Jeremías 23:40 - Bible in Tzeltal Bachajón

⁴⁰ Soc ya caq'uex ta q'uexlal spisil ora, ta pehc'anel sbahtel q'uinal te ma ba ya xch'ayot ta o'tanil, xchi.

Bible in Tzeltal de Oxchuc y Tenejapa

⁴⁰ Ta swenta sbajt'el q'uinal ya jpejc'anex soc ya caq'uex ta q'uexlal, te ma'yuc bi ora ya xch'ay ta o'tanile’, xi' me”, uta me —xi' te Cajwaltique.

Jeremías 23:40 Referans Kwoze

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Oseas 4:7

C'alal p'ohlic xan bahel, p'ohl xan te mulil yu'un ta jtojol; ya jc'atp'un ta q'uexlal te yich'elic ta muc' yu'unique.

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Daniel 9:16

Cajwal, hich te bin ut'il stojil spisil te bintic yac apas, loq'uesa awilimba soc te sc'ahc'al awo'tan ta stojol Jerusalén te pueblo awu'un, te ch'ul wits awu'une; como ta scaj jmulcotic soc schopolil te jme'jtatcotic te tse'laybil c'oht te Jerusalén soc te pueblo awu'un yu'un spisil mach'atic ayic ta joyobalcotic.

Jeremías 24:9

Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Deuteronomio 28:37

Xiweltic aba ya x'ilotat soc tsahbil-c'op soc labanel ya yalic ta acuenta ta spisil te pueblohetic banti ya yic'at bahel te Jehová.

Ezequiel 16:52

Ha'at te la awich'o-c'opin awihts'inab, ich'a te q'uexlal awu'un yu'un te muliletic apasoj, te c'ax hich ilobtic sba a te bin ut'il te yu'une. ¡C'ax toj xan ayic a te bin ut'ilat! Ha yu'un hich nix te ha'ate, ac'a cuhchuc awu'un pehc'anel, como mayuc smul yilel awu'un te awihts'inabe.