tanic, mayuc mach'a ya x'a'bot xiwel yu'un.

Abdías 1:21

Te jcoltaywanejetic ya xmohic bahel ta wits Sión yu'un ya scuentahinic te wits yu'un Esaú. ¡Yu'un Jehová ya xc'oht te ban c'alal ay ta cuentahinele!

Abdías 1:17

Pero ta wits Sión ay mach'atic hilemic te ya xcolique; ch'ultesbil ya xc'oht, soc te sna Jacob ya scha'ich'ic xan te bintic ay yu'un.

Oseas 2:18

Ta hich ora ya jchap c'op ta scuenta soc te ha'mal chambahlametic, te mutetic ya xwihlic ta toyol, soc te chanetic ta q'uinal. Ya jloq'ues ta q'uinal te t'ihmalte', te espada soc te guerra, soc ya cac' te jun awo'tan ya xwayat.

Oseas 1:7

Pero ya jna'be yo'bolil sba te sna Judá: ya jcoltay ta scuenta Jehová te Dios yu'une, ma ha'uc ta scuenta t'ihmalte', o espada, guerra, cawuhetic, o mach'atic cajajtic tey a, xchi.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Isaías 35:9

Mayuc choj tey a, soc ma ba ya xmohic tey a ti'awal chambahlametic, ma ba ya xtahotic tey a, ha nax ya xbehenic tey a te mach'atic colemic ta libre.

Isaías 45:17

Pero te Israel ya xcoltayot yu'un Jehová ta scuenta colel te sbahtel q'uinal ay; mayuquix bin ora ya xq'uexawex o ya xpehc'anex.

Isaías 33:22

Como ha juez cu'untic te Jehová, ha jpas-ley cu'untic te Jehová, ha Ajwalil cu'untic te Jehová; ha nix ya scoltayotic.

Isaías 2:4

Ha ya schahpambe te c'op hahchem yu'un te nacionetic soc ya me stsitsticlan tsobol pueblohetic. Ya sc'atp'unic ta arado te espada yu'unic, soc te slanzahic ya sc'atp'unic ta hoz. Mayuc nación ya shach espada ta scontrahinel yan nación, soc ma ba ya schahpanix sbahic ta yaq'uel guerra.

1 Reyes 4:25

Te Judá soc Israel jun yo'tan nahinic, jujutuhl ta ye'tal sts'usubetic soc te higuera-te' yu'unic, c'alal Dan ha to ta Beerseba, te jayeb c'ahc'al cuxul te Salomón.

Isaías 42:6

Ho'on te Jehovahon ta stojil la jquic'at, ya jtsacat ta jc'ab; ya jcanantayat soc ya cac'at scuenta chapbil c'op yu'un te pueblo, scuenta sacal q'uinal ta stojol te nacionetic,

Jeremías 29:11

Como ya jna' te bin jnopoj ta acuentahic, xchi te Jehová, ha jnopoj te lec ya xc'ohex, ma ha'uc te ya xc'ax awocolic, ya ca'beyex te bin yaquex ta smahliyele.

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

Ezequiel 21:27

¡Jimbilix, jimbilix, jimbilix ya xc'oht cu'un, ma hichuc ya xc'oht ta pasel ha to c'alal ya xtal te mach'a ha nix ay ta scuenta, ho'on ya ca'be ta sc'ab! xchi.

Ezequiel 28:26

Jun yo'tanic ya xnahinic tey a, ya me spas snahic soc ya me sts'un sts'usubilic. Jun yo'tan ya xnahinic tey a, te c'alal ya ca'be castigo spisil te mach'atic ayic ta sjoyobal te pojbot sbiliquic yu'unique. Ya me sna'ic te ho'on Jehovahon te Dios yu'unic, xchi te Jehová.

Ezequiel 38:14

Ha yu'un, snich'anat winic, hala sc'op-jalwanej, hich xawalbe te Gog: Hich yaloj te Jehová, te Ajwalil: Ta hich ora, te c'alal jun yo'tan nahinem a te pueblo Israel cu'un, ¿ma bal hichuc yac ana' ha'at?

Ezequiel 48:35

Ta sjoyobal te muc'ul pueblo ha cha'pic soc ho'bahc' (18,000) xuhc'ubil. Te sbihil te muc'ul pueblo ta hich ora bahel, ha Jehová-sama, xchi te Jehová.

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Éxodo 9:26

Yan ta sq'uinal Gosén, ta banti ayic te snich'nab Israel, ma ba co bat tey a stuquel.

Salmos 45:5

Te a'tejibaletic yu'un at'ihmalte' te ay yehic, te ya yaq'uic yahluc pueblohetic ta ye'tal awoc, ya me slowbeyic yo'tan te scontratac te ajwalile.

Isaías 32:1

Ilawil, ay jtuhl ajwalil te toj ya xcuentahinwan soc príncipaletic te toj ya xchahpanwanic.

Isaías 32:18

Te pueblo cu'un ya xnahin ta banti lamal q'uinal, ta nahetic te jun-o'tanil tey a soc ta lugaretic yu'un cux-o'tanil.

Isaías 33:5

Ya xtoybot sc'oblal te Jehová te nahinem ta toyol; ha ya snojes te Sión ta stojil chahpanel soc ta bin toj ta pasel.

Jeremías 31:23

Hich yaloj te Jehová te scuentahinej spisil, te Dios yu'un Israel: C'alal ya cac' te ya suhtic tal te jchuqueletic, hich me ya yalic yan buelta ta sq'uinal Judá soc ta pueblohetic yu'un: Te Jehová ac'a ya'bat bendición, ha'at yawilat te bin stojil ta pasel, ha'at ch'ul witsat, xchihic.