Jeremías 22:13 - Bible in Tzeltal Bachajón

¹³ ¡Obol sba te mach'a ya spas sna ta scuenta bin ma tojuc ta pasel, te ya spas scha'cajal na ta scuenta te bin ma tojuc; te tojol ya yac' a'tejuc te spat-xuhc, ma ba ya ya'be stojol sc'ab!

Bible in Tzeltal de Oxchuc y Tenejapa

¹³ Te Cajwaltic la yal: —Ya me awil awocol ja'at, Joacim, melel ta scaj te bila amen soc bila ma tojuc te ya apas apalacio soc te ya apas te buen toyol naetique. Ya awac' at'ejuc winiquetic te ni ma'yuc stojol sc'abic ya awac'bey.

Jeremías 22:13 Referans Kwoze

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Miqueas 3:10

te yac apasic te Sión ta scuenta ch'ich' soc te Jerusalén ta scuenta ma stojiluc chahpanel.

Levítico 19:13

Ma xawuts'in apat-axuhc soc ma xawelc'ambe te sbiluque. Ma pajeluc to yac atojbe ya'tel te mach'a ya x'a'tej awu'un.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Jeremías 22:18

Ha yu'un te Jehová hich ya yalbe sc'oblal te Joacim snich'an Josías, ajwalil yu'un Judá: Ma ba ya x'oq'uetayot yu'unic, te hich ya yalic: ¡Obol aba, hermano! ¡Obol aba, hermana! ma xchihuquic. Ma hichuc ya yalic ta oq'uel: ¡Obol aba, ajwalilat cu'un! ¡Obol aba, ha'at te ay awutsilal! ma xchihuquic.

2 Crónicas 36:4

Te ajwalil yu'un Egipto la yotses ta ajwalil yu'un Judá soc Jerusalén te Eliaquim te yermano Joacaz, soc la sjelbe sbihil, Joacim c'oht yu'un. Te Joacaz te yermano ic'ot bahel yu'un Necao ta Egipto.

2 Crónicas 36:5

Te Joacim ay ho'eb scha'winic (25) ya'bilal a te c'alal och ta ajwalil; buhlucheb (11) ha'bil ay ta ajwalil ta Jerusalén. Chopol bin la spas ta stojol Jehová te Dios yu'une.

Isaías 5:8

¡Ay me swocolic te mach'atic ya slehticlan nahetic yu'unic, soc ya slehticlan q'uinaletic, ha to c'alal ya yich'ic spisil! ¿Atuquelic bal ya x'ayinex ha'ex ta q'uinal?

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Deuteronomio 15:13

Te bin ora yac awac' ta libre, ma me jocholuc sc'ab a yac aticon bahel.

Job 31:39

teme la jwe'be sit te awal-ts'unubil te ma ba la jtoj, o teme la jca'be smel yo'tan te yajwale,

Habacuc 2:12

Obol sba te mach'a ya spas pueblo ta scuenta ch'ich', te ya ya'be yich' yip ta scuenta uts'inel.