Jeremías 23:10 - Bible in Tzeltal Bachajón

¹⁰ Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Bible in Tzeltal de Oxchuc y Tenejapa

¹⁰ Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.

Jeremías 23:10 Referans Kwoze

Salmos 107:34

te lequil q'uinal ya sc'atp'un ta mayuc bin ya xcol a, ta scaj schopolilic te mach'atic nahinemic tey a.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Jeremías 9:2

¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Isaías 24:6

Ha scuentahil te laj te q'uinal yu'un bohlob sc'oblal, soc te mach'atic nahinemic tey a ya xc'ax swocolic yu'un smulic. Ha scuentahil te lajinot te mach'atic nahinemic ta q'uinal, mayuc tsobol hil te ants-winiquetique.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

Joel 1:10

Jimbilix te c'altic, ay ta mel-o'tan te q'uinale, como laj te trigo, taquijix te yach'il vino, ch'ayix te aceite.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Levítico 5:1

Teme ay mach'a ya sta smul ta scuenta te la yich' iq'uel ta testigohil yu'un ay bin la yil o la sna', pero teme ma ba la yal, ha smul ya xc'oht.

Isaías 5:18

¡Ay me swocolic te mach'atic ya snitic tal ta scuenta lot te bin chopol, soc te ya snitic tal mulil hich te bin ut'il mach'a ya stas carreta!

Jeremías 9:12

¿Mach'a a te ay sp'ijil yo'tan te ya xhu' ya sna'be scuentahil ini? ¿Mach'a c'oponot yu'un Jehová scuenta yu'un ya xhu' ya spuc ta halel? ¿Bin yu'un te jihnem te q'uinale, te jimbil hich te bin ut'il jochol taquin q'uinal te mayuc mach'a ya xc'axix tey a?

Jeremías 12:11

Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Oseas 7:4

Spisilic ha j'antsineletic; hich c'ohemic te bin ut'il horno te ay sc'ahc'al, te ma ba ya x'a'bot xan sc'ahc'al yu'un te mach'a ya ya'be sc'ahc'al te c'alal wots'bilix a te harina ha to c'alal ya xpajub.

Esdras 10:18

Te sacerdotehetic te yic'oj yihnaminic jyanlum-antsetic, hich ayic: Ta sts'umbal Jesúa snich'an Josadac soc te yermanotac: ha te Maasías, Eliezer, Jarib, soc Gedalías.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Sofonías 3:4

Te jalwanejetic yu'un xyal xmo yo'tanic, ha winiquetic te ya x'ac'awanic ta c'abal; te sacerdotehetic yu'un la sbohlobtesic te ch'ul awilal, soc la sjimbe sc'oblal te Ley.