Jeremías 19:5 - Bible in Tzeltal Bachajón

⁵ La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

Bible in Tzeltal de Oxchuc y Tenejapa

⁵ Ja' nix jich la spasbeyic scajtijib te bay ya xchic' snich'nabic te ya yac'beyic smajt'anin te lotil dios Baal. Ma'yuc bay la calbeyex mandal, soc ni ma'yuc jich tal ta co'tan.

Jeremías 19:5 Referans Kwoze

Jeremías 32:35

La spasbeyic toyol awilaletic yu'un Baal ta sjuclej yu'un Ben-hinom, yu'un ya yaq'uic scuenta chic'bil mahtaniletic te queremetic soc ach'ixetic yu'unic ta stojol Moloc, ha te bin ma ba la jpas ta mandar. ¡Mayuc banti tal ta co'tan te hich ya spasic te bin c'ax ilobtic sba, te hich ya ya'be sta smul a te Judá!

Deuteronomio 12:31

Ma me hichuc xapasbe te Jehová te Dios awu'un, como spisil te bintic ilobtic sba te ya yihlay te Jehová, la spasbeyic te diosetic yu'unique; ha la schiq'uic ta c'ahc' ta stojol te diosetic yu'unic te queremetic soc te ach'ixetic yu'unique.

Levítico 18:21

Ma me xawa'be smahtanin ta c'ahc' ni jtuhluc anich'nab te dios Moloc. Ma me hichuc xawac' bohlobuc sc'oblal sbihil a te Dios awu'une. Ho'on, Jehovahon.

2 Reyes 17:17

La yac' c'axuc ta c'ahc' te queremetic soc ach'ixetic yu'unic; la yac' sbahic ta jna'ojel soc jwoyaw; la yac' sbahic ta spasel te bintic chopol ta stojol Jehová, hich la shachbeyic yilimba.

Daniel 2:29

Te c'alal ayat ta awayib, ajwalil, tal ta awo'tan sna'el te bintic ya xc'oht ta pasel ta patil. Te mach'a ya yac' ta na'el te bin wocol ta na'el, la ya'bat ana' te bin ya xc'oht ta pasele.

Ezequiel 38:10

Hich yaloj te Jehová, te Ajwalil: Ta hich ora ay bin ya xtal ta awo'tan, yac anop te bin chopole.

Ezequiel 20:26

La jbohlobtesbe sc'oblalic ta scuenta te mahtaniletic yu'unic, ha te c'alal la sc'asesic ta c'ahc' te ba-alaletic yu'unic, scuenta yu'un ya jnojesbe yo'tanic ta xiwel soc ya ca'be sna'ic te ho'on Jehovahon.

2 Crónicas 28:3

La schic' pom ta sjuclej yu'un Ben-hinom soc la schic' te snich'nab, hich te bin ut'il te ihlaybil ya'telic te yantic nacionetic te tenotic loq'uel yu'un Jehová ta stojol te snich'nab Israel.

Números 22:41

Ta schebal c'ahc'al te Balac la yic' mohel te Balaam ta Bamot-baal, tey la yil cohel a j'ohlil te pueblo.

Ezequiel 16:36

Hich ya yal te Jehová, te Ajwalil: Te bin ut'il watal c'ohat yu'un te antsinel awu'un soc te chicnaj aq'uexlal ta stojol te mach'atic ya smulanat soc ta stojol te loc'ombahetic awu'un te ilobtic sbahic, soc te la awa'be sch'ich'el te awalataque,

2 Reyes 21:6

Soc la yac' ta chiq'uel te snich'an; la spasbe seña ta ilel soc j'ac'-chamel, la sc'oponlan te mach'a ya sc'opon ch'uhlelaletic soc te j'ilojel. Hich p'ohl yu'un te bin chopol ta stojol Jehová te la shachbe yilimba a.