Jeremías 19:3 - Bible in Tzeltal Bachajón

³ Hich me xawal: Ajwaliletic yu'un Judá soc te mach'atic nahinemic ta Jerusalén, a'iybeya awa'iyic sc'op te Jehová. Hich ya yal Jehová te scuentahinej spisil, te Dios yu'un Israel: Ilawil, ya jticon tal tulan wocol ta stojol te lugar ini, spisil te mach'atic ya ya'iyic, xch'inet schiquinic yu'un,

Bible in Tzeltal de Oxchuc y Tenejapa

³ Albeya: “Muc' Ajwaliletic yu'un Judá soc yajwal Jerusalén, aiya awaiyic stojol sc'op Cajwaltic te Spisil ya xju' yu'une, te Dios yu'un Israel: Ya jticun tel muc' te bila amen ta stojol in lum to, ta spisil mach'a ya yaiybey stojol sc'oplal xch'inet nax me xchiquin ya xjil yu'un.

Jeremías 19:3 Referans Kwoze

1 Samuel 3:11

Te Jehová la yalbe te Samuel: Ay bin ya cac' c'ohtuc ta pasel ta stojol Israel, te mach'a ya ya'iy ya me xc'opoj schiquinic yu'un.

Jeremías 17:20

hich xawalbeyic: ¡A'iya awa'iyic te sc'op te Jehová, ajwaliletic yu'un Judá, spisil Judá soc spisil mach'atic nahinemic ta Jerusalén te ya x'ochex tal ta ochibaletic ini!

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Isaías 28:19

Te jayeb buelta ya xtal, ya me yiq'uex bahel; jujun c'ahc'al ya xc'ax bahel, c'ahc'al, ahc'abal; mero xiweltic sba ta a'iybeyel sc'oblal te c'op ini.

Apocalipsis 2:29

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

San Mateo 10:18

Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

Jeremías 13:18

Halbeya te ajwalil soc te ajwalil-ants: Huclanic ta banti peq'uel, como ch'ayemix cohel ta ajol te t'ujbil corona awu'unic, xchihat me.

Salmos 110:5

Te Jehová ay ta swa'el ac'ab; ya me sjin ajwaliletic ta sc'ahc'alel yilimba.

Salmos 102:15

Hich spisil te nacionetic ya me xi'ic te sbihil te Jehová, spisil te ajwaliletic ta q'uinal ya me xi'ic te awutsilal,

Salmos 2:10

Ha yu'un, ajwalilex, p'ijanic me; ich'ahic ta cuenta te tsitsel, jcuentahinwanejex ta q'uinal.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Jeremías 25:29

Como ya xhahchon ta spasel bin chopol ta stojol te pueblo banti ya yich' halel te jbihile. ¿Yu'un bal ya xcolex te ha'exe? Ma ba ya xcolex, como ya jticon tal espada ta stojol spisil mach'atic nahinemic ta q'uinal, xchi te Jehová te scuentahinej spisil.

Jeremías 44:3

ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Ezequiel 7:5

Hich yaloj te Jehová, te Ajwalil: ¡Ay me wocol, ilawil, ya me xtal wocol!