Jeremías 19:11 - Bible in Tzeltal Bachajón

¹¹ soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

Bible in Tzeltal de Oxchuc y Tenejapa

¹¹ soc albeya: “Te Cajwaltic te Spisil ya xju' yu'une jich ya yal: ‘Ya me jwuy in jpam lum to soc te yajwale, jich bit'il mach'a ya swuy sq'uib te pasbil ta ajch'ale, te ma xju'ix ya xcha'pas xane. Te ants-winiquetic ya me smuquic te animaetic ta Tófet, yu'un ma xwejt'ix yawil ta bay ya yich'ic muquele.

Jeremías 19:11 Referans Kwoze

Salmos 2:9

Yac apehc'anlan ta scuenta abastón-taq'uin, yac awuyticlan hich te bin ut'il pac'bil oxom, xchi.

Isaías 30:14

Hich ya xwuy te bin ut'il pac'bil oxom, hich jc'axel ya xbusq'uij te mayuquix xeht'elul ya xhil te ya xtuhun ta sloq'uesel ac'al ta yawil c'ahc', o ta sloq'uesel ha' ta pozo a, xchi te Diose.

Lamentaciones 4:2

Te yal-snich'nab Sión te lec ta o'tanil, te c'ax hich ich'bil ta cuenta a te bin ut'il lequil oro, ¡yo'tic hich c'ohemic ta o'tanil te bin ut'il pac'bil oxometic, te ha ya'tel jpac'ojom!

Apocalipsis 2:27

ta scuenta te bastón-taq'uin ya me scuentahinlan, soc ya swuyticlan hich te bin ut'il pac'bil oxom, hich te bin ut'il te ca'tel quich'oj yu'un te Jtate.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 19:6

Ha yu'un ya me sta yorahil, xchi te Jehová, te ma ba ya xhalotix sbihil Tofet te lugar ini, o sjuclej yu'un Ben-hinom, pero ha sjuclej yu'un Milaw.

Hechos 21:11

C'alal la yilotcotic, la yich'be schuhquil sch'uht te Pablo, la schucticlan yoc sc'ab a, hich la yal: Hich ya yal te Ch'ul Espíritu: Hich ya xc'oht ta chuquel yu'un judíohetic ta Jerusalén te yajwal ha'i chuquilch'uhtul ini, soc ya me ya'beyic ta sc'ab jyanlumetic, xchi.

Proverbios 6:15

Ha yu'un ay ora nax ya xtal swocol; ora nax ya yich' jinel, ma xhu' ta coltayel.

Jeremías 19:12

Hich ya jpasbe te lugar ini soc te mach'atic nahinemic tey a, xchi te Jehová. Te pueblo ini hich ya xhil cu'un te bin ut'il Tofet.

Jeremías 48:38

Ta spisil te ba nahetic yu'un Moab soc ta spisil te callehetic yu'une, puro oq'uel, como la jwuy te Moab hich te bin ut'il oxom te mayuc mach'a ya sc'an, xchi te Jehová.

Jeremías 51:63

Te c'alal ya xlaj awilbel te hun ini, ya me achuc soc ton, ya me ach'oj ochel ta muc'ul-ha' Éufrates,

Jeremías 25:34

¡Oc'anic, jcanan-tuminchijetic, awonanic! ¡Bahlana abahic ta sts'ubil lum, ha'ex jtsobawex yu'un te jtsohb tuminchijetic! yu'un c'ohtix yorahil te yac awich'ic milel soc puhquel bahel. Ya me xyahlex hich te bin ut'il t'ujbil vaso.