Jeremías 20:11 - Bible in Tzeltal Bachajón

¹¹ Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Bible in Tzeltal de Oxchuc y Tenejapa

¹¹ Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Jeremías 20:11 Referans Kwoze

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 1:8

Ma me xiwat ta stojolic, como joquinejat yu'un ya jcoltayat, xchi te Jehová.

Jeremías 15:20

Ya cac' te ha tulan ts'ahc pasbil ta bronce ya xc'ohat ta stojol te pueblo ini; ya ya'bat guerra, pero ma ba ya stsalat, como joquinejat yu'un ya jcoltayat soc yu'un ya cac'at ta libre, xchi te Jehová.

Jeremías 17:18

Ac'a q'uexawuc te j'uts'inwanejetic cu'un, ma me xawac' te ya xq'uexawanon; ac'a xiwuquic, ma me xawac' xiwucon ho'on. Ac'a taluc ta stojolic te yorahil bin chopol, jinticlana soc cheb buelta jinel.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Salmos 6:10

Ya me xq'uexawanic soc bayel me ya xiwic spisil te jcontratac; ya me suhtic bahel soc ora nax ya me stahic q'uexlal.

Salmos 40:14

Ac'a yich'ic q'uexlaltesel soc howiytesel te mach'atic ya slehbonic jlajel. Ac'a suhticuc ta spatic soc q'uexlaltesel te mach'atic ya sc'an ya yuts'inonic.

Salmos 35:26

Ac'a yich'ic q'uexlaltesel soc howiytesel te mach'atic tse'el yo'tanic yu'un te jwocole; ac'a slapic q'uexlal soc howiytesel te mach'atic toyol yac'oj sbahic ta scontrahimbelonique.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Jeremías 23:40

Soc ya caq'uex ta q'uexlal spisil ora, ta pehc'anel sbahtel q'uinal te ma ba ya xch'ayot ta o'tanil, xchi.

2 Timoteo 4:17

Pero ay ta jts'ehl te Cajwaltic soc la ya'bon quip, scuenta yu'un hich ts'acal la yich' halel te Sc'op Dios ta jcuenta, yu'un hich me ya ya'iyic spisil a te jyanlumetique. Hich colon ta ye jti'awal choj.

Isaías 45:16

Spisil te mach'atic ya spasic loc'ombahetic ya me xq'uexawic soc ya me xpehc'anotic; pajal pehc'ambilic ya xc'axic bahel.

Salmos 66:5

¡La'ic, ilawilic te ya'tel Dios, te jchahp te bintic la spas ta stojol te ants-winiquetique!

Daniel 12:2

Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Salmos 65:5

Ha'at Diosat yu'un te jcolelcotic yac ajac' jc'opcotic ta buen t'ujbil a'teliletic te stojil ayic, ha'at te smuc'ulat yo'tanic spisilic c'alal ta sti'il bahlumilal soc ta namal sti'il mar;

Salmos 47:2

Como ay ta xi'el te Jehová te mero toyol ay, ha Muc'ul Ajwalil ta swohlol bahlumilal.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Salmos 129:2

bayel la ya'bonic jwocol c'alal ta jqueremil to, pero ma ba la stsalonic.

Jeremías 15:15

Ha'at ana'oj, Jehová; na'awon, canantayawon, a'beya spacol te mach'atic ya yuts'inonique. Te bin ut'il ma orahuc ya x'ilinat, ma xaloq'ueson bahel; yac ana' te yac ta c'axel jwocol ta acuenta.

Jeremías 22:22

Spisil te jcananetic awu'un ya xcanantayotic yu'un ic', soc te mach'atic smulanejat ya x'ic'otic bahel ta chuquel. Hich ya xq'uexawat soc peq'uel ya xc'ohat ta scaj spisil achopolil.

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

Jeremías 1:18

Yo'tic hich ya cac'at te bin ut'il pueblo te ay sts'ahcul, hich te bin ut'il oy-taq'uin soc ts'ahc pasbil ta bronce, yu'un scontrahinel spisil te q'uinal ini, te ajwaliletic yu'un Judá, te príncipaletic, sacerdotehetic soc spisil te swinquilel te q'uinale.