Jeremías 23:21 - Bible in Tzeltal Bachajón

²¹ Ma ho'ucon jticonej te jalwanejetic ini, pero ahnimajic bahel; ma ba la jc'oponlan, pero la yalic sc'op-jalwanej.

Bible in Tzeltal de Oxchuc y Tenejapa

²¹ Te Cajwaltic ya yal: —Ma jo'ucon la jticun te j'alwanejetic to, ja'uc me to, loq'uic ta animal; soc ma jo'ucon la jc'opon; ja'uc me to, bajt'ic ta c'op ta jwenta ta sc'opic.

Jeremías 23:21 Referans Kwoze

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 27:15

Como ma ho'ucon la jticonlan, xchi te Jehová; ya yalic lotil sc'op-jalwanej ta scuenta jbihil; hich ya jtenex loq'uel soc ya xch'ayex bahel, ha'ex soc te jalwanejetic te la yalbeyex te sc'op-jalwanej, xchihon.

Jeremías 23:32

Melel ya jcontrahin te jalwanejetic te ya yalic slotil wayichic, te ya yalbeyic te pueblo cu'un, te hich ya yac' howiyuc ta scuenta slotic soc sbaba-c'opic. Ma ba la jticon soc ma ba la jcalbe mandar. Mayuc bin lec loq'uem yu'unic a te pueblo ini, xchi te Jehová.

Hechos 13:4

Hich baht schebalic, ticombilic bahel yu'un te Ch'ul Espíritu, cohic bahel ta Seleucia, tey ochic ta barco a bahtic ta Chipre.

San Juan 20:21

Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

Jeremías 29:31

Ticona ta halbeyel spisil te mach'atic ic'otix bahel ta chuquel: Te Jehová hich yalbeyej sc'oblal te Semaías te talem ta Nehelam: Te bin ut'il la yalbeyex sc'op-jalwanej te Semaías, aunque ma ba jticonej, soc la ya'beyex smuc'ulin awo'tanic lot,

Jeremías 29:9

como lotil te sc'op-jalwanej te ya yalic ta scuenta te jbihile. Ma ba jticonej, xchi te Jehová.

Jeremías 28:15

Ha yu'un te jalwanej Jeremías hich la yalbe te Hananías: ¡A'iya awa'iy, Hananías! Ma ba sticonejat te Jehová, la awa'be smuc'ulin yo'tanic lot te pueblo ini.

Isaías 6:8

Patil la jca'iybe sc'op te Jehová, hich yac ta yalel: ¿Mach'a ya jticon bahel? ¿Mach'a ya xbaht cu'untic? xchi. La jac'be sc'op: Li' ayon, ticonawon bahel, xchihon.

Romanos 10:15

Soc ¿bin ut'il c'an yalbe sc'oblal teme mayuc mach'a ticombil? Hich te bin ut'il ts'ihbabil: ¡C'ax t'ujbil te yoquic te mach'atic ya yalbe sc'oblal te lamal q'uinal, te ya yalbeyic sc'oblal te lec yach'il c'ope! xchi.

Jeremías 27:14

Ma me xawa'iybeyic sc'op te jalwanejetic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique, yu'un lotil te sc'op-jalwanej yu'unique.

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,