Jeremías 20:7 - Bible in Tzeltal Bachajón

⁷ La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.

Bible in Tzeltal de Oxchuc y Tenejapa

⁷ Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.

Jeremías 20:7 Referans Kwoze

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

Lamentaciones 3:14

La jquich' tse'layel yu'un spisil te jlumale, spisil ora ya stahonic ta labanel.

Ezequiel 3:14

Te espíritu la slicon hahchel, la yic'on bahel; pich'il co'tan soc ilin co'tan bahel, tulan stsacojon a te sc'ab Jehová.

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Hebreos 11:36

Ay yantic la yich'ic bohlc'optayel soc majel; soc xan ay la yich'ic chuquel ta cadena soc otsesotic ta cárcel.

1 Corintios 9:6

O ¿ha nax bal ho'on soc Barnabé te ya sc'an ya x'a'tejotcotic yu'un ya jtahcotic bintic ya xtuhun cu'uncotic a?

Hechos 17:32

C'alal la ya'iybeyic sc'oblal te cha'cuxajel yu'un te mach'atic chamenic, ay la slabanic, ay yantic la yalic: Yan to buelta ya ca'iycotic xan sc'oblal ini, xchihic.

Hechos 17:18

Ay cha'oxtuhl jp'ijubteswanejetic yu'un te epicúreohetic soc yu'un te estóicohetic la stsal sbahic ta c'op soc te Pablo. Ay mach'atic la yalic: ¿Bin ya sc'an ya yal te winic ini te bayel ya xc'opoj? xchihic. Ay yantic la yalic: Yu'un wan yac yalbel sc'oblal yach'il diosetic, xchihic, como yac yalbel sc'oblal te Jesús soc te cha'cuxajele.

San Lucas 23:11

Hich te Herodes soc te soldadohetic yu'un la sp'ajic soc la slabanic te Jesús, la ya'beyic slap buen t'ujbil c'u'ul, la sticon suhtel ta stojol Pilato.

San Lucas 16:14

Te fariseohetic te smulanejic c'uhlejalil, la ya'iyic spisil soc la slabanic yu'un.

Miqueas 3:8

Yan te ho'one nojel te co'tan ta yu'el te espíritu yu'un Jehová nojel ta stojil chahpanel soc ta quip, yu'un yalbeyel te stoybahil te Jacob soc te smul te Israel.

Jeremías 29:26

Te Jehová yac'ojat ta sacerdote ta sjelol te sacerdote Joiada yu'un yac acuentahin ta sna Jehová spisil mach'a sohquem sjol te ya sp'is sba ta jalwanej, yu'un yac axojbe yoc soc sc'ab ta hotbil te' soc yac achucbe snuc' ta cadena.

Jeremías 17:16

Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Jeremías 15:18

¿Bin yu'un te spisil ora ay bin c'ux ya ca'iy soc te mayuc spoxil te quehchen, te ma xlecub? ¿Hich bal ya xc'ohat ta jtojol te bin ut'il be-ha' te ya xlo'loywan, te ma staleluc ay ya'lele?

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

2 Reyes 2:23

Patil te Eliseo baht ta Bet-el. C'alal yac ta mohel bahel ta be a, loc' tal queremetic ta pueblo. Hahch slabanic, hich la yalic: ¡Mohan bahel, t'ax jol! ¡Mohan bahel, t'ax jol! xchihic.

Job 12:4

Ya stse'layon te camigotac; ho'on te ya jc'opon Dios soc ya sjac'bon, te toj co'tan soc lecon ta winiquil, ya quich' labanel.

Salmos 119:51

Te mach'atic stoyoj sbahic bayel ya slabanonic, pero ma ba ya quihquitay te ley awu'une.

Jeremías 38:19

Te Sedequías hich la yalbe te Jeremías: Ya jxi' te judiohetic te ay c'axemiquix ta stojol te caldeohetique; teme ya x'ochon ta sc'abic ya wan yuts'inonic, xchi.

Jonás 4:2

La sc'opon te Jehová, hich la yal: ¡Jehová! ¿ma bal hichuc nix la jcal te c'alal ayon to ta jlumal? Ha scuentahil te ahnon bahel ta Tarsis, como jna'oj te ha'at Diosat te ay yutsil awo'tan soc yac ana'be yo'bolil sbahic, te ma orahuc ya x'ilinat soc ay bayel sc'uxul awo'tan, soc te yac asuht ac'op ta spasel te bin chopole.

Job 30:9

Pero yo'tic ya slabanonic soc sutp'ijon ta tse'ejil c'op yu'unic.

Isaías 8:11

Hich la sc'oponon te Jehová soc yip sc'ab, soc la yalbon te ma me jt'un te be yu'un te pueblo ini, hich la yalbon: