Jeremías 20:5 - Bible in Tzeltal Bachajón

⁵ Soc ya ca'be ta sc'ab scontratac spisil sc'ulejal te pueblo, spisil sit ya'tel soc spisil bintic t'ujbil yu'un, soc spisil sc'ulejal te ajwaliletic yu'un Judá; ya me spojticlanic soc ya me yich'ic bahel ta Babilonia.

Bible in Tzeltal de Oxchuc y Tenejapa

⁵ Ja' nix me ya cac'bey ta sc'ab scontrotac spisil sc'ulejal te lume, spisil bila yu'uninej, soc te bitic bayal sc'oplal, soc spisil yawil sc'ulejal te muc' ajwaliletic yu'un Judá, swenta yu'un ya me yich'ic bael ta Babilonia.

Jeremías 20:5 Referans Kwoze

Ezequiel 22:25

Te jalwanejetic ta awohlil ya schapbe sc'oblal milel, hich te bin ut'il choj te xhihet ta stsaquel swe'el. La slajimbeyic scuxlejalic ants-winiquetic, la yich'ic c'ulejaliletic soc yantic bintic t'ujbilic; soc la yaq'uic p'ohluc me'ba' tey a.

Jeremías 15:13

Te ac'ulejal soc te bintic q'uejbil awu'un ya cac' ta pojel, mayuc stojol, ta scaj spisil amul ta spisil alumal.

Lamentaciones 1:10

Te scontra la shach sc'ab ta stsaquel spisil te bintic bayel sc'oblal yu'une; la yil te ochic yantic nacionetic ta ch'ul awilal yu'un, ha te la awal mandar, Cajwal, te ma me x'ochic ta tsoblej awu'une.

Jeremías 17:3

ta sba te toyol witsetic soc ta jamal q'uinal. Ya cac' ta pojel spisil ac'ulejal ta scaj smul te toyol awilaletic awu'un ta spisil aq'uinal.

2 Crónicas 36:10

Ta shahchel te ha'bil te Nabucodonosor la sticon ta iq'uel bahel ta Babilonia te Joaquín soc te biluquetic te bayel sc'oblalic ta sna Jehová, soc la yotses ta ajwalil yu'un Judá soc Jerusalén te Sedequías te stajun te Joaquín.

Daniel 1:2

Te Jehová la yac' ta sc'ab Nabucodonosor te Joacim ajwalil yu'un Judá, soc te bintic ya xtuhun ta templo yu'un Dios; la yich'ticlan bahel ta sq'uinal Sinar, ta templo yu'un te dios yu'un, la yac' te biluquetic ta yawil sc'ulejal ta templo yu'un te diosetic yu'une.

Lamentaciones 4:12

Te ajwaliletic ta q'uinal soc spisil te mach'atic nahinemic ta bahlumilal ma ba la sch'uhunic te ya x'ochic ta ochibaletic yu'un Jerusalén te scontrataque.

Lamentaciones 1:7

Te Jerusalén, te c'alal och ta sc'ab te scontra soc te mayuc mach'a coltayot yu'un, la sna' te bin ora ay swocol soc te stoyoj sba, la sna' spisil te sc'ulejal te la sta ta namey. Ilot yu'un te scontratac, labanot yu'un.

Jeremías 39:8

Te caldeohetic la ya'beyic sc'ahc'al te sna ajwalil soc te nahetic ta pueblo, soc la sjinticlanic te ts'ahquetic yu'un Jerusalén.

Jeremías 39:2

Ta sbalunebal c'ahc'al ta schanebal u ta sbuluchebal (11) ha'bil yochel ta ajwalil a te Sedequías ay banti la yich' jamel te sts'ahcul te pueblo.

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 3:24

Te loc'ombahetic te q'uexlaltic sba la slajimbeyic sit ya'tel te jme'jtatic, c'alal ta jqueremiltic: ha te tuminchijetic soc wacaxetic, te queremetic soc ach'ixetic yu'unic.

Isaías 39:6

Ya me sta yorahil te spisil bintic ay ta ana, soc spisil bintic la stsob te ame'atat c'alal ora, ya x'ich'ot bahel ta Babilonia; mayuc bin ya xhil, xchi te Jehová.

Jeremías 32:24

Ilawil, la sbusanic mohel lum ta sts'ahcul te pueblo scuenta ya'beyel guerra. Ta scaj espada, wi'nal soc jmilawal-chamel, te pueblo ya x'och ta sc'ab te caldeohetic te yac yac'belic guerrahe. C'ohemix ta pasel te bin la awal, ilawil, yac awilbel.

Oseas 13:15

Aunque ya xp'ohl ta yohlil te yermanotac, ya xtal te ic' ta banti ya xloc' tal c'ahc'al, te ic' yu'un Jehová te ya xtal ta jochol taquin q'uinal, ya xtaquij te sloq'uib-ha' yu'un, ya xtup' banti ya xloc' te ha' yu'une. Ha ya spojbe spisil bintic ay ta yawil sc'ulejal te t'ujbilique.