Jeremías 21:1 - Bible in Tzeltal Bachajón

¹ Te sc'op Jehová te tal ta stojol Jeremías te c'alal te ajwalil Sedequías la sticon bahel te Pasur snich'an Malquías soc te sacerdote Sofonías snich'an Maasías yu'un hich ya yalbeyic te Jeremías:

Bible in Tzeltal de Oxchuc y Tenejapa

^1-2 Te muc' ajwalil Sedequías la sticun bael te Pasur snich'an Malquías, soc te sacerdote Sofonías te snich'an Maasías, ta yilel te Jeremías, soc te yacuc yalbey: —Wocoluc jojc'obotic Cajwaltic a te bit'il ay te bila yac ta c'oel ta jwentatique, melel te Nabucodonosor te muc' ajwalil yu'un Babilonia, ya yac'botic guerra. Ayuc bit'il ya spasbotic jchajp at'elil, te ya sticunbotic sujt'el te Nabucodonosor —xi' te Sedequíase. Jich yu'un te Cajwaltic, la sc'opon Jeremías,

Jeremías 21:1 Referans Kwoze

Jeremías 37:3

Te ajwalil Sedequías la sticon bahel te Jucal snich'an Selemías soc te sacerdote Sofonías snich'an Maasías yu'un hich ya yalbeyic te jalwanej Jeremías: Awocoluc, c'opombotic Jehová te Dios cu'untic, xchihic.

Jeremías 29:25

Hich yaloj te Jehová te scuentahinej spisil, te Dios yu'un Israel: Ta scuenta abihil la aticon carta ta stojol spisil te pueblo te ay ta Jerusalén soc ta stojol te sacerdote Sofonías snich'an Maasías, soc spisil te yantic sacerdotehetic, hich la awal:

Jeremías 52:24

Te capitán la stsac te Seraías te muc'ul sacerdote, te Sofonías te schebal sacerdote, soc te oxeb jcanan-amac'.

Jeremías 38:1

Te Sefatías snich'an Matán, Gedalías snich'an Pasur, Jucal snich'an Selemías, soc Pasur snich'an Malquías la ya'iyic te bin yac yalbel te Jeremías ta stojol spisil te pueblo, te hich la yal:

Jeremías 37:1

Te Nabucodonosor ajwalil yu'un Babilonia la yotses ta ajwalil yu'un Judá te Sedequías snich'an Josías scuenta sjelol te Jeconías snich'an Joacim.

1 Crónicas 9:12

soc te Adaía snich'an Jeroham, snich'an Pasur, snich'an Malquías; te Masai snich'an Adiel, snich'an Jazera, snich'an Mesulam, snich'an Mesilemit, snich'an Imer;

Nehemías 11:12

soc te yermanotac te ayic ta a'tel ta Templo, ha cha'bahc' soc cheb scha'winic (822) ta tuhl. Soc te Adaías snich'an Jeroham, snich'an Pelalías, snich'an Amsi, snich'an Zacarías, snich'an Pasur, snich'an Malquías,

1 Crónicas 3:15

Te snich'nab Josías, ha te Johanán te banquilal; te schebal, Joacim; te yoxebal, Sedequías; te schanebal, Salum.

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

Jeremías 29:29

Te sacerdote Sofonías la yil te carta ta stojol te Jeremías.

Jeremías 37:7

Hich yaloj te Jehová, te Dios yu'un Israel: Te ajwalil yu'un Judá te la sticonex tal ta jtojol yu'un yac ajoc'obonic, hich yac awalbe: Te soldadohetic yu'un faraón te loq'uemiquix tal yu'un ya scoltayex, ya suhtic bahel ta Egipto.

Jeremías 37:17

Te ajwalil Sedequías la sticon ta iq'uel tal, muquen la sjoc'obe ta sna: ¿Ay bal bin yaloj te Jehová? xchi. Ay, xchi te Jeremías, ya me x'ochat ta sc'ab te ajwalil yu'un Babilonia, xchi.

Jeremías 38:14

Patil, te ajwalil Sedequías la sticon ta iq'uel tal te jalwanej Jeremías ta yoxebal ochibal yu'un te sna Jehová. Te ajwalil hich la yalbe te Jeremías: Ay bin ya joc'obat, ma me ayuc bin xamuc ta awo'tan, xchi.

2 Reyes 22:13

Bahan, joc'obeyahic te Jehová ta jcuenta soc ta scuenta spisil Judá sc'oblal bin ya yal te libro ini te la yich' tahel, como muc' te yilimba Jehová te tihlem ta jtojoltic ta scaj te ma ba la yich'ic ta cuenta te jme'jtatic te bin ya yal te libro ini, ma hichuc la spasic te bin ut'il ts'ihbabil tey a, xchi.

Jeremías 35:4

La jquic'ticlan tal ta sna Jehová, ta jtsahl-na yu'un te snich'nab Hanán snich'an Igdalías, te swinic Dios, te ay ta sts'ehl te jtsahl-na yu'un te príncipaletic, ta sba te stsalul sna te Maasías snich'an Salum, te jcanan-ti'nahile.