Jeremías 23:16 - Bible in Tzeltal Bachajón

¹⁶ Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Bible in Tzeltal de Oxchuc y Tenejapa

¹⁶ Te Cajwaltic te Spisil ya xju' yu'une, ya yal: —Israeletic, ma x'awich'ic ta muc' te bila ya yalbeyex te mach'atic ya scuy sbaic ta j'alwanejetique. Te bila ya yalique, ja' nax puro lot; te bitic ya yalique, ja' nax ya xchicnantesic stuquelic, ma'yuc bay calojbey jc'op.

Jeremías 23:16 Referans Kwoze

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Ezequiel 13:6

Yilojic lotil nahalsitil soc lotil jna'ojel. Hich ya yalic: Hich yaloj te Jehová, xchihic, pero ma ha'uc ticombilic yu'un Jehová. Pero yac smahliybelic te ya xc'oht ta pasel te bin ya yalique.

San Mateo 7:15

Tsahtaya me abahic ta stojol te lotil jalwanejetic te sc'u'inejic snuhculel tuminchijetic, pero ta yutil ha ti'awal chojetic.

Ezequiel 13:3

Hich yaloj te Jehová, te Ajwalil: ¡Ay me swocolic te sonso jalwanejetic te st'unojic te bin snopoj ta yo'tanic, te mayuc bin yilojique!

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

Jeremías 23:21

Ma ho'ucon jticonej te jalwanejetic ini, pero ahnimajic bahel; ma ba la jc'oponlan, pero la yalic sc'op-jalwanej.

2 Reyes 17:15

Ha la sch'aybeyic te mandariletic, te chapbil-c'op la schap soc te sme'static soc te scomelic te halbotic yu'une. La st'unic diosetic te mayuc stuquic, soc ha nix hich mayuc stuc bahtic yu'un, ha la st'umbeyic stalel te nacionetic ayic ta sjoyobal, te pasotic ta mandar yu'un Jehová te manchuc hich ya spasique.

Miqueas 2:11

Teme ay mach'a yac snopbel bin ma meleluc, te hich ya yal ta lot: Ya calbat sc'oblal vino soc tulan uch'balil, teme xchihe, ha me jalwanej ya sc'an te pueblo ini.

Jeremías 23:26

¿Jayeb xan c'ahc'al te hich ay ta yo'tanic te jalwanejetic te ya yalic lotil c'op, te ya yalic te lo'loywanej te ay ta yo'tanique?

Ezequiel 22:28

Te jalwanejetic yu'unic ya sbonic pahc' ta tan, ha te ya yalic sc'op-jalwanej te mayuc sc'oblal soc ya yalbeyic lotil jna'ojel, hich ya yalic: Hich yaloj te Jehová, te Ajwalil, xchihic, pero mayuc bin yaloj te Jehová.

Ezequiel 13:23

ha yu'un ma ba yac awiliquix xan lotil nahalsitil soc ma ba ya apasiquix na'ojel. Ya cac' ta libre ta ac'abic te pueblo cu'une. Ya me ana'ic te ho'on Jehovahon, xchi te Jehová.

Ezequiel 13:16

ha te jalwanejetic ta Israel te la yalic sc'op-jalwanej te la yalbe sc'oblal Jerusalén soc te la yilic nahalsitil yu'un lamal q'uinal ta stojol Jerusalén, te c'alal mayuc lamal q'uinal a, xchi te Jehová, te Ajwalil.

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,

Jeremías 9:20

Antsetic, a'iybeya awa'iyic sc'op te Jehová; ac'a ya'iy achiquinic te sc'op te ya xloc' ta ye. A'beyahic snop oq'uel te awantsil-nich'anic; a'beyahic snop mel-o'tan c'ayoj mach'a jun awo'tan soc,

Jeremías 2:5

Hich ya yal te Jehová: ¿Bin ma lecuc la stahbonic te ame'atatic, te q'uejel bahtic ta jtojol, te la st'unic bahel te bin ma xtuhun, te hich mayuc sc'oblal c'ohtic?

Proverbios 19:27

Jnich'an, teme yac awihquitay ya'iyel te nohptesel, ya xhowiyat ta stojol te bin ay ta na'el.

Romanos 1:21

Aunque la sna'beyic sba te Diose, ma ba la yich'ic ta muc' te bin ut'il ha Dios soc ma ba la yalbeyic wocol, pero bohlob spensaric soc ihc'ub te sonso yo'tanique.

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Lamentaciones 2:9

Jihnic cohel c'alal lum te ochibaletic yu'un; la swac'ticlan soc la sjinticlan te sc'atal-te'eletic yu'un. Te ajwalil soc te príncipaletic yu'un ayic ta yohlil te mach'atic ma ba yich'ojic te ley, soc te jalwanejetic yu'un mayuc bin ya x'a'bot yilic ta snahal sitil yu'un Jehová.

1 Reyes 22:11

Te Sedequías snich'an Quenaana spasojix xulubiletic ta taq'uin, hich la yal: ¡Hich ya yal te Jehová: Ta xulubiletic ini ya me acujticlan te siriahetic ha to c'alal ya xlaj awu'un! xchi.

2 Crónicas 18:5

Ha yu'un te ajwalil yu'un Israel la stsob jbahc' (400) ta tuhl jalwanejetic, hich la sjoc'obe: ¿Ya bal ca'becotic guerra te Ramot yu'un Galaad, o ma'uc? xchi. Bahan, como Dios ya ya'be ta sc'ab te ajwalil, xchihic.

Jeremías 29:23

Como chopol bintic la spasic ta Israel: ha la yantsimbeyic yihnam te spat-xuhquic soc la yalic ta scuenta te jbihil bintic ma ba la jcalbe ta mandar. Ho'on jna'oj soc ho'on testigohon, xchi te Jehová.