Jeremías 23:39 - Bible in Tzeltal Bachajón

³⁹ ha yu'un ya jch'ayex ta co'tan soc ya jbulex loq'uel ta jtojol, ha'ex soc te pueblo la jca'beyex soc te ame'atatique.

Bible in Tzeltal de Oxchuc y Tenejapa

³⁹ ya me jachex jichuc ijc'atsil, te ja'exe soc te muc'ul lum la cac'beyex soc te antiguo ame'-atatique, c'ubul to me ya jch'ojex bael ta jtojol.

Jeremías 23:39 Referans Kwoze

Jeremías 23:33

Te pueblo ini, o jtuhl jalwanej, o jtuhl sacerdote teme hich ya sjoc'obat: ¿Bin a te sc'op-jalwanej yu'un te Jehová? teme xchihe, hich xawalbe: Hich ay te sc'op-jalwanej: Ya quihquitayex hilel, xchi te Jehová.

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

2 Tesalonicenses 1:9

Ha me castigo ya x'a'botic te ch'ayel ya xbahtic sbahtel q'uinal, loq'uesbilic ta stojol te Cajwaltic soc te yutsil yu'el,

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

Oseas 5:14

Como hichon te bin ut'il choj ta stojol Efraín, hichon te bin ut'il jcolel choj ta stojol te sna Judá; ho'on nix ya jbutsticlan, hich ya xloc'on bahel; ya jtsacticlan bahel, mayuc mach'a ya xhu' ya scoltay loq'uel ta jc'ab.

Oseas 4:6

La yich'ix jinel te pueblo cu'un ta scaj te mayuc bin sna'oj. Te bin ut'il la ach'oj bahel te bin ay ta na'el, ya jch'ojat loq'uel ta sacerdotehil; te bin ut'il ch'ay ta awo'tan te ley yu'un te Dios awu'un, ha nix hichon ya jch'ay ta co'tan te anich'nabe.

Ezequiel 34:20

Ha yu'un, hich ya xhalbotic yu'un Jehová, te Ajwalil: Ho'on nix ya jchahpan ta yohlil te juhp'en tuminchij soc te yahuben tuminchij,

Ezequiel 34:11

Como hich yaloj te Jehová, te Ajwalil: Ho'on, ho'on nix ya jle te tuminchijetic cu'un soc ya jcanantay.

Ezequiel 9:6

Milticlanahic mamaletic, queremetic, ach'ixetic, alaletic soc antsetic, pero ma me xawuts'inic te mach'atic yich'oj te señahe. Ya me xhahchex ta ch'ul awilal cu'un, xchi. Ha yu'un nahil hahchic ta banti ay te mamaletic ta stojol te templo.

Ezequiel 6:3

hich xawalbe: ¡Witsetic yu'un Israel, a'iya awa'iyic te sc'op Jehová, te Ajwalile! Te Jehová, te Ajwalil, hich ya yalbe te witsetic, tsehletic, sjuclejetic soc te spamlejtic: Ilawil, ho'on nix ya cac' taluc te espada ta atojolic soc ya jimbeyex te toyol awilaletic awu'unique.

Ezequiel 5:8

ha yu'un hich yaloj te Jehová, te Ajwalil: Ho'on ya jcontrahinat, hich, ho'onix; soc ya ca'bat castigo ta atojol ta scomon sit te nacionetique.

Lamentaciones 5:20

¿Bin yu'un te jc'axel yac ach'ayotcotic ta awo'tan, soc te bayel c'ahc'al yac apihtesotcotic?

Jeremías 52:3

Ta scaj te yilimba Jehová ta stojol Jerusalén soc Judá la sloq'ueslan ta stojol. Te Sedequías la stoy sba ta scontrahinel te ajwalil ta Babilonia.

Jeremías 36:31

Ya ca'be castigo soc te sts'umbal soc te a'batetic yu'un ta scaj te smulique. Ya cac' ta stojolic soc te mach'atic nahinemic ta Jerusalén soc te winiquetic yu'un Judá spisil te bin chopol la jcalbe sc'oblal, te ma ba la yich'ic ta cuenta, xchi.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 7:15

Ya jch'ojticlanex loq'uel ta jtojol, hich te bin ut'il la jch'ojticlan loq'uel te awermanotac, spisil te sts'umbal Efraín.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Isaías 48:15

Ho'on, ho'on nix c'opojon, ho'on la jquic', la jquic' talel, lec ya xc'oht ta loq'uel te bin ya spase.

Proverbios 13:13

Te mach'a ya sp'aj nohptesel, ya me x'a'bot stoj yu'un, yan te mach'a ya yich' ta cuenta te mandar, ay bin ya sta yu'un.

Salmos 51:11

Ma me xach'ojon loq'uel ta atojol, soc ma me xaloq'ues ta jtojol te ch'ul espíritu awu'une.

Deuteronomio 32:39

Ilawilic te ho'on jtuquel ayon, mayuc yan diosetic ta jtojol. Ho'on ya cac' lajel soc ho'on ya cac' cuxlejal; ho'on ya cac' ehchen soc ho'on ya jlamajtes; mayuc mach'a ya xhu' ya xcol loq'uel ta jc'ab.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Génesis 6:17

Ya cac' tal puhlel ta bahlumilal, ya xlaj spisil te bintic cuxajtic ta ye'tal ch'ulchan. Spisil ya xlaj bintic ay ta bahlumilal.

Génesis 4:16

Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

Jeremías 7:14

hich nix ya jpasbe te na ini te yich'beyejon te jbihile, te ha smuc'ulinej awo'tanic, te la jca'beyex soc te ame'atatique.

Jeremías 12:7

La jquihquitay hilel jna, la jloq'ues ta co'tan te bin a'boton quich'; la jcac' ta sc'ab scontratac te mach'a c'ux ta co'tan.

Jeremías 23:38

Teme hich yac awal: Ha sc'op-jalwanej yu'un Jehová ini, teme xchihate, hich ya yal te Jehová: Te bin ut'il hich la awalic: Ha sc'op-jalwanej yu'un Jehová, xchihat, aunque la jcalbeyex te ma hichuc xawalic: Ha sc'op-jalwanej yu'un Jehová ini, te xchihone,

2 Reyes 23:27

Hich la yal te Jehová: Ya jloq'ues ta jtojol te Judá, hich te bin ut'il la jloq'ues te Israel, soc ya jp'aj te Jerusalén te tsahbil cu'un soc te templo te hich la jcalbe sc'oblal: Tey ya xc'oht a te jbihile, xchi.