Jeremías 23:12 - Bible in Tzeltal Bachajón

¹² Ha yu'un te be yu'unic hich ya xc'oht te bin ut'il bilil be ta yihc'al q'uinal, ya yich'ic tsulq'uinel, ya xyahlic tey a; yu'un ya quich'be tal bin chopol ta stojolic te bin ha'bil ya xtal te castigo yu'unique, xchi te Jehová.

Bible in Tzeltal de Oxchuc y Tenejapa

¹² Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

Jeremías 23:12 Referans Kwoze

Jeremías 13:16

Halbeya yutsil sc'oblal te Jehová te Dios awu'unic, te c'alal ma to xtal yu'un a te yihc'al q'uinal, te c'alal ma to ba ac'ohchinej awoquic a ta witsiltic te ayic ta axinal; soc te c'alal yac amahlibel a te sacal q'uinal, ha ya sutp'ij ta axinal yu'un lajel soc ta yihc'al q'uinal.

Jeremías 11:23

Mayuc mach'a cuxul ya xhil yu'unic, como ho'on ya cac' te bin chopol ta stojol te swinquilel Anatot ta ha'bil yu'un te castigo yu'unique, xchi.

Proverbios 4:19

Pero te be yu'un te mach'atic chopol yo'tanic, hich ay te bin ut'il yihc'al q'uinal; ma sna'ic bin ya sc'ohchinic.

Salmos 35:6

ac'a ihc'ubuc q'uinal soc ac'a bilubuc te be yu'unic, te ch'ul a'bat yu'un Jehová ac'a snuts bahel.

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

Isaías 8:22

Ya me yilic te q'uinal, ha ya yilic wocol soc yihc'al q'uinal, pimil yihc'al q'uinal soc mel-o'tan; ya xch'ojotic bahel ta yihc'al q'uinal.

Salmos 73:18

Melel yac awac'ticlan ta lugar banti ya xhu' ya xjaxp'uj yoquic, yac awac' ch'ayuquic cohel ta lajinel.

Éxodo 32:34

Bahan me hiche, ic'a bahel te pueblo ini ta banti la jcalbat; te ch'ul a'bat cu'un ha ya xnahilij bahel awu'un. Pero te c'alal ya sta yorahil castigo, ya cac'ticlambe castigo yu'un te smulique, xchi.

Judas 1:13

Ha tulan stselajan mar te capal soc sbuhl ya scuch tal te sq'uexlalic; ha howiyem eq'uetic te chapal sc'oblalic te ha yawilic sbahtel q'uinal ya xc'oht te mero yihc'al q'uinale.

1 Juan 2:11

Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.

Miqueas 7:4

Te mach'a lec yilel hich c'ohem te bin ut'il ch'ix; te mach'a mero toj hich c'ohem te bin ut'il jpeht ch'ix. Yac ta talel te sc'ahc'alel castigo awu'un, ha te bin la yalic te j'il-q'uinal awu'un; yorahilix te howiyel awu'une.

Jeremías 50:27

Milbeyahic spisil te torohetic yu'un, ac'a bahtuquic ta milojibal, ¡Obol sbahic! ¡C'ohtix yorahilic, yorahilix te castigo yu'unique!

Jeremías 48:44

Te mach'a ya x'ahn loq'uel yu'un xiwel, ya xyahl cohel ta hotbil ch'en, soc te mach'a ya xloc' tal ta hotbil ch'en, ya x'och ta yaquil. Como ya quich' tal ta stojol Moab te yorahil castigo, xchi te Jehová.

Job 18:18

Ya yich' ch'ojel loq'uel ta sacal q'uinal, ya xc'oht ta yihc'al q'uinal; ya yich' loq'uesel ta bahlumilal.

Deuteronomio 32:35

Ho'on ay ta jcuenta sutbeyel spacol soc te ya ca'be stoj; ya me sta yorahil te ya xbilts'uj yoc, como nopolix ya xhahch swocolic, ahnimal ya xtal te bin chapal ya yich'ique.

Salmos 82:5

Ma sna'ic, ma xc'oht ta yo'tanic, ya xbehenic ta yihc'al q'uinal; ya xnihquic spisil te yich'o-ip te lumq'uinale.

Lamentaciones 2:20

¡Ilawil, Jehová, nopa awa'iy mach'a hich apasbeyej! ¿Lec bal te ya sti'ic yalatac te antsetic, te tut alaletic te cuentahimbilic yu'unique? ¿Lec bal te ya yich'ic milel ta ch'ul awilal awu'un te sacerdote soc te jalwanej?

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.