Jeremías 22:18 - Bible in Tzeltal Bachajón

¹⁸ Ha yu'un te Jehová hich ya yalbe sc'oblal te Joacim snich'an Josías, ajwalil yu'un Judá: Ma ba ya x'oq'uetayot yu'unic, te hich ya yalic: ¡Obol aba, hermano! ¡Obol aba, hermana! ma xchihuquic. Ma hichuc ya yalic ta oq'uel: ¡Obol aba, ajwalilat cu'un! ¡Obol aba, ha'at te ay awutsilal! ma xchihuquic.

Bible in Tzeltal de Oxchuc y Tenejapa

¹⁸ Te Cajwaltic ya yalbey sc'oplal te Joacim te snich'an Josías, te muc' ajwalil yu'un Judá: —Ma'yuc mach'a ya x'oc' yu'un te ya xlaje. Ma'yuc mach'a ya yoq'uetay, te jich ya yal ta oq'uel: “¡Ay, quermano! ¡Ay, quermana! ¡Ay, Cajwal! ¡Ay, Muc' Ajwalil!” ma me ayuc mach'a xi' ta oq'uel.

Jeremías 22:18 Referans Kwoze

Jeremías 16:6

Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

1 Reyes 13:30

La smucbe sbaq'uetal ta smuquenal soc la yoq'uetay, hich la yal: Ay, hermano, xchi.

Jeremías 22:10

Ma me xawoq'uetayic te mach'a chamen, ma me xamel awo'tan ta stojol; tulan xawoq'uetay te mach'a ya xbaht ta chuquel, como mayuquix bin ora ya suht talel soc ma ba ya yilix te q'uinal te banti ayine.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 34:5

jun awo'tan ya xchamat. Soc hich te bin ut'il la schiq'uic bintic sumet yic' c'alal chamic te me'iltatiletic awu'un, ha te ajwaliletic te nahil ay awu'un, hich me ya schiq'uic ta acuenta soc hich me ya yoq'uetayat: ¡Ay, ajwalil! xchihic, como ho'on caloj te c'op ini, xchi te Jehová.

2 Crónicas 35:25

Te Jeremías la schahpan sc'ayojil mel-o'tan yu'un te Josías. Spisil te jc'ayojetic ants-winiquetic ya to yalulanic ta sna'el te Josías c'alal ora; hich c'ahyic ta sc'ayojtayel ta Israel. Ts'ihbabil hilel ta libro yu'un sc'ayojil mel-o'tan.

2 Samuel 1:26

Ay jwocol ta mel-o'tan awu'un, Jonatán, quermanohat, c'ax ay yutsil ac'oblal la jca'iy. C'ax hich la jca'iy a te sc'uxul awo'tan te bin ut'il sc'uxul yo'tan te antsetique.

2 Reyes 23:6

Soc la sloq'uesbe te sloc'omba Asera ta sna Jehová, la schic' ta fuera ta Jerusalén, ta sjuclej Cedrón, la sutp'in ta tan, la slihlin ta sba te muquenaletic yu'un te yajwal te pueblohe.

2 Reyes 23:36

Te Joacim ay ho'eb scha'winic (25) ya'bilal a te och ta ajwalil; bulucheb (11) ha'bil ay ta ajwalil ta Jerusalén. Zebuda sbihil te snane, yantsil-nich'an Pedaías te talem ta Ruma.

2 Reyes 24:6

Cham te Joacim, baht sjoquin ta muquenal te chawinic sme'stat, ha och ta sjelol ta ajwalil te Joaquín te snich'ane.

2 Crónicas 36:5

Te Joacim ay ho'eb scha'winic (25) ya'bilal a te c'alal och ta ajwalil; buhlucheb (11) ha'bil ay ta ajwalil ta Jerusalén. Chopol bin la spas ta stojol Jehová te Dios yu'une.

Jeremías 22:12

tey ya xcham a ta banti ic'ot bahel ta chuquel; ma ba ya yilix te q'uinal ini, xchi.

1 Crónicas 3:15

Te snich'nab Josías, ha te Johanán te banquilal; te schebal, Joacim; te yoxebal, Sedequías; te schanebal, Salum.

Jeremías 21:11

Soc hich me xawalbe te ajwalil yu'un Judá: A'iybeya awa'iy sc'op te Jehová:

Jeremías 36:30

Ha yu'un hich yaloj te Jehová sc'oblal Joacim ajwalil yu'un Judá: Ma me ayuc sts'umbal ya shuhcan sba ta shuctajib David, soc te sbaq'uetal ya x'ac'ot ta sc'uxul c'ahc'al soc ta sc'uxul sic ta ahc'abal.