Jeremías 2:13 - Bible in Tzeltal Bachajón

¹³ Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Bible in Tzeltal de Oxchuc y Tenejapa

¹³ “Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Jeremías 2:13 Referans Kwoze

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 7:37

Ta slajibal sc'ahc'alel te q'uin te tulan sc'oblal, la stehc'an sba te Jesús, tulan la yal: Te mach'a taquin yo'tan, ac'a taluc ta jtojol soc ac'a yuch'.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Apocalipsis 21:6

Soc hich la yalbon xan: Hu'ix. Ho'on te Alfa soc te Omega, te shahchibal soc te slajibal. Te mach'a taquin yo'tan, smahtan ya ca'be yuch' ha' ta sloq'uib-ha' scuenta cuxlejal.

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Apocalipsis 22:1

Patil te ch'ul a'bat la ya'bon quil te muc'ul-ha' scuenta cuxlejal, xleblon sjahts' hich te bin ut'il cristal, te yac ta loq'uel tal ta stojol te smuc'ul-huctajib Dios soc ta stojol te Jcolel Tuminchij,

Isaías 55:2

¿Bin yu'un yac alajin ataq'uinic yu'un te bin ma we'eliluc? ¿Bin yu'un yac alajin stojol awa'tel yu'un te bin ma xnoj ach'uhtic yu'une? ¡A'iybon awa'iyic ta lec, we'anic te bin lec, ya me amulan te bintic buhts'an ta we'el!

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

Jeremías 2:11

¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

2 Pedro 2:17

Ha'ic sloq'uib ha'etic te mayuc ya'lel, soc tocaletic te ya xtenotic yu'un tulan ic'; chapal sc'oblalic te ya xc'oht ayinuquic sbahtel q'uinal ta banti c'ax ihc'.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Eclesiastés 2:26

Como Dios ya ya'be sp'ijil yo'tan, sna'ojibal soc yutsil q'uinal ya'iy te mach'a lec ta site; yan te jmulawil ya ya'be ya'tel ta stsobel soc ta sbusanel c'ulejalil yu'un ya ya'be hilel te mach'a lec ta o'tanil yu'un Dios. Ha nix hich tojol nax soc ha snutsel te iq'ue.

Jeremías 15:6

Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Isaías 63:8

Hich la yal: Melel ha pueblo cu'un, ha al-nich'anetic te ma xlo'loywanic, xchi. Hich Jcoltaywanej c'oht yu'unic.

Isaías 5:13

Ha yu'un ya x'ic'otic bahel ta chuquel te pueblo cu'un ta scaj te mayuc snopojibal yu'unique. Te winiquetic yu'un te ay sc'oblalic ya xlajic ta wi'nal, soc te tsobolic yu'un, ya ya'iyic bayel taquinti'il.

Isaías 1:3

Te j'a'tel-wacax ya sna'be sba te yajwal, te burro ya sna'be sba te yawil swe'el yu'un te yajwal, yan te Israel ma sna', mayuc snopojibal yu'un te pueblo cu'une, xchi.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

Eclesiastés 1:2

Tojol, tojol, xchi te Jp'ijubteswanej. Mero tojol, tojol ta spisil, xchi.

1 Samuel 12:10

Pero awonic ta stojol Jehová, hich la yalic: La jta jmulcotic, yu'un la jquihquitaycotic hilel te Jehová, la jch'uhuntaycotic te baaletic soc te Astarot. Coltayawotcotic loq'uel ta sc'ab te jcontracotic, ya me jch'uhuntayatcotic, xchihic.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Eclesiastés 4:4

Soc la jquil te spisil a'tel soc spisil te bin lec ya yich' pasel, tey ya xhahch tal a te sbic'tal yo'tan ta stojol te spat-xuhque. Ha nix hich tojol nax soc ha snutsel te iq'ue.

Jeremías 2:26

Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Eclesiastés 2:21

Como te winic ya x'a'tej soc sp'ijil yo'tan, ya sna' ta lec soc ya xhu' yu'un te a'tele, patil ya me ya'be hilel spisil te mach'a ma ba a'tej tey a. Ha nix hich tojol nax soc mero ma lecuc.

Eclesiastés 1:14

La jquil spisil te bintic ya yich' pasel ta ye'tal ch'ulchan; ilawil, tojol nax ay spisil, ha snutsel ic' c'ohem.

Jueces 10:13

Pero te ha'ex la awihquitayonic, la awac' abahic ta a'batinel yu'un yantic diosetic; ha yu'un ma ba ya jcoltayexix xan.

Miqueas 6:3

Pueblo cu'un, ¿bin jpasbeyejat, o bin jcuts'inejat a? Halbon ca'iy.

Miqueas 2:8

Te mach'a pueblo cu'un wojey, hahchemix hich te bin ut'il jcontra; yac aloq'uesbeyic smuc'ul-c'u' te mach'atic jun yo'tan ya xc'axic bahel, te mach'atic ya suhtic tal ta guerra.

Jeremías 18:14

¿Ay bal ya xch'ay te me'sic ta tontiquil ta witsiltic yu'un Líbano? ¿Ya bal xquehchaj te siquil ha'etic te ya x'oquin tal ta namal q'uinal?

Jeremías 5:26

Como ta yohlil te pueblo cu'un ay mach'atic chopol yo'tanic, te hich ya xmacliywanic te bin ut'il mach'atic ya stsaquic mutetic, ya yaq'uic yaquil yu'un ya stsaquic ants-winiquetic.

Eclesiastés 12:8

¡Tojol nax, tojol nax, xchi te Jp'ijubteswanej, tojol nax ta spisil! xchi.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

San Juan 4:11

Tatil, mayuc bin yac alic loq'uel tal a, como c'ubul te pozo. ¿Banti ay awu'un te cuxul ha'?

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Isaías 12:3

Soc yutsil awo'tanic yac aloq'uesic ha' ta sloq'uib-ha'etic yu'un colel.

Jeremías 14:3

Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Jeremías 19:4

como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

Ezequiel 47:1

Patil te winic la yic'on suhtel ta yochibal te templo. La jquil yac ta loq'uel ha' ta ye'tal te smarcohil te templo, yac ta oc bahel ta stojol banti ya xloc' tal c'ahc'al, como te yochibal te templo ay ta stojol banti ya xloc' tal c'ahc'al; te ha' yac ta oc bahel ta ye'tal te swa'el te templo, ta stojol sur yu'un te scajtajib ta chiq'uel mahtanil.

Zacarías 13:1

Ta hich ora ya yich' jamel sloq'uib-ha' yu'un te sna David soc te mach'atic nahinemic ta Jerusalén scuenta spoquel mulil soc te bin bohloben sc'oblale.

2 Reyes 22:17

ta scaj te la yihquitayonic, la schic'beyic pom yantic diosetic, la yaq'uic ilinuc co'tan yu'un spisil bintic la spasic. Tihlemix quilimba ta stojol te lugar ini, ma ba ya xtup'.

Isaías 1:4

¡Obol aba, jmulawil nación, ha pueblo te bayel smul, ha jcaj ts'umbalil yu'un mach'atic chopol ya'telic, bohl al-nich'anex! ¡La yihquitayic te Jehová, la sp'ajic te Ch'ul Dios yu'un Israel, suht ta spatic ta stojol!

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.