Jeremías 2:26 - Bible in Tzeltal Bachajón

²⁶ Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Bible in Tzeltal de Oxchuc y Tenejapa

²⁶ “Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Jeremías 2:26 Referans Kwoze

Jeremías 32:32

ta scaj spisil bintic chopol la spasic te snich'nab Israel soc snich'nab Judá te la shachbonic quilimba a, ha te ajwaliletic, príncipaletic, sacerdotehetic, jalwanejetic yu'unic, spisil te winiquetic yu'un Judá soc te mach'atic nahinemic ta Jerusalén.

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Romanos 6:21

Pero ¿bin la atahic a te yo'tic ya xq'uexawexix yu'un? Como ya yaq'uex ta lajel stuquel.

Jeremías 48:27

Moab, ¿ma bal lajuc alaban te Israel, hich te bin ut'il tahbil ta yohlil j'eleq'uetic? Como te c'alal la awalbe sc'oblal, la ajimulan ajol ta slabanel.

Jeremías 2:36

¿Bin yu'un te ora nax yac ayanijtes te behetic awu'une? Ya me xq'uexawat ta scuenta Egipto, hich te bin ut'il q'uexawat yu'un Asiria.

Isaías 1:29

Ya xq'uexawex yu'un te jihte'etic te la amulanic; soc ya yaq'uex ta q'uexlal te ts'umbil q'uinal te tsahbil awu'unique.

Ezequiel 16:54

scuenta yu'un ya xc'oht ta atojol pehc'anel soc te ya xq'uexawat yu'un spisil te bintic apasoj, te bin ut'il stahojic smuc'ul yo'tanic ta acuenta.

Ezequiel 22:26

Te sacerdotehetic yu'un la yuts'inic te Ley cu'un soc la sbohlobtesbonic te bintic ch'ultesbil cu'une; pajal c'ohem yu'unic te bin ch'ultesbil soc te bin ma ch'ultesbiluc, pajal c'ohem yu'unic te bin lec sc'oblal soc te bin bohloben sc'oblal. Mayuc sc'oblal c'oht ta stojolic te sc'ahc'alel cux-o'tan cu'un, soc bohlob jc'oblal ta yohlilic.

Zacarías 5:4

Ha la jticon bahel, xchi te Jehová te scuentahinej spisil, ha ya x'och ta sna te j'elec' soc ta sna te mach'a ay bin ya yal ta jamal ta lot ta scuenta jbihil; tey ya x'ayin ta sna soc pajal ya slajin soc te sts'amte'el soc te tonetic yu'une, xchi.

Salmos 97:7

Ya xq'uexawic spisil mach'atic ya sch'uhuntayic loc'ombahetic, ha te mach'atic stoyoj sbahic yu'un te loc'ombahetique. Spisil te diosetic ya squejan sbahic ta stojol.

Isaías 44:9

Te mach'atic ya spasic loc'ombahetic, mayuc sc'oblalic, soc ma xtuhun te bintic bayel sc'oblal ta yo'tanic. Ha'ic nix testigohetic te ma xyilic q'uinal te loc'ombahetic soc ma sna'beyic scuentahil, hich ya xq'uexawic yu'un.

Isaías 44:11

Spisil te mach'atic ay yu'unic ya stahic q'uexlal, como winiquetic nax te mach'atic ya sna'ic spasel. Ya stsob sba spisilic, ya stehc'an sbahic, ya xiwic soc ya me xq'uexawic.

Jeremías 4:9

Ta hich ora, xchi te Jehová, ya me xiw yo'tanic te ajwalil soc te príncipaletic, te sacerdotehetic ya me ya'iyic tulan xiwel, te jalwanejetic xcham yo'tanic ya ya'iyic yu'un, xchi.

Jeremías 22:22

Spisil te jcananetic awu'un ya xcanantayotic yu'un ic', soc te mach'atic smulanejat ya x'ic'otic bahel ta chuquel. Hich ya xq'uexawat soc peq'uel ya xc'ohat ta scaj spisil achopolil.