Jeremías 2:11 - Bible in Tzeltal Bachajón

¹¹ ¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Bible in Tzeltal de Oxchuc y Tenejapa

¹¹ te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Jeremías 2:11 Referans Kwoze

Romanos 1:23

Te yutsilal Dios te ma xlaj la sjelic ta sloc'omba winic te ya xlaj, soc ta sloc'omba mutetic, chambahlametic soc chanetic.

Isaías 37:19

soc la sch'ojbeyic ta c'ahc' te diosetic yu'unic, como ma dioseticuc, ha ya'tel sc'ab winic te pasbilic ta te' soc ta ton; ha yu'un la sjinic.

Jeremías 16:20

¿Ya bal xhu' ya spas dios te winique? Pero ma ha'uc diosetic, xchihic me.

Salmos 106:20

La sc'atp'unic te yutsilal Dios ta sloc'omba toro te ya swe' ac.

Miqueas 4:5

Aunque spisil te pueblohetic ya xbehenic ta scuenta sbihilic te dios yu'unic, te ho'otic ya xbehenotic ta scuenta sbihil Jehová te Dios cu'untic sbahtel q'uinal.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 2:5

Hich ya yal te Jehová: ¿Bin ma lecuc la stahbonic te ame'atatic, te q'uejel bahtic ta jtojol, te la st'unic bahel te bin ma xtuhun, te hich mayuc sc'oblal c'ohtic?

Salmos 115:4

Te loc'ombahetic yu'un te yantic pasbilic ta plata soc ta oro, ha ya'tel sc'ab winiquetic.

Salmos 3:3

Pero ha'at, Jehová, jmahquilalat ta joyobal, ha cutsilalat soc ha'at yac ahachbon te jole.

Deuteronomio 33:29

¡Bayel me awutsil, ha'at Israel! ¿Mach'a pajalat soc, ha'at pueblohat te coltaybilat yu'un Jehová? Te Dios ha amahquil te ya xcoltaywan, ha espada te yac awa'iy tsalaw yu'un. Hich peq'uel ya xc'oht te acontratac, ha'at yac atec'be te toyol q'uinal yu'unic, xchi te Moisés.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Gálatas 4:8

Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

1 Samuel 4:21

La ya'be sbihilin Icabod te alale, yu'un la yal: Loq'uix bahel te yutsilal Israel, xchi, ta scaj te baht ta pojel te scaxahul te chapbil-c'op yu'un Dios soc te cham te yalibmamal soc te smamalale.

2 Crónicas 13:9

¿Ma bal lajuc atenic bahel te sacerdotehetic yu'un Jehová, te sts'umbalic Aarón, soc te levitahetic, la awotsesic yantic ta sacerdotehetic awu'unic hich te bin ut'il ya spasic te pueblohetic ta yantic q'uinaletic, mach'ayuc a te ya xtal yac' sbahic ta scuenta jcoht jcolel toro soc huqueb tuminchijetic, hich sacerdote ya xc'oht yu'un te bin ma dioseticuc?

Jeremías 5:7

Hich ya yal te Jehová: ¿Bin ut'il ya jpasbat perdón yu'un spisil ini? Te anich'nabic la yihquitayonic, soc la yalic ta jamal ta scuenta te bin ma diosuc. La jcac'ticlambe spisil te bintic tuhun yu'unic, pero la ya'iyic antsiwej soc la stsob sbahic ta sna j'antsinel antsetic.

Jeremías 18:13

Ha yu'un hich ya yal te Jehová: Joc'obeya awa'iyic te nacionetic, teme ay hich ya'iyejique. ¡Ay bin c'ax chopol spasoj te ach'ix Israel!

Ezequiel 5:7

Ha yu'un hich yaloj te Jehová: Ta scaj te c'ax hich atoyoj abahic a te bin ut'il te nacionetic ta ajoyobal, te ma ba la at'unic te mandariletic cu'un, ma ba la ach'uhunic spasel te mandariletic cu'un, ni ha'uc la at'unic bahel te leyetic yu'un te nacionetic te ayic ta ajoyobalique,

Ezequiel 14:5

Hich ya jpas scuenta yu'un ya jcha'cuentahimbe xan yo'tan te sna Israel, te bin ut'il spisilic yihquitayejonic hilel ta scaj te loc'ombahetic yu'unique.

Deuteronomio 32:16

La shachbeyic xut'et yo'tan ta scaj te yantic diosetic; la stijbeyic yilimba yu'un te bintic ilobtic sba.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

1 Reyes 11:33

como la yihquitayonic soc la sch'uhuntayic Astoret te antsil-dios yu'un te sidonetic, te Quemos te dios yu'un Moab, soc Moloc te dios yu'un te snich'nab Amón. Ma ba behenic ta be cu'un ta spasel te bin lec ta jtojol, ma ba la sch'uhunic spasel te chahpambil mandariletic cu'un o te bin caloj ta mandar, ma hichuc te bin ut'il la spas te David te state.

2 Reyes 1:3

Pero te ch'ul a'bat yu'un Jehová hich la yalbe te Elías te talem ta Tisbe: Hahchan, bahan, taha aba soc te a'batetic yu'un te ajwalil yu'un Samaria, hich xawalbe: ¿Yu'un bal mayuc Dios ta Israel te ya xbahex ta sjoc'obeyel te Baal-zebub te dios yu'un Ecrón?