Jeremías 22:21 - Bible in Tzeltal Bachajón

²¹ La jc'oponat te c'alal ay bayel bintic ay awu'un, pero hich la awal: ¡Ma ba ya ca'iy! xchihat. C'alal ta aqueremil hich ay te atalele, mayuc bin ora la awa'iybon te jc'ope.

Bible in Tzeltal de Oxchuc y Tenejapa

²¹ La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.

Jeremías 22:21 Referans Kwoze

Jeremías 32:30

Como te snich'nab Israel soc te snich'nab Judá ha nax la spasic ta jtojol te bintic chopol c'alal ta squeremil to; te snich'nab Israel ha nax la yaq'uic te ya x'ilinon yu'un te ya'tel te sc'abique, xchi te Jehová.

Jeremías 3:25

Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Isaías 48:8

Mayuc bin ora awa'iyej soc mayuc bin ora ana'beyej sc'oblal, mayuc bin ora jamal achiquin. Como jna'oj te ma junuc awo'tan, soc te toybahat c'ohem abihil c'alal ta awayinab.

Proverbios 30:9

yu'un teme ya xnoj jch'uht ya wan jmucat ta co'tan, soc hich wan ya cal: ¿Mach'a a te Jehová? xchihon; o teme pobrehon ya wan ca'iy elec', hich ya jbohlc'optaybe sbihil te Dios cu'une.

Ezequiel 20:8

Pero la stoy sbahic ta jtojol, ma ba la sc'an la ya'iybonic jc'op; ma ba la sch'ojic bahel te bintic ilobtic sba te ayic ta stojolic soc ma ba la yihquitayic hilel te loc'ombahetic yu'un Egipto. Ha yu'un la jcal te ya jmal cohel quilimba ta stojolic, hich ya sts'acay te sc'ahc'al co'tan ta stojolic ta sq'uinal Egipto.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 20:21

Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Jeremías 2:31

Jcaj ts'umbalilex ini, a'iybeya awa'iyic sc'op te Jehová. ¿Yu'un bal jochol taquin q'uinalon ta stojol Israel, o q'uinalon te ay ta yihc'al q'uinal? ¿Bin yu'un hich ya yal te pueblo cu'un: Ayotcotic ta libre; ma ba ya xtalotcotiquix ta atojol, te xchihe?

2 Crónicas 33:10

Te Jehová la sc'opon te Manasés soc te pueblo yu'un, pero ma la yich'beyic ta cuenta.

Deuteronomio 31:27

Como ya jna'bat atoybahil soc te tulan yac awac' aba. Teme yac atoy abahic ta stojol Jehová te cuxulon to ta awohlilic, ¿ha'uc to balix a te c'alal chamenonix ahe?

Deuteronomio 9:24

Mero toyol awac'oj abahic ta stojol Jehová yalel te c'alal la jna'beyex abahique.

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

Salmos 129:1

Bayel la ya'bonic jwocol c'alal ta jqueremil to, hich ac'a yal te Israel,

Jeremías 3:24

Te loc'ombahetic te q'uexlaltic sba la slajimbeyic sit ya'tel te jme'jtatic, c'alal ta jqueremiltic: ha te tuminchijetic soc wacaxetic, te queremetic soc ach'ixetic yu'unic.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 48:11

Te Moab lamal q'uinal la ya'iy c'alal ta squeremil, hich te bin ut'il vino te ya sts'aban sba ta yawil, ma ba yich'oj aq'uel ta yan yawil, mayuc bin ora te bahem ta chuquel. Ha yu'un stalel ay yutsil a, ma ba yanijem te sumet yiq'ue.

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

Jeremías 2:25

Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

Jeremías 25:3

C'alal ta yoxlajunebal (13) ha'bil te ay ta ajwalil yu'un Judá te Josías snich'an Amón c'alal ora yo'tic, ha oxeb scha'winic (23) ha'bil, talem ta jtojol te sc'op Jehová, soc spisil ora la jc'oponlanex, pero ma ba la awa'iyic.

Jeremías 25:4

Aunque te Jehová bayel buelta la sticon tal ta atojolic te a'batetic yu'un, ha te jalwanejetic, ma ba la awa'iyic, ma ba la awich'ic ta cuenta.

Jeremías 25:7

Pero ma ba la awa'iybonic te jc'ope, xchi te Jehová, la awac' ilinucon ta scaj te bin la apas ta ac'abic, te hich tal te bin chopol ta atojolique.

Jeremías 25:8

Ha yu'un hich ya yal te Jehová te scuentahinej spisil: Te bin ut'il ma ba la awa'iybonic te jc'ope,

Sofonías 3:2

Ma ba la ya'iy c'op soc ma ba la yich' tojobtesel; ma ba la smuc'ulin yo'tan te Jehová, ma ba nohpoj ta stojol te Dios yu'une.