Jeremías 20:18 - Bible in Tzeltal Bachajón

¹⁸ ¿Bin yu'un loc'on tal ta sch'uht jnan yu'un yilel wocol soc sc'uxul soc te ya xlaj jcuxlejal ta q'uexlal?

Bible in Tzeltal de Oxchuc y Tenejapa

¹⁸ ¿Bi yu'un te loc'on tel ta xch'ujt' te jme'e, te ja' nax tal caiy xc'uxul mel-o'tan ta q'uinal, swenta yu'un potsbilon ta q'uexlal ya xch'ayon bael ta q'uinal soc jcuxlejal?

Jeremías 20:18 Referans Kwoze

Job 3:20

¿Bin yu'un ya x'a'bot sacal q'uinal te mach'a ay swocol soc te ya x'a'bot scuxlejal te mach'a pich'il yo'tan;

Lamentaciones 3:1

Ho'on te mach'a yiloj wocol te tal ta scuenta te xul yu'un te yilimba te Diose.

Job 14:1

Te winic te ayintesbil yu'un ants com nax te scuxlejal soc nojel ta wocol.

Salmos 69:19

Ha'at ana'oj te ayon ta labanel, ta q'uexlal soc ta uts'inel; ay ta atojol spisil te jcontrataque.

Hebreos 13:13

Ha yu'un ac'a loc'ucotic bahel ta stahel ta sti'il te campamento, pajal ac'a cuhchuc cu'untic te p'ajel yu'une,

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

Hebreos 11:36

Ay yantic la yich'ic bohlc'optayel soc majel; soc xan ay la yich'ic chuquel ta cadena soc otsesotic ta cárcel.

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

Hechos 5:41

Te jpuc-c'opetic loq'uic bahel ta stojol te jchahpanwanejetic, tse'el yo'tanic yu'un te lec sc'oblalic ta stojol Dios te bin ut'il a'bot c'axuc swocolic ta uts'inel ta scaj te Bihilile.

San Juan 16:20

Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

Lamentaciones 1:12

¿Ma bal ayuc sc'oblal ta awo'tanic, ha'ex te ya xc'axex bahel ta be tey a? Ilawilic teme hich ay sc'uxul te bin ut'il te sc'uxul te tal ta jtojol; como te Jehová la ya'bon jwocol ta sc'ahc'alel yilimba.

Jeremías 8:18

Mayuc spoxil te jmel-o'tan, ya xlaj yip te co'tane.

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Isaías 1:6

C'alal ta stahn awoc c'alal ta yohlil ajol mayuc banti lec ay, ha ehchen, siht'em, c'a'em; ma ba poxtaybil, ma ba potsbil soc ma ba c'unubtesbil ta aceite.

Job 14:13

¡Ayuc bin ut'il yac anac'on ta stsobojibal te mach'atic chamenic, te yacuc anac'on ha to c'alal ya xlahmaj te awilimba; te yacuc awahtaybon corahil, patil yacuc ana'on xan!

Job 5:7

Hich te bin ut'il te nich c'ahc' ya xwihl bahel ta toyol, hich ya x'ayin te winic yu'un ya xc'ax swocol.

Salmos 102:3

Como te c'ahc'aletic cu'un hich ya xtup' bahel te bin ut'il ch'ahil, soc te jbaquel hich yac ta tihlel te bin ut'il ac'al.

Jeremías 3:25

Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Jeremías 15:10

¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

Habacuc 1:3

¿Bin yu'un yac awa'bon quil te bin chopol, te yac awa'bon quil wocol? Ay ta jtojol jinel soc uts'inel; ay hach-c'op soc tsaltamba-c'op.

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Jeremías 15:18

¿Bin yu'un te spisil ora ay bin c'ux ya ca'iy soc te mayuc spoxil te quehchen, te ma xlecub? ¿Hich bal ya xc'ohat ta jtojol te bin ut'il be-ha' te ya xlo'loywan, te ma staleluc ay ya'lele?