Jeremías 18:22 - Bible in Tzeltal Bachajón

²² ¡Ac'a chicnajuc awetic ta snahic te c'alal jts'ihn nax yac awic'be tal ta stojolic jpoj-biluquetic! yu'un la sjoq'uic ch'en yu'un ya stsaconic, soc la snac'bonic jyacol ta banti ya xc'oht te coque.

Bible in Tzeltal de Oxchuc y Tenejapa

²² Ayuc bit'il ora nax ya aticunbey tel jtsojp j'eleq'uetic ta stojolique; ac'a chicnajuc yawic yu'un te xiwele. Melel la sjoq'uic ch'en c'oem swenta yu'un tey ya smaconic a, la yaq'uic pejts' ta bay ya xbeenon.

Jeremías 18:22 Referans Kwoze

Jeremías 6:26

¡Pueblo cu'un, lapa ch'ixal pac' soc balana aba ta tan! Tulan me ya x'oc'athich te bin ut'il ya yich' oq'uetayel hip jtuhl querem, como ta jts'ihn ya xtal ta jtojoltic te jlajinwanej.

Salmos 140:5

Te mach'atic stoyoj sbahic snac'ojbonic jyacol; slimojic ta ti' be te yaquil, la schahpaniquix lazohetic banti ya xc'axon. Selah

Sofonías 1:16

ha sc'ahc'alel yoq'uesinel corneta soc aw ta scontrahinel te pueblohetic te joybilic ta ts'ahc soc ta scontrahinel te toyol bahlal ts'ahquetique.

San Mateo 22:15

Hich te fariseohetic baht schapic bin ut'il ya schuc sba ta sc'op te Jesús.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 18:20

¿Ya bal yich' tojel ta bin chopol te bin lec, te bin ut'il la sjoc'bonic jch'enal? Na'a me te la jtehc'an jba ta atojol yu'un ya cal te bin lec ta scuentahic, yu'un ya xloc' bahel ta stojolic te awilimba.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Isaías 10:30

¡Tulan awonanic, yantsil-nich'an Galim! ¡A'iya awa'iy, Laisa! ¡C'ux obol sba te Anatot!

Salmos 38:12

Te mach'atic ya sc'an ya smilonic ya schahpambonic jyacol, te mach'atic ya sc'an ya yuts'inonic ya yalbonic jc'oblal ta jinel, soc sjunal c'ahc'al ya schahpanic jlo'loyel.

Salmos 119:85

Te mach'atic stoyoj sbahic la shotbonic jch'enal, ma ba ya st'unic bin ya yal te Ley awu'une.

Jeremías 5:26

Como ta yohlil te pueblo cu'un ay mach'atic chopol yo'tanic, te hich ya xmacliywanic te bin ut'il mach'atic ya stsaquic mutetic, ya yaq'uic yaquil yu'un ya stsaquic ants-winiquetic.

Jeremías 20:16

Te winic ini hichuc me te bin ut'il te pueblohetic te jinotic yu'un Jehová te ma ba la sna'be yo'bolil sba. Ac'a ya'iy awetic ta sahb, soc c'op yu'un guerra ta ohlil c'ahc'al,

Salmos 140:6

Hich calbeyej te Jehová: Ha'at Diosat cu'un, xchihon. A'iybon jc'op, Jehová, te yacon ta yalel wocol ta atojol.

Salmos 142:4

Tsahtaya awil ta swa'el jc'ab, mayuc mach'a ya sc'an ya sna' bin ut'il ayon. Mayuc banti ya xhu' ya jnac' jba, mayuc mach'a ya scanantaybon jcuxlejal.