Jeremías 20:8 - Bible in Tzeltal Bachajón

⁸ Te jujun buelta te ya xc'opojon, hich ya x'awonon: ¡Ay uts'inel soc jinel! xchihon, como te sc'op Jehová la yac'on ta ixta'c'optayel soc labanel jujun c'ahc'al.

Bible in Tzeltal de Oxchuc y Tenejapa

⁸ Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Jeremías 20:8 Referans Kwoze

Jeremías 6:10

¿Mach'a ya jc'opon soc ya jtsits, yu'un ya ya'iy? Macal schiquinic, ma xhu' ya ya'iyic c'op. Ya xq'uexawic yu'un te sc'op Jehová, mayuc yutsil yo'tanic yu'un.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

1 Pedro 4:14

Teme ayex ta ixta'c'optayel ta scaj te sbihil te Cristo, bayel me awutsilic yu'un, como ay ta atojolic te Espíritu yu'un Dios te bayel yutsil.

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Hebreos 11:26

ha bayel xan sc'oblal ta yo'tan te bohlc'optayel ta scuenta Cristo te bin ut'il te sc'uhlejal te egipciohetic, como yac'oj sit tey a te mahtanile.

San Lucas 11:45

Hich la sjac' jtuhl maestro yu'un te Ley: Maestro, te bin ut'il hich yac awale, ha nix hich yac alabanotcotic ya ca'iycotic, xchi.

Jeremías 28:8

Te jalwanejetic te nahil c'axic cu'untic ta namey la yalic ta sc'op-jalwanej sc'oblal guerra, wocol soc jmilawal-chamel ta stojol bayel ta chahp nacionetic soc muc'ul ajwaliletic.

Jeremías 20:7

La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.

Jeremías 17:27

Yan teme ma ba yac ach'uhumbonic jc'op ta sch'ultesel te sc'ahc'alel cux-o'tan, te yac awich'ic ochel tal ihcatsil ta ochibaletic yu'un Jerusalén ta sc'ahc'alel cux-o'tan, ya ca'be sc'ahc'al te ochibaletic yu'un te ya slajinlan te muc'ul nahetic yu'un Jerusalén, mayuc mach'a ya xhu' yu'un stup'el, xchi.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Jeremías 5:1

Behenanic ta callehetic yu'un Jerusalén, ila me awilic ta lec, nopa awa'iyic, lehahic ta plazahetic; teme yac atahic jtuhluc te ya spas te bin toj, te ya sle te bin smelelil, yu'un ya jpasbe perdón.

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

Jeremías 15:15

Ha'at ana'oj, Jehová; na'awon, canantayawon, a'beya spacol te mach'atic ya yuts'inonique. Te bin ut'il ma orahuc ya x'ilinat, ma xaloq'ueson bahel; yac ana' te yac ta c'axel jwocol ta acuenta.

Habacuc 1:3

¿Bin yu'un yac awa'bon quil te bin chopol, te yac awa'bon quil wocol? Ay ta jtojol jinel soc uts'inel; ay hach-c'op soc tsaltamba-c'op.

2 Reyes 2:23

Patil te Eliseo baht ta Bet-el. C'alal yac ta mohel bahel ta be a, loc' tal queremetic ta pueblo. Hahch slabanic, hich la yalic: ¡Mohan bahel, t'ax jol! ¡Mohan bahel, t'ax jol! xchihic.

Isaías 57:4

¿Mach'a a te yac alabanic? ¿Mach'a a te yac ajam awe ta scontrahinel soc te yac aloq'ues tal awac' yu'une? ¿Ma bal ha'uc yal-snich'nabex jtoybahetic, ha sts'umbalex jlotetic