Jeremías 21:10 - Bible in Tzeltal Bachajón

¹⁰ Como jnopoj te ya ca'be te bin chopol, ma ha'uc te bin lec, te pueblo ini, xchi te Jehová. Ya x'a'bot ta sc'ab te ajwalil yu'un Babilonia, ha me ya ya'be sc'ahc'al.

Bible in Tzeltal de Oxchuc y Tenejapa

¹⁰ Melel jnopoj te ya cac'bey tel bila amen ta stojol in lum to, ma ja'uc ya cac'bey te bila leque. Ya me cac'bey ta sc'ab te muc' ajwalil yu'un Babilonia, soc ja' me ya yac'bey sc'aal te lume. Jo'on Ajwalilon, jich ya cal”, uta me —xi' te Cajwaltique.

Jeremías 21:10 Referans Kwoze

Jeremías 44:11

Ha yu'un hich yaloj te Jehová te scuentahinej spisil, te Dios yu'un Israel: Ilawil, jnopoj te ya cac' tal bin chopol ta atojolic yan buelta, ya jin spisil Judá.

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Ezequiel 15:7

Ya cac' jsit quelaw ta scontrahinel; aunque colic ta c'ahc' ya to yich'ic lajinel ta c'ahc'. Ya me ana'ic te ho'on Jehovahon te c'alal ya cac' jsit quelaw ta scontrahinel.

Jeremías 52:13

La schic' te sna Jehová, te sna te ajwalil soc spisil te nahetic ta Jerusalén. La slajin ta c'ahc' spisil te muc'ul nahetic te ay sc'oblalique.

Jeremías 39:8

Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Jeremías 38:18

Pero teme ma ba yac awac' aba ta sc'ab te príncipaletic yu'un te ajwalil yu'un Babilonia, ya me x'och ta sc'ab te caldeohetic te pueblo ini soc ya me ya'beyic sc'ahc'al; te ha'ate ma ba ya xcolat ta sc'abic, xchi.

Jeremías 38:3

Hich yaloj te Jehová: Te pueblo ini ya me x'och ta sc'ab te soldadohetic yu'un te ajwalil yu'un Babilonia; ya me yu'untayic, xchi.

Jeremías 34:2

Hich yaloj te Jehová, te Dios yu'un Israel: Bahan, halbeya te Sedequías ajwalil yu'un Judá te hich yaloj te Jehová: Ya cac' ta sc'ab te ajwalil yu'un Babilonia te pueblo ini, ha ya schic' ta c'ahc'.

2 Crónicas 36:19

La schiq'uic te sna Dios, la sjinic te sts'ahcul te Jerusalén, la schiq'uic spisil te muc'ul t'ujbil nahetic tey a soc la sjinticlanic spisil te bintic bayel sc'oblale.

Jeremías 38:23

Spisil te antsetic awu'un soc te anich'nab ya me x'ac'otic ta sc'ab te caldeohetique. Te ha'ate ma ba ya xcolat ta sc'abic, ya me x'ochat ta sc'ab te ajwalil yu'un Babilonia, te ha ya schic' te pueblo ini, xchi.

Salmos 34:16

Te Jehová ya yilintay te mach'atic ya spasic te bin chopol, yu'un ya stup'be ta bahlumilal te sna'ojibal yu'unique.

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Levítico 17:10

Mach'ayuc winiquil ta sna Israel o jyanlum te nahinem ta awohlilic te ya swe' ch'ich', ma lecuc co'tan yu'un te mach'a ya swe' ch'ich, ya me jloq'ues ta yohlil te slumale.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Jeremías 34:22

Ya cal mandar, xchi te Jehová, soc ya cac' te ya suhtic tal ta pueblo ini. Ya me ya'beyic guerra, ya me yu'untayic soc ya me ya'beyic sc'ahc'al. Soc ya cac' te ya xlaj te pueblohetic yu'un Judá, mayuc mach'a ya xhil ta nahinel tey a, xchi.

Jeremías 26:6

ya cac' te hich ya xc'oht te na ini te bin ut'il Silo soc te pueblo ini ya cac' te ma lecuc sc'oblal ya xc'oht ta stojol spisil te nacionetic ta bahlumilal, xchi.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Jeremías 33:5

(como teme ya xloq'uic bahel ta ya'beyel guerra te caldeohetic, ha nax ya xtuhun te nahetic te ya xnojic yu'un ta chamen baq'uet te ya cac'ticlan ta lajel ta scuenta quilimba, yu'un la jnac' jsit quelaw ta stojol te muc'ul pueblo ini),

Jeremías 39:16

Bahan halbeya te Ebed-melec te etíope-winic: Hich yaloj te Jehová te scuentahinej spisil, te Dios yu'un Israel: Ya jc'ohtes ta pasel te bin caloj ta stojol te pueblo ini te bin chopol, ma ha'uc te bin leque. Ya xc'oht ta pasel ini ta stojol asit.

Ezequiel 24:11

Otsesa ta tsajuben ac'al te jochol oxom, yu'un ya xc'ahc'ub, ya xtsajub yu'un c'ahc' te bronce, yu'un ya x'uhl te ya'baquil soc ya xc'ahc' te schuxubenale.

Amós 2:5

Ha yu'un ya ca'be sc'ahc'al te Judá, ha ya slajinlan te tulan ts'ahquetic yu'un Jerusalén, xchi.

Jeremías 38:17

Ha yu'un te Jeremías la yalbe Sedequías: Hich yaloj te Jehová te scuentahinej spisil, te Dios yu'un Israel: Teme yac awac' aba ta sc'ab te príncipaletic yu'un te ajwalil yu'un Babilonia, hich ya xcuxajat soc te mach'atic ay awu'un, soc ma ba ya yich' chiq'uel te pueblo ini.