Jeremías 21:12 - Bible in Tzeltal Bachajón

¹² Sts'umbalex David, hich ya yal te Jehová: Stojil me xawa'iyic chahpanwanej ta sab, ac'ahic ta libre te mach'a tembil yu'un te j'uts'inwanej, scuenta yu'un ma ba ya xloc' talte quilimba hich te bin ut'il c'ahc'te ya xtihl te mayuc mach'a ya xhu' yu'un stup'el, ta scaj te chopol awa'telique.

Jeremías 21:12 Referans Kwoze

Isaías 1:17

nopahic spasel te bin lec, lehahic te bin stojil ta pasel, coltayahic te mach'a ay ta tulan uts'inel, toj me xachahpanic te me'ba' alaletic, c'opojanic yu'un te me'ba' antsetique.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Isaías 1:31

Te mach'a ay yip hich ya xc'oht te bin ut'il taquin ac, soc te ya'tel hich te bin ut'il nich-c'ahc'; ta schebal pajal ya xchic'otic, soc mayuc mach'a ya stup', xchi te Jehová.

Sofonías 3:5

Ha toj stuquel te Jehová te ay ta yohlil, mayuc bin chopol ya spas; ta jujun sab ya yac' chicnajuc te stojil ya'tel, ma ba ya spas falta; yan te mach'a chopol, ma sna'be sba te q'uexlale.

Nahúm 1:6

¿Mach'a ya xcuhch yu'un te yilimba? ¿Mach'a ya xhu' ya stehc'an sba ta stojol te sc'ahc'al yilimbahe? Te yilimba hich ya xmahl cohel te bin ut'il c'ahc', soc ya xwuy te tontiquil ta stojol.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Jeremías 7:20

Ha yu'un hich yaloj te Cajwaltic Jehová: Te sc'ahc'al co'tan soc te quilimba ya xmahl cohel ta stojol te lugar ini, ta stojol te ants-winiquetic, chambahlametic, te'etic ta q'uinal soc ta sit awal-ts'unubileic. Ya xtihl, ma ba ya xtup', xchi.

Jeremías 5:28

Juhp'ic soc t'ujbil ta ilel, c'ax bayel bintic chopol ya spasic. Ma ba toj la schahpanic te me'ba' yu'un lec ya xc'ohtic. ¡Ma ba c'opojic yu'un te pobrehetique!

Romanos 13:4

como ha a'bat yu'un Dios yu'un hich lec ya xc'ohat a. Yan teme yac apas te bin chopol, xiwan me yu'un, como ma tojoluc yich'oj te espada, como ha a'bat yu'un Dios, ha ya ya'be castigo te mach'a chopol bin ya spase.

San Lucas 1:69

Ta sts'umbal David te a'bat yu'un la schicnajtesbotic jtuhl Jcoltaywanej te bayel yu'el,

Ezequiel 22:31

Ha yu'un la jmal cohel quilimba ta stojolic. La jlajinlan ta scuenta sc'ahc'al quilimba, la jcac' suhtuc ta stojolic te bintic spasojic, xchi te Jehová, te Ajwalil.

Lamentaciones 4:11

Te Jehová ts'acal c'oht te yilimba, la smal cohel te sc'ahc'al yo'tan, la ya'be sc'ahc'al te Sión te la slajin c'alal ta yich'o-ip.

Jeremías 23:19

Ilawil, te tulan yic'al ha'al yu'un Jehová tulan ya xloc' bahel; tulan sutu-ic' ya xc'oht ta stojol te mach'atic chopolique.

Jeremías 5:14

Ha yu'un hich ya yal te Jehová te Dios te scuentahinej spisil: Te bin ut'il hich la yalic, ya cac' jc'op ta awe hich ya xc'oht te bin ut'il c'ahc', soc te pueblo ini hich ya xc'oht te bin ut'il si' te ya xchic'ot yu'un.

Isaías 7:13

Ha yu'un hich la yal te Isaías: A'iya me awa'iy ta ora, sna David: ¿Ma bal tic'uc yac awa'iy a te yac awuts'in te ants-winiquetic, ya bal awuts'in ec te Dios cu'une?

Isaías 7:2

C'oht c'op ta stojol te sts'umbal David, hich halbot: Te Siria schapoj sc'op soc Efraín, xchi. Ha yu'un te ajwalil soc te pueblo yu'un hahchic ta nihquel hich te bin ut'il ya xyuc'ot ta ic' te te'etic ta ha'mal.

Salmos 101:8

Ta jujun sab ya jlajinlan spisil te mach'atic chopolic ta q'uinal, scuenta yu'un ya xlaj ta muc'ul pueblo yu'un Jehová spisil mach'atic ya spasic te bin chopol.

Sofonías 1:18

Ta sc'ahc'alel yilimba te Jehová ma ba ya xcoltayotic yu'un te plata o te oro yu'unique; ya xlaj spisil te q'uinal ta sc'ahc'al te xut'et yo'tan, como ora nax jc'axel ya slajin spisil te mach'atic nahinemic ta q'uinal.

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.

Jeremías 21:5

Ho'on jachoj jc'ab ta ya'beyelex guerra soc yip jc'ab, soc quilimba soc smuc'ul sc'ahc'al co'tan.

Job 29:17

La jwuyticlambe scolmillo te jchopol-o'tanetic, la jpojbe ta yehic te sti'balique.

2 Samuel 8:15

Te David ay ta ajwalil ta stojol spisil Israel; la spas te bin toj soc te bin lec ta stojol spisil te pueblo.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Levítico 26:28

ha nix hich ya jcontrahinex soc quilimba soc ya jtoybeyex huqueb buelta castigo yu'un te amulique.

Éxodo 18:13

Ta yan c'ahc'al te Moisés la shuhcan sba ta schahpanel te ants-winiquetic. Teq'uelic ta stojol Moisés ta sab c'alal ta tibiltic.

Jeremías 7:5

Teme melel yac atojobtesic te behetic awu'unic soc te awa'telic, teme melel talel c'axel yac apasbe abahic te bin stojil,

Jeremías 23:2

Ha yu'un te Jehová, te Dios yu'un Israel, hich ya yalbe te jcanan-tuminchijetic te ya scanantaybonic te pueblo cu'un: Ha'ex la apucticlanic bahel te tuminchijetic cu'un soc la axiwteslanic; ma ba la acanantayic. Ha yu'un ya ca'bat castigo yu'un te schopolil awa'telique, xchi te Jehová.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.