Jeremías 2:21 - Bible in Tzeltal Bachajón

²¹ La jts'unat hichuc tsahbil ts'usub, ta spisil lequil sbac' ts'unubil. ¿Bin ut'il ay a te c'atp'ujat ta jtojol ta yan ts'usubil?

Bible in Tzeltal de Oxchuc y Tenejapa

²¹ Jo'on la jts'unat jichuc ts'usub te mero cajal yutsile, jich bit'il yawalil ts'usub te mero lec ta jyalele. ¿Bi yu'un te bayal bolobenate, te ma jna'batix aba ya quile?

Jeremías 2:21 Referans Kwoze

Isaías 5:4

¿Binti xan yan pasel la sc'an ta stojol te ts'usubil cu'un te ma ba jpasoje? ¿Bin ut'il ay a te la jmahliy te ya yac' lequil ts'usubetic pero la yac' ha'mal ts'usubetic?

Éxodo 15:17

Ha'at yac awic' ochel soc yac ats'un ta wits awu'un te awich'oj hilel, ta lugar banti ya xnahinat te chahpambil awu'un, Jehová, ha te ch'ul awilal te yich'oj yip yu'un ac'ab, Jehová.

San Juan 15:1

Ho'on te smelelil ch'oxalon ts'usub, soc ha jcanan-ts'usubil te Jtate.

Salmos 44:2

Ha'at ta ac'ab la atenticlan loq'uel te nacionetic soc la ats'un tey a te me'iltatiletique; la awa'be swocol te pueblohetic, yan te jme'jtatcotic la awac' te lec ya xc'ohtic.

Salmos 80:8

Ta Egipto la aloq'ues tal jun ts'usubil; la atenticlan loq'uel te nacionetic, la ats'un tey a te ts'usubile.

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,

San Lucas 20:9

Te Jesús hahch yalbe te ants-winiquetic te sloc'ombahil c'op ini: Ay jtuhl winic te la sts'un ts'usubiltic, la yac' hilel ta majanel yu'un j'a'teletic, hich baht, halaj tey a.

San Marcos 12:1

Hich te Jesús hahch yalbe ya'iyic sloc'ombahil c'op: Ay jtuhl winic la sts'un ts'usubiltic, la sjoy ta corral, la shotbe sp'e'ojibal, la spas toyol ilo-q'uinal, soc la yac' ta majanel yu'un j'a'teletic; baht ta namal.

Deuteronomio 32:32

Como ta sch'oxal Sodoma talem te sch'oxalic, soc ta sq'uinal Gomorra; te ts'usubetic yu'unic ya xmilawan, mero ch'a te jchejelchej yu'unic.

San Mateo 21:33

A'iya me awa'iyic yan sloc'ombahil c'op: Ay jtuhl yajwal q'uinal te la sts'un sts'usubil, la sjoy ta corral, la shotbe spits'ojbil soc la spas toyol ilo-q'uinal yu'un, soc la yac' ta majanel yu'un j'a'teletic, baht ta namal stuquel.

Isaías 61:3

ta yalel mandar ta stojol mach'atic ay swocolic ta Sión, te ya x'a'botic t'ujbil corona scuenta sjelol stanul c'ahc', te ya x'a'botic aceite yu'un tse'el-o'tanil scuenta sjelol mel-o'tan, soc te ya x'a'botic nahtil-c'u'ul yu'un yutsil q'uinal ya ya'iyic scuenta sjelol pich'il-o'tanil. Hich ya x'a'bot sbihilinic: Jihte'etic yu'un bin stojil ta pasel, Te bin ts'umbil yu'un Jehová, xchi, scuenta yu'un ya yac' ta ilel yutsilal a.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Isaías 41:8

Pero ha'at, Israel, ha a'batat cu'un, ha'at, Jacob, te tsahbilat cu'un, sts'umbalex Abraham te mach'a jun co'tan soc;

Isaías 1:21

¡Ilawil bin ut'il sutp'ij ta j'antsinel-ants te pueblo te jun yo'tan! Ta nahil nojel ta bin stojil ta pasel, nahinem tey a te bin toj ay, ¡pero ta ora ini nahinemic tey a te jmilawetique!

Salmos 105:6

ha'ex te sts'umbalex Abraham te a'bat yu'un, te yal-snich'nabex Jacob te tsahbilex yu'une.

Josué 24:31

Te Israel la sch'uhuntayic te Jehová te jayeb ha'bil cuxul te Josué, soc te jayeb ha'bil cuxul hilel yu'un Josué te mamaletic te sna'ojic spisil te bintic la spas Jehová ta stojol Israel.

Lamentaciones 4:1

¡Bin ut'il ihc'ub te oro! ¡Bin ut'il ch'ay yutsil st'ujbilal te oro! Puhquemic bahel ta xuhc' callehetic te tonetic yu'un te ch'ul awilal.

Génesis 32:28

La yal te winic: Ma ba Jacob ya xhil abihil, Israel ya xc'ohtix, yu'un la atsac aba soc Dios soc winiquetic, la awa'iy tsalaw, xchi.

Génesis 18:19

Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Isaías 27:2

Ta hich ora c'ayojtaybeyahic sc'oblal t'ujbil ts'usubil.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Salmos 80:9

La awaq'uintaybe sq'uinal, c'ub slohp', noj yu'un te q'uinale.

Jeremías 5:10

C'axanic bahel ta chohlochohl te sts'usubilic, jinticlanahic; pero ma jc'axeluc xajin. Jepticlambeyahic te sc'abc'ab, como ma yu'unuc Jehová.

Jeremías 11:16

Ha yaxal olivo soc buen t'ujbil sit, xchi abihil yu'un te Jehová. Pero ta scuenta tulan xju'et yic'al la ya'be sc'ahc'al, soc la swac'ticlambe te sc'abc'abe.

Ezequiel 15:2

Snich'anat winic, ¿c'ax bal lec xan a te sch'oxal ts'usub te bin ut'il biluc yan c'ab te'etic? Te sch'oxal, ¿c'ax bal xan lec a te bin ut'il te te'etic ta tohyem te'etique?