Jeremías 23:1 - Bible in Tzeltal Bachajón

¹ ¡Obol sbahic te jcanan-tuminchijetic te ya slajinlanic soc ya spucticlanic bahel te tuminchijetic cu'un! xchi te Jehová.

Bible in Tzeltal de Oxchuc y Tenejapa

¹ Te Cajwaltic jich ya yal: —Obol sbaic te jcanan-chijetic te ya yijq'uitayic te chijetic cu'un, te ya xch'ayic soc te ya xpujq'uic baele —xi'.

Jeremías 23:1 Referans Kwoze

Jeremías 10:21

Te jcanan-tuminchijetic ma sna'ic q'uinal, ma ba ya slehic te Jehová; ha yu'un ma ba ya stahic yutsil slequilic soc puhquemiquix bahel spisil te tuminchijetic yu'unique.

Ezequiel 13:3

Hich yaloj te Jehová, te Ajwalil: ¡Ay me swocolic te sonso jalwanejetic te st'unojic te bin snopoj ta yo'tanic, te mayuc bin yilojique!

San Mateo 9:36

C'alal la yil te bayel ants-winiquetic, sts'ujet ta yo'tan la ya'iy, como ay swocolic soc ihquitaybilic hich bin ut'il tuminchijetic te mayuc jcanan yu'unique.

Jeremías 22:22

Spisil te jcananetic awu'un ya xcanantayotic yu'un ic', soc te mach'atic smulanejat ya x'ic'otic bahel ta chuquel. Hich ya xq'uexawat soc peq'uel ya xc'ohat ta scaj spisil achopolil.

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Jeremías 50:6

Te pueblo cu'un hich ayic te bin ut'il tuminchijetic te ch'ayemic, howiytesotic ta be yu'un te jcanan yu'unique, ac'otic hilel yu'un ta witsiltic. Bayuc behenic bahel ta yantic witsiltic, ch'ay ta yo'tanic te corral yu'unique.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

San Juan 10:12

Yan te mach'a tojbil nax, te ma ha'uc te jcanan, te ma yu'unuc te tuminchijetic, teme ya yil ya xtal ha'mal ts'i', ya yihquitay hilel te tuminchijetic, ya xloc' ta ahnel. Hich te ha'mal ts'i' ya yochintay te tuminchijetic soc ya spucticlan bahel.

San Juan 10:10

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

Jeremías 23:2

Ha yu'un te Jehová, te Dios yu'un Israel, hich ya yalbe te jcanan-tuminchijetic te ya scanantaybonic te pueblo cu'un: Ha'ex la apucticlanic bahel te tuminchijetic cu'un soc la axiwteslanic; ma ba la acanantayic. Ha yu'un ya ca'bat castigo yu'un te schopolil awa'telique, xchi te Jehová.

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

Ezequiel 34:31

Ha'ex tuminchijex cu'un, tuminchijex yu'un te aquiltic cu'un, ha ants-winiquetiquex, soc Ho'on Dioson awu'unic, xchi te Jehová, te Ajwalil.

Ezequiel 34:21

te bin ut'il la acotp'inic ta anehquel soc ta amochbaquelic, soc la acujticlanic ta axulubic spisil te mayuc yipic, ha to c'alal la aloq'uesic soc la apucticlanic bahel.

Jeremías 2:26

Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

San Juan 10:8

Spisil te mach'atic nahil talic cu'un, ha j'eleq'uetic soc j'uts'inwanejetic stuquelic, pero ma ba a'iybot sc'opic yu'un te tuminchijetique.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Ezequiel 36:38

Te jihnem pueblohetic ya xnojic ta ipal ants-winiquetic hich te bin ut'il te tuminchijetic te ya yich'ic aq'uel ta stojol Dios, hich te bin ut'il te tuminchijetic ta Jerusalén ta yorahil te q'uinetique. Hich me ya sna'ic a te ho'on Jehovahon, xchi.

Ezequiel 34:1

Tal ta jtojol te sc'op Jehová, hich la yal:

Zacarías 10:3

Tihl hahchel sc'ahc'al co'tan ta stojol te jcananetic, ya ca'be castigo te jtsobawetique. Te Jehová te scuentahinej spisil ya scanantay te jtsohb tuminchijetic yu'un, ha te sna Judá, ha tulan cawu yu'un guerra ya xc'ohtic yu'un.