Jeremías 2:32 - Bible in Tzeltal Bachajón

³² ¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.

Bible in Tzeltal de Oxchuc y Tenejapa

³² Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Jeremías 2:32 Referans Kwoze

Salmos 106:21

Ch'ay ta yo'tanic te Dios te Jcoltaywanej yu'unic, te muc' bin spasoj ta Egipto,

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 3:21

Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Jeremías 2:11

¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Isaías 17:10

Como la ach'ay ta awo'tan te Dios te la scoltayat, ma ba la ana' te Muc'ul Ton yu'un ahnibal awu'un. Ha yu'un aunque yac ats'un t'ujbil ts'unubiletic soc yac ats'un ts'unubiletic te talemic ta yan q'uinal,

Oseas 8:14

Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Isaías 61:10

Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.

Salmos 9:17

Te mach'atic chopolic ya x'ic'otic bahel ta muquenal, spisil te nacionetic te ya sch'ay ta yo'tanic te Diose.

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Ezequiel 22:12

Tey ta awohlil ay mach'atic la yich'ic taq'uin yu'un smalel ch'ich'; la ac'ambe sjol ataq'uin soc ma stojiluc la awac' ta majanel taq'uin, la awuts'in ta elc'anel te apat-axuhque. ¡Ch'ayonix ta awo'tanic! xchi te Jehová, te Ajwalil.

Génesis 24:22

C'alal laj yo'tan ta yuch'el ha' te camellohetic, te winic la ya'be jun ch'ocowil pasbil ta oro te j'ohlil siclo yalal, soc cheb xan staq'uinal snuc' sc'ab pasbil ta oro te lajuneb siclo yalal.

2 Samuel 1:24

Yantsil-nich'nab Israel, oq'uetayahic te Saúl, te mach'a la ya'beyex ac'u'inic lequil tsajal pac', te mach'a la sch'albeyex ac'u'ic ta ch'albil oro.

Génesis 24:53

Soc la sloq'ues mahtaniletic pasbilic ta oro soc ta plata, soc c'u'ul pac'aletic, la ya'be te Rebeca. Soc la ya'be t'ujbil mahtaniletic te sbanquil soc te snane.

Génesis 24:30

Te c'alal la yil te ch'ocowil soc te staq'uinal snuc' sc'ab te yihts'in, soc te la yal: Hich la yalbon te winic, te xchihe, baht te banti ay te winique, teq'uel c'oht sta ta banti ay te camellohetic ta sts'ehl te sloq'uib ha'.

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Jeremías 2:33

¡Mero yac ana'be sbehlal slehel te mach'a yac amon aba soque! ¡Te chopol antsetic ay bin ya xhu' ya snopic ta acuenta!

Deuteronomio 32:15

Pero juhp' te Jesurún, soc pujawan ta teq'uel, (c'ax juhp'at, mero bayel ajuhp'el). Ha yu'un la sch'ay ta yo'tan te Dios te pasot yu'une; la yihlay te Muc'ul Ton te ya xcoltayot yu'un.

Jueces 8:34

Te snich'nab Israel ma ba la sna'iquix te Jehová te Dios yu'unic te coltayotic loq'uel ta sc'ab yu'un spisil scontrahic ta sjoyobalic.

Jeremías 23:27

Ta scuenta te swayichic te ya yalbe sbahic, ¿ya bal scuyic te hich ya yac' ch'ayucon ta yo'tan a te pueblo cu'un, hich te bin ut'il ch'ay te jbihil ta yo'tanic te sme'static ta scaj te Baal?