Jeremías 23:11 - Bible in Tzeltal Bachajón

¹¹ Te jalwanej soc te sacerdote ma lecuc sc'oblalic; ta templo cu'un la jta te schopolilique, xchi te Jehová.

Bible in Tzeltal de Oxchuc y Tenejapa

¹¹ Te Cajwaltic jich ya yal: —Te j'alwanejetic soc te sacerdoteetic ma tojuc yo'tanic, ta templo cu'un yacalic ta spasel te bila amen la jta tey a.

Jeremías 23:11 Referans Kwoze

Sofonías 3:4

Te jalwanejetic yu'un xyal xmo yo'tanic, ha winiquetic te ya x'ac'awanic ta c'abal; te sacerdotehetic yu'un la sbohlobtesic te ch'ul awilal, soc la sjimbe sc'oblal te Ley.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Ezequiel 23:39

Te c'alal la yaq'uic ta milbil mahtaniletic te yal-snich'nabic ta stojol te loc'ombahetic yu'unic, ha nix yorahil a ochic talel ta ch'ul awilal cu'un, hich la sbohlobtesbeyic sc'oblal. ¡Hich la spasic ta jna!

Jeremías 32:34

La yaq'uic bintic ilobtic sba ta na te yich'oj te jbihile, hich la sbohlobtesbeyic sc'oblal.

Ezequiel 8:16

La yic'on bahel ta amac' ta yutil te ay ta sna Jehová; tey ta yochibal te templo yu'un Jehová, ta ohlil yu'un te ochibal soc te scajtajib ta chiq'uel mahtanil, ay ho'eb scha'winic (25) ta tuhl winiquetic swalac'patiyejic te templo, te sit yelawic ay ta stojol ta banti ya xloc' tal c'ahc'al, snijanej sbahic, yac sch'uhuntaybelic te c'ahc'ale.

Jeremías 11:15

¿Bin ya spas ta templo cu'un te mach'a c'ux ta co'tan, te bin ut'il bayel la spas te bintic ihlaybile? ¿Ach'uhunej bal te ya xhu' ya sloq'uesbat te castigo awu'un te chic'bil mahtaniletic soc te ti'bal te ch'ultesbile, te hich yutsil q'uinal yac awa'iy a?

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.

Jeremías 7:30

Como te swinquilel Judá spasojic te bin chopol ta jtojol, xchi te Jehová; la yaq'uic te bintic ilobtic sba ta na te yich'oj te jbihile, la sbohlobtesbeyic sc'oblal.

2 Crónicas 36:14

Hich nix spisil te jtsobawetic yu'un te sacerdotehetic soc te pueblo, la sp'oltesic te mulil, la st'unic te bintic ilobtic sba te ya spasic te nacionetic, la sbohlobtesbeyic sc'oblal te sna Jehová te ch'ultesbil yu'un ta Jerusalén.

Ezequiel 8:11

Tey ta stojolic ay lajuneb schanwinic (70) ta jtuhl mamaletic ta sna Israel, soc te Jaazanías snich'an Safán ay ta yohlilic. Jujutuhl stsacoj ta sc'abic schic'ojibal pom, yac ta hahchel mohel sch'ahilel pom.

Ezequiel 7:20

Te st'ujbilal te sch'ahlelic la sc'atp'unic ta toybahil, la spasic a te loc'ombahetic yu'un te bintic ilobtic sbahic yu'unique; ha yu'un ya jc'atp'umbe ta c'a'pal te sch'ahlelique.

Jeremías 23:15

Ha yu'un te Jehová te scuentahinej spisil hich ya yalbe sc'oblal te jalwanejetic: Ya cac'ticlambe swe'ic ch'ahco' soc ya cac'ticlambe yuch'ic ha' te yich'oj veneno, como ta scuenta te jalwanejetic ta Jerusalén te puhc bahel ta spahmal q'uinal te ma xyich'ic ta muc' te Diose, xchi.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

2 Crónicas 33:7

Soc la yac' ta sna Dios te loc'omba te ha nix spasoj, te hich halbot sc'oblal yu'un Dios te David soc Salomón te snich'an: Ta Na ini soc ta Jerusalén, te tsahbil cu'un ta yohlil spisil ta chahp sts'umbal Israel, tey ya cac' ayinuc a te jbihil sbahtel q'uinal.

2 Crónicas 33:5

Soc la spasticlan scajtajib ta chiq'uel mahtaniletic yu'un spisil bintic ayic ta ch'ulchan ta schebal te yamaq'uil sna Jehová.

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

Lamentaciones 2:20

¡Ilawil, Jehová, nopa awa'iy mach'a hich apasbeyej! ¿Lec bal te ya sti'ic yalatac te antsetic, te tut alaletic te cuentahimbilic yu'unique? ¿Lec bal te ya yich'ic milel ta ch'ul awilal awu'un te sacerdote soc te jalwanej?

Esdras 10:18

Te sacerdotehetic te yic'oj yihnaminic jyanlum-antsetic, hich ayic: Ta sts'umbal Jesúa snich'an Josadac soc te yermanotac: ha te Maasías, Eliezer, Jarib, soc Gedalías.

Ezequiel 44:10

Te levitahetic te loq'uic bahel ta jtojol te c'alal namij bahel ta jtojol te Israel, te la st'unic bahel te loc'ombahetic yu'unic, ya me stojic te smulique.

Sofonías 3:3

Te príncipaletic te ayic ta yohlil ha xhihet chojetic; te jchahpanwanejetic yu'unic ha ha'mal ts'i'etic te ya xbehenic ta ahc'abal te ma ba ya yihquitayic hilel jch'ixuc bac yu'un sacubel q'uinal.