Jeremías 23:18 - Bible in Tzeltal Bachajón

¹⁸ Pero ¿mach'a c'oht stehc'an sba ta chahpajibal yu'un Jehová yu'un ya yil soc ya ya'iybe te sc'ope? ¿Mach'a la ya'iybe ta lec te sc'ope?

Bible in Tzeltal de Oxchuc y Tenejapa

¹⁸ Ja'uc me to, ¿mach'a sna'oj te bila muquen ay ta yo'tan te Cajwaltique? ¿Mach'a yiloj soc mach'a yaiyojbey stojol te sc'ope? ¿Mach'a la yaiybey stojol?

Jeremías 23:18 Referans Kwoze

Jeremías 23:22

Te ha'uc c'ohtic ta chahpajibal cu'un, la yalbonic jc'op ta stojol te pueblo cu'un soc la ya'be yihquitayic hilel te chopol be st'unojic soc te chopol ya'telic te hichuque.

1 Corintios 2:16

¿Mach'a ya c'an sna' te bin snopoj te Cajwaltique? ¿Mach'a ay bin ya ya'be snop? Yan te ho'otique quich'beyejtic sp'ijil yo'tan te Cristo.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

Amós 3:7

Mayuc bin ya spas te Jehová teme ma ba ya ya'be sna'ic te a'batetic yu'un, ha te jalwanejetic, te bin muquen ay ta yo'tan.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

2 Crónicas 18:23

Ha yu'un te Sedequías snich'an Quenaana nohpoj tal ta stojol te Micaías, la smajbe scho, hich la yal: ¿Banti behil loc' bahel ta jtojol te espíritu yu'un Jehová scuenta yu'un ya sc'oponat te ha'ate? xchi.

1 Reyes 22:24

Te Sedequías snich'an Quenaana nohpoj tal, la smaj ta scho te Micaías, hich la yalbe: ¿Bin ut'il ay a te loc' ta jtojol te espíritu yu'un Jehová, te baht sc'oponat te ha'ate? xchi.

Job 33:31

Job, a'iybon me awa'iy te jc'ope; ch'aban, ho'on ya xc'opojon.

Job 21:22

¿Ay bal mach'a ya sp'ijubtes te Diose, te ha nix mach'a ya yilbe ya'tel te mach'atic toyolique?