Jeremías 19:12 - Bible in Tzeltal Bachajón

¹² Hich ya jpasbe te lugar ini soc te mach'atic nahinemic tey a, xchi te Jehová. Te pueblo ini hich ya xhil cu'un te bin ut'il Tofet.

Bible in Tzeltal de Oxchuc y Tenejapa

¹² Jich me ya jpasbey in lum to soc te yajwale. Jich me ya jpasbey jilel te bit'il Tófet. Jo'on Ajwalilon, jich ya cal.

Jeremías 19:12 Referans Kwoze

Jeremías 11:5

Hich ya jc'ohtes ta pasel te bin la jcalbe ta jamal te ame'atatic te ya ca'be te q'uinal te banti ya x'oquin leche soc chab, hich te bin ut'il ta ora ini, xchihon. La jac': Hichuc, Jehová, xchihon.

Jeremías 10:13

C'alal ya xc'opoj, xju'et ya xc'opoj ha'etic ta ch'ulchan; ya yac' te ya xmo bahel tocal c'alal ta sti'il bahlumilal. Ya yac' te ya xtihl tsantsehwaletic ta yohlil te ha'al, soc ya sloq'ues tal ic' ta yawil.

Jeremías 19:11

soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

Jeremías 19:13

Te nahetic ta Jerusalén soc te nahetic yu'un te ajwaliletic ta Judá hich ya xbohlob sc'oblalic te bin ut'il Tofet, spisil te nahetic banti la schiq'uic pom ta ba na ta stojol te c'ahc'al, u soc te eq'uetic ta ch'ulchan soc te la smalbeyic malbil mahtanil te yantic diosetique, xchi te Jehová.