Jeremías 23:30 - Bible in Tzeltal Bachajón

³⁰ Ha yu'un, ya jcontrahin te jalwanejetic, xchi te Jehová, te talel c'axel ya yelc'ambe sbahic te jc'ope.

Bible in Tzeltal de Oxchuc y Tenejapa

³⁰ “Jich yu'un, ya cal ta jamal te ya jcontroin te j'alwanejetic to, te ya slo'lay sbaic a te bitic scuyoj ta jc'ope. Jo'on Ajwalilon, jich ya cal.

Jeremías 23:30 Referans Kwoze

Deuteronomio 18:20

Te jalwanej te ta scuenta stoybahil ay bin ya yal ta scuenta jbihil te ma ba calbeyej ta mandar te hich ya yal, o teme ya xc'opoj ta scuenta sbihil yantic diosetic, ya me xlaj, xchi.

Ezequiel 13:8

Ha yu'un, hich yaloj te Jehová, te Ajwalil: Te bin ut'il la awalic lotil c'op soc la awilic lotil nahalsitil, ya jcontrahinex yu'un, xchi te Jehová, te Ajwalil.

Ezequiel 13:20

Ha yu'un, hich yaloj te Jehová, te Ajwalil: Ya jcontrahin te tut paq'uetic te ay bin ya xhu' yac apasic ta ac'opic a, te yac atsacbe scuxlejal ants-winiquetic hich te bin ut'il mutetic. Ya jloq'ueslan ta ac'abic, ya jcoltay ta libre yu'un hich ya xwihlic bahel te bin ut'il mutetic te mach'atic yac atsaquic hich te bin ut'il mutetic.

Salmos 34:16

Te Jehová ya yilintay te mach'atic ya spasic te bin chopol, yu'un ya stup'be ta bahlumilal te sna'ojibal yu'unique.

Ezequiel 15:7

Ya cac' jsit quelaw ta scontrahinel; aunque colic ta c'ahc' ya to yich'ic lajinel ta c'ahc'. Ya me ana'ic te ho'on Jehovahon te c'alal ya cac' jsit quelaw ta scontrahinel.

1 Pedro 3:12

Como t'ojol sit Cajwaltic ta stojol te mach'atic toj yo'tanic, soc ya ya'iybe sc'opic te c'alal ya xc'oponot, pero contra ya yil te mach'atic ya spasic te bin chopol, xchi.

Jeremías 44:29

Ha me seña ya xc'oht awu'unic, xchi te Jehová, te ya ca'beyex castigo ta lugar ini, scuenta yu'un ya me ana'ic te ya me xc'oht ta pasel te bin caloj te chopol ya xc'oht ta atojolic.

Jeremías 44:11

Ha yu'un hich yaloj te Jehová te scuentahinej spisil, te Dios yu'un Israel: Ilawil, jnopoj te ya cac' tal bin chopol ta atojolic yan buelta, ya jin spisil Judá.

Deuteronomio 29:20

Te Jehová ma ba ya spasbe perdón, ya me xtihl yilimba Jehová soc xut'et yo'tan ta stojol, ya xc'oht ta stojol spisil te bintic chopol halbilix sc'oblal ta hun ini, soc te Jehová ya me stup'be sbihil ta ye'tal ch'ulchan.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Levítico 20:3

Ma lecuc co'tan yu'un te winique, ya jloq'ues bahel ta yohlil te slumal yu'un te la ya'be smahtanin Moloc te snich'ane, hich la yac' bohlobuc sc'oblal te ch'ul templo cu'un soc la yac' jihnuc sc'oblal te jch'ul bihile.

Jeremías 21:13

Ayon ta acontra, ha'at te nahinemat ta sjuclej, ha'at te muc'ul tonat ta spamlej, xchi te Jehová; ha'ex te hich yac awalic: ¿Mach'a c'an taluc scontrahinotic? ¿Mach'a c'an ochuc tal ta ahnibal cu'untic? te xchihexe.

Jeremías 23:31

Hich ya yal te Jehová: Ya jcontrahin te jalwanejetic te ya ya'be schi'il te sc'opic, te hich ya yalic: Hich yaloj te Jehová, te xchihique.