Jeremías 23:25 - Bible in Tzeltal Bachajón

²⁵ Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Bible in Tzeltal de Oxchuc y Tenejapa

²⁵ “Caiyojbey slotic te j'alwanejetic to te ya xjelawic, te ja' ya xc'opojic ta jwenta ta sc'opique, soc te la jc'opon ta swaichic ta sc'opique.

Jeremías 23:25 Referans Kwoze

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Joel 2:28

Ta patil ya jmal cohel te Espíritu cu'un ta stojol spisil ants-winiquetic, ya me yalic sc'op-jalwanej te aquerem-nich'nabic soc te awantsil-nich'nabic; te mamaletic awu'unic ay bin ya swayichtayic, soc te queremetic awu'unic ya me yilic nahalsitiletic.

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,

Jeremías 23:28

Te jalwanej te ay swayich, ac'a yal te swayiche; pero te mach'a yich'oj te jc'ope, ac'a yal ta melel. ¿Bin yochelic a te taquin ac soc te trigo? xchi te Jehová.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Jeremías 8:6

La jca'iy ta lec, ma ba toj ya xc'opojic; mayuc mach'a ya suhtes yo'tan yu'un te bin chopol spasoj, te hich ya yal: ¿Bin jpasoj? ma xchihuc. Jujutuhl la st'unic bahel te be yu'unic hich te bin ut'il cawu te tulan ya x'ahnimaj ochel ta guerra.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Lucas 12:3

Ha yu'un spisil te bintic awalojic ta yihc'al q'uinal, ya me x'a'iyot ta sacal q'uinal, soc te bin muquen la awalbe yan ta yutil na, ya me yich' halel ta sba nahetic.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

Jeremías 29:23

Como chopol bintic la spasic ta Israel: ha la yantsimbeyic yihnam te spat-xuhquic soc la yalic ta scuenta te jbihil bintic ma ba la jcalbe ta mandar. Ho'on jna'oj soc ho'on testigohon, xchi te Jehová.

Jeremías 16:17

Como yac quilbel spisil te ya'telic, ma ba mucul ta jtojol, ma ba nac'bil ta jsit te smulique.

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Salmos 139:4

ma to xc'opojon a, ana'ojix spisil bin ya cal, Jehová.

Salmos 139:2

Ha'at ana'oj c'alal ya juhcan jba soc c'alal ya xhahchon; ana'oj ta namal te bintic jnopoj ta co'tan.

Génesis 37:9

La ya'iy yan wayich te José, la smelbe ya'iyic te sbanquiltac, hich la yal: Ay yan jwayich. La jquil te la snijan sbahic ta jtojol te c'ahc'al, u, soc bulucheb eq'uetic, xchi.

Génesis 37:5

La ya'iy wayich te José, la smelbe ya'iyic te sbanquiltac; c'ax hich la sp'ajic yu'un a.

Jeremías 27:10

Ya yalbeyex lotil sc'op-jalwanej, te ha ya yac' te ya xnamijex bahel ta aq'uinalic, soc te ya jtenex loq'uel soc ya xch'ayex bahele.

Jeremías 27:15

Como ma ho'ucon la jticonlan, xchi te Jehová; ya yalic lotil sc'op-jalwanej ta scuenta jbihil; hich ya jtenex loq'uel soc ya xch'ayex bahel, ha'ex soc te jalwanejetic te la yalbeyex te sc'op-jalwanej, xchihon.

Lamentaciones 2:14

Te jalwanejetic awu'un la yilbat te bin ma meleluc soc te asonsohil, ma ba la yaq'uic chicnajuc te amul yu'un hich ma ba ya xbahat ta chuquel a, ha la yalbat awa'iy lotil sc'op-jalwanej soc howil c'op.

Ezequiel 22:28

Te jalwanejetic yu'unic ya sbonic pahc' ta tan, ha te ya yalic sc'op-jalwanej te mayuc sc'oblal soc ya yalbeyic lotil jna'ojel, hich ya yalic: Hich yaloj te Jehová, te Ajwalil, xchihic, pero mayuc bin yaloj te Jehová.

Zacarías 13:3

Teme ay to mach'atic ya yalic sc'op-jalwanej, hich ya xhalbotic yu'un te sme'stat: Ma ba ya xcuxajatix, como la awa'iy lot ta scuenta sbihil te Jehová, xchihic. Hich te sme'stat ya me slowic te c'alal ya yal sc'op-jalwanej.