Jeremías 2:19 - Bible in Tzeltal Bachajón

¹⁹ Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Bible in Tzeltal de Oxchuc y Tenejapa

¹⁹ Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 2:19 Referans Kwoze

Isaías 3:9

Ha nix ya xchicnaj ta sit yelawic te smulique; hich te bin ut'il Sodoma ya spuquic ta halel te smulique, ma ba ya smuquic. ¡Ay me swocolic! Ha nix ta scuentahic te ay swocolique.

Jeremías 4:18

Ha nix ta scaj te atalel soc te bintic apasoj la yac' c'ohtuc ta pasel ini. Ha awocol ini, mero ch'a, c'ohemix c'alal ta awo'tan, xchi.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Salmos 36:1

Te mulil ya xc'opoj ta mero yutil yo'tan te mach'a chopol; mayuc ta xi'el te Dios ta sc'op.

Oseas 5:5

Te stoybahil te Israel ya xhalot yu'un ta scontrahinel; te Israel soc Efraín ya sc'ohchin sbahic ta smulic, soc ha nix hich te Judá, pajal ya sc'ohchin sba soc.

Amós 8:10

Ya jsutp'in ta oq'uel te q'uinetic awu'unic soc spisil te c'ayojetic awu'unic ya jsutp'in ta mel-o'tan; ya cac' te yac alapic c'u'ul scuenta mel-o'tan soc ya yich' quits'el spisil stsotsel ajolic. Ya cac' te hich ya xc'oht te q'uinal te bin ut'il oq'uel yu'un te mach'a ch'ayem te hip jtuhl snich'an, soc te slajibal hich ya xc'oht te bin ut'il ch'a te sc'ahc'alele.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Romanos 3:18

Ma ba ya xi'ic te Diose, te xchihe.

Zacarías 7:11

Pero ma ba la sc'an la ya'iyic, la swalac'patiyic soc la smac schiquinic.

Oseas 14:1

¡Israel, suhtan tal ta stojol Jehová te Dios awu'un, como ta scaj amul te yahlate!

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Oseas 4:16

Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?

Jeremías 5:22

¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Proverbios 5:22

Te mach'a chopol ha nix ya stsacot yu'un te sbohlile; ha nix ya xchucot yu'un te slazohil te smule.

Proverbios 1:31

hich ya me swe'beyic sit te be yu'unic soc ya xnojic ta bin chopol snopoj ta yo'tanic.

Proverbios 1:32

Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Jeremías 5:24

Ma hichuc la yal ta yo'tanic: Ya quich'cotic ta muc' te Jehová te Dios cu'untic, te ya yac' tal ha'al ta yorahil ya sicub q'uinal soc ta yorahil ya xyaxub q'uinal, soc te ya ya'botic yorahil stsobel sit awal-ts'unubil, ma xchihuquex.

Ezequiel 39:24

Hich la jpasbeyic te bin ut'il ay te schopolilic soc te toybahil yu'unic, hich la jmuc jsit quelaw ta stojolic.

Oseas 7:2

Ma sna'ic te jna'oj spisil te bintic chopol spasojique. Yo'tic joytaybiliquix yu'un te ya'telic te ayic ta jtojol.

Oseas 13:9

Ch'ayatix, Israel, pero ay ta jcuenta te coltayel awu'une.

Miqueas 1:5

Ta spisil ini ha ta scaj stoybahil te Jacob, ta scaj smul te sna Israel. ¿Bin a te stoybahil te Jacob? ¿Ma bal ha'uc te Samaria? ¿Bin a te toyol awilal yu'un Judá? ¿Ma bal ha'uc te Jerusalén?

Éxodo 33:6

Ha yorahil a te la sloq'ues sch'ahlelic te snich'nab Israel ta wits Horeb.

Jueces 10:13

Pero te ha'ex la awihquitayonic, la awac' abahic ta a'batinel yu'un yantic diosetic; ha yu'un ma ba ya jcoltayexix xan.

1 Reyes 18:18

La sjac' te Elías: Ho'on ma ba yac ca'bebel swocol te Israel; ha'at soc te mach'atic ay yu'un te atate. La awihquitayic te mandariletic yu'un Jehová, la at'unic te baaletique.

2 Crónicas 12:5

Ha yu'un tal te jalwanej Semaías ta stojol Roboam soc te príncipaletic yu'un Judá te stsoboj sbahic ta Jerusalén ta scaj te Sisac, hich la yalbe: Hich ya yal te Jehová: Ha'ex la awihquitayoniquix, ha nix hichon la jquihquitayex hilel ta sc'ab Sisac, xchi.

2 Crónicas 21:10

Pero te Edom col ta libre yu'un te cuentahinel yu'un Judá c'alal ora. Ha nix yorahil a te Libna col ta libre, como te Joram yihquitayej hilel te Jehová, te Dios yu'un te sme'state.

2 Crónicas 25:16

C'alal hich yac ta yalel a te jalwanej, la sjac' te ajwalil: ¿Yu'un bal awich'oj awa'tel ta j'ac'-o'tanil ta stojol te ajwalil? Coma aba. ¿Yu'un bal yac ac'an te ya jmilat? xchi. Scuenta slajibal hich la yal te jalwanej: Jna'oj te Dios snopoj ta yo'tan te ya slajinat yu'un te hich apasoj soc ma ba la ach'uhun te bin la jcalbat, xchi.

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 13:22

Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Ezequiel 23:30

Hich ya xc'oht ta pasel ta atojol yu'un la awac' aba ta antsinel ta stojol te nacionetic soc la abohlobtes aba ta scuenta te loc'ombahetic yu'unique.

Oseas 9:1

Ma me tse'eluc awo'tan, Israel, ma me xwihlat yu'un stse'elil awo'tan hich te bin ut'il yantic nacionetic; awa'iyej antsiwej te bin ut'il la awihquitay hilel te Dios awu'une. La amulan te stojol j'antsinel ants ta spisil yawil smajojibal trigo.