Jeremías 23:22 - Bible in Tzeltal Bachajón

²² Te ha'uc c'ohtic ta chahpajibal cu'un, la yalbonic jc'op ta stojol te pueblo cu'un soc la ya'be yihquitayic hilel te chopol be st'unojic soc te chopol ya'telic te hichuque.

Bible in Tzeltal de Oxchuc y Tenejapa

²² Te yu'unuc la sna'ic te bila ay ta co'tane, la yalbonic jc'op ta stojol te lum cu'un te jichuque; la yac'beyic yijq'uitay te amen be st'unojic te jichuque soc la yijq'uitayic te sbol at'elique —xi' te Cajwaltique.

Jeremías 23:22 Referans Kwoze

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.

Jeremías 25:5

Hich la yalic: Ihquitayahic hilel te chopol be awu'unic soc te chopol a'teliletic awu'unic, hich ya xhu' ya x'ayinex ta q'uinal te la ya'beyex awu'untayic sbahtel q'uinal te Jehová, ha'ex soc te ame'atatique.

Jeremías 23:18

Pero ¿mach'a c'oht stehc'an sba ta chahpajibal yu'un Jehová yu'un ya yil soc ya ya'iybe te sc'ope? ¿Mach'a la ya'iybe ta lec te sc'ope?

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.

Ezequiel 3:17

Snich'anat winic, ho'on la jcac'atix ta j'il-q'uinal yu'un te pueblo Israel; ha yu'un a'iybon awa'iy te jc'op soc tsitsa te pueblo ta jcuenta.

Ezequiel 2:7

Ya me awalbe ya'iyic te jc'ope, chican teme ya ya'iyic o teme ma sc'an ya ya'iyic, como mero stoyoj sbahic.

Ezequiel 18:30

Ha yu'un, snahex Israel, ya jchahpanex ta tuhlultuhl, ha chican te behetic awu'unic, xchi te Jehová, te Ajwalil. Suhtesa awo'tanic, ihquitayahic hilel spisil te c'axuntayel mandar awu'unic, scuenta yu'un ma ba ya sjinex te bin chopole.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Jeremías 23:14

Soc ta yohlil te jalwanejetic ta Jerusalén, quiloj bintic ilobtic sba: ya ya'iyic antsiwej soc ya ya'iyic lot, ya ya'beyic yip yo'tanic te mach'atic chopolic, scuenta yu'un mayuc mach'a ya suhtes yo'tanic yu'un te bin chopol ya spase. Hich c'ohemic ta co'tan te bin ut'il Sodoma, te mach'atic nahinemic tey a hich c'ohemic te bin ut'il Gomorra.

Ezequiel 13:5

Ma ba mohemex bahel ta banti jamal te ts'ahc, ma ba acha'pasojic xan ts'ahc ta sjoyobal te sna Israel scuenta yu'un ya xcuhch yu'un guerra ta sc'ahc'alel yu'un Jehová.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Malaquías 2:6

Ay ta ye te smelelil ley, mayuc bin chopol tahbot ta ye. Behen ta jtojol ta scuenta lamal q'uinal soc ta scuenta bin toj ta pasel, ay tsobol mach'atic la ya'be yihquitayic hilel te bin chopole.