Jeremías 19:13 - Bible in Tzeltal Bachajón

¹³ Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.

Bible in Tzeltal de Oxchuc y Tenejapa

¹³ Te nanatic ta Jerusalén, te muc'ul naetic yu'un te muc' ajwaliletic ta Judá soc te sba nanatic te bay la yac'beyic pom te c'aal, u, eq'uetic ta ch'ulchan, soc te bay la smalbeyic majt'anil vino te lotil diosetique, ilaybil me ya xc'ot spisilic, jich bit'il Tófet’, xi' te Cajwaltique”, uta me —xi'.

Jeremías 19:13 Referans Kwoze

Jeremías 32:29

Te caldeohetic te yacalic ta ya'beyel guerra te pueblo ini ya me x'ochic talel, ya me schiq'uic ta c'ahc' te pueblo soc te nahetic te banti la schic'beyic pom te Baal ta sba nahetic soc banti la ya'beyic malbil mahtaniletic te yantic diosetic, yu'un ya shachbonic quilimba.

2 Reyes 23:12

Soc te ajwalil la sjin te scajtajib ta chiq'uel mahtaniletic te la spasic te ajwaliletic yu'un Judá ta stoyolil stsalul na yu'un Acaz; soc te scajtajib ta chiq'uel mahtaniletic te la spas Manasés ta schebal te amaq'uiletic ta sna Jehová, la swuyticlan soc la sch'oj ochel ta sjuclej Cedrón te sts'ubile.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Jeremías 7:18

Te al-nich'anetic ya stsobic tal si', te tatiletic ya stsunic c'ahc', te antsetic ya swots'ic harina yu'un spasbeyel tut panetic te ajwalil-ants yu'un ch'ulchan; soc ya ya'beyic malbil mahtaniletic yantic diosetic, yu'un ya shachbonic quilimba a.

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.

Jeremías 44:18

Pero te c'alal la jquihquitaycotic ta ya'beyel pom soc ta ya'beyel malbil mahtaniletic te ajwalil-ants yu'un ch'ulchan, mayuc bin ay cu'uncotic soc ya xlajotcotic ta espada soc ta wi'nal, xchihic.

Salmos 79:1

¡Dios cu'un, te nacionetic la yochintaybatix te bintic ay awu'un! ¡La sbohlobtesbeyic sc'oblal te ch'ul Templo awu'un; busul hil yu'unic te Jerusalén!

Salmos 74:7

La ya'beyic sc'ahc'al te ch'ul awilal awu'un; la sbohlobtesbeyic sc'oblal banti nahinem abihil, la sjinic cohel c'alal ta lum.

2 Reyes 23:10

Soc la sbohlobtesbe sc'oblal te Tofet te ay ta sjuclej yu'un Ben-hinom, scuenta yu'un mayuquix mach'a ya schic' te squerem o yantsil-nich'an ta stojol te Moloc.

Hechos 7:42

Ha yu'un pihtesotic yu'un Dios, ac'ot te la sch'uhuntayic te bintic ayic ta ch'ulchan; hich te bin ut'il ts'ihbabil hilel ta shun te jalwanejetic: Israeletic, ¿la bal awa'bonic milbil mahtaniletic soc mahtaniletic te cha'winic (40) ha'bil te ayex ta jochol taquin q'uinal?

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Jeremías 52:13

La schic' te sna Jehová, te sna te ajwalil soc spisil te nahetic ta Jerusalén. La slajin ta c'ahc' spisil te muc'ul nahetic te ay sc'oblalique.

2 Reyes 23:14

La swuyticlan te ch'ul tonetic, la sjinticlan te loc'ombahetic yu'un Asera, la snojeslan ta sbaquel ants-winiquetic te lugar yu'unique.

Hechos 10:9

Ta schebal c'ahc'al, te c'alal yacalic ta behel soc nopol ya xc'ohtiquix ta pueblo a, te Pedro mo bahel ta yamaq'uil scha'cajal na ta sc'oponel Dios, nopol sta ohlil c'ahc'al a.

2 Reyes 17:16

La sch'aybeyic spisil te mandariletic yu'un te Jehová te Dios yu'unique. La spasic cheb sloc'omba jcolel torohetic ta uhltesbil bronce, soc loc'ombahetic yu'un Asera; la sch'uhuntayic spisil te bintic ayic ta ch'ulchan soc la yac' sbahic ta a'batinel yu'un Baal.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Jeremías 19:12

Hich ya jpasbe te lugar ini soc te mach'atic nahinemic tey a, xchi te Jehová. Te pueblo ini hich ya xhil cu'un te bin ut'il Tofet.

Isaías 22:1

Ha te sc'op jalwanej ta stojol te spamlej yu'un nahalsitil: ¿Bin ut'il ay a te apisilic mohemex ta ba nahetic?