Jeremías 19:7 - Bible in Tzeltal Bachajón

⁷ Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Bible in Tzeltal de Oxchuc y Tenejapa

⁷ Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Jeremías 19:7 Referans Kwoze

Levítico 26:17

Ya jcontrahinex, yac awich'ic ehchentesel yu'un te acontrahique. Ya ya'batinex te mach'atic ya sp'ajex, soc ya xloq'uex ta ahnel aunque mayuc mach'a ya snutsex.

Jeremías 16:4

ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 34:20

ya cac'ticlan ta sc'ab te scontratac soc ta sc'ab te mach'atic ya xlehbot scuxlejalic yu'un. Te schamen baq'uetalic ya xti'otic yu'un mutetic ya xwihlic ta toyol soc ha'mal chambahlametic.

Jeremías 15:9

Laj yip te mach'a ay huqueb yalatac, loc' sch'uhlel; mahl te c'ahc'al yu'un aunque ay to te c'ahc'ale; la yich' q'uexlaltesel soc pehc'anel. Te mach'atic yu'un te cuxul hilic ya cac' te ya xlaj ta espada ta stojol te scontrahic, xchi te Jehová.

Jeremías 15:2

Teme hich ya sjoc'obat: ¿Banti ya xbohotcotic? teme xchihique, halbeya te hich yaloj te Jehová: Te mach'a chapal sc'oblal ta lajel, ya xlaj; te mach'a ya xlaj ta espada, ya xlaj ta espada; te mach'a chapal ya xlaj ta wi'nal, ya xlaj ta wi'nal; te mach'a ya x'ic'ot bahel ta chuquel, ya x'ic'ot bahel ta chuquel.

Jeremías 7:33

Te chamen baq'uet yu'un te pueblo ini ya me xtuhun yu'un swe'el te mutetic te ya xwihlic ta toyol soc te chambahlametic ta lumq'uinal, soc mayuc mach'a ya xiwtesic bahel.

Romanos 4:14

yu'un teme ya yich'ic te mach'atic ayic ta scuenta te Ley, tojol te sch'uhunel-o'tanil soc ya xlaj sc'oblal te bin halbil ta jamal te hichuque.

Romanos 3:31

¿Yu'un bal ya jlajimbetic sc'oblal te Ley ta scuenta te sch'uhunel-o'tanil? ¡Ban c'an hichuc! Ha ya caltic te ay sc'oblal te Ley.

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

Jeremías 46:26

Ya cac' ta sc'abic te mach'atic yac slehbelic te scuxlejalic, ta sc'ab te Nabucodonosor ajwalil yu'un Babilonia soc te swinictaque. Pero ta patil ya xnahinic tey a hich te bin ut'il ta nahil to, xchi te Jehová.

Jeremías 22:25

Ya cac'at ta sc'ab te mach'atic ya slehbat acuxlejal, ta sc'ab te mach'atic xiweltic sba ta asit, ta sc'ab Nabucodonosor ajwalil yu'un Babilonia soc ta sc'abic te caldeohetique.

Jeremías 22:19

Hich ya yich' muquel te bin ut'il burro, ya yich' tasel bahel soc ya xch'ojot bahel ta spat te ochibaletic yu'un Jerusalén.

Jeremías 18:21

Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Isaías 8:10

Nopa bin yac apasic, pero ya me yich' jinel; c'opojanic, pero ma ba ya xc'oht ta pasel, como sjoquinejotcotic te Diose.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Jeremías 8:8

¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Jeremías 32:28

Ha yu'un hich yaloj te Jehová: Ya me cac' ta sc'ab te caldeohetic soc ta sc'ab Nabucodonosor te pueblo ini, ha me ya yu'untay.

Levítico 26:25

Ya cac' taluc espada ta atojolic scuenta spacol sc'axuntayel te chapbil-c'op. Teme yac ale awahnibic ta apueblohic, ya jticon tal jmilawal-chamel ta atojolic soc ya x'ochex ta sc'ab te acontrahique.

1 Samuel 17:46

Te Jehová ya me yac'at ta jc'ab yo'tic, ya jtsalat soc ya jxot'bat anuc'. Yo'tic nix ya ca'be sti'ic abaq'uetal soc te sbaq'uetal filisteohetic te mutetic ya xwihlic ta toyol soc te chambahlametic ta q'uinal. Hich me ya sna' a swohlol bahlumilal te ay Dios ta Israel.

2 Reyes 21:14

Ya jpihtes te jayeb xan ya xhil cu'un soc ya cac' ta sc'ab scontra; ya yich' tsaquel soc ya xpojbot sbiluquic yu'un,

Isaías 29:14

Ha yu'un yan xan buelta ya cac' ch'ayuc yo'tanic te pueblo ini ta scuenta jchahp a'teliletic; ya xch'ay te p'ijil-o'tanil yu'un te mach'atic p'ij yo'tanic, ya xtup' bahel te bin sna'oj te mach'atic ay bin ya sna'ic, xchi.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.