Jeremías 18:21 - Bible in Tzeltal Bachajón

²¹ Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Bible in Tzeltal de Oxchuc y Tenejapa

²¹ Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

Jeremías 18:21 Referans Kwoze

Amós 4:10

La jticombeyex tal jmilawal-chamel hich te bin ut'il ta Egipto; la jmil ta espada te queremetic awu'unic, chucotic bahel te acawuhic, la jcac' mohuc ta ani'ic stuhil te campamento awu'unic, pero ma ba suhtex tal ta jtojol yu'un, xchi te Jehová.

Lamentaciones 5:3

Me'ba'otcotic, mayuc jtatcotic; te jnancotic hich c'ohtic te bin ut'il me'ba' ants.

Jeremías 15:8

C'ax hich me'ba' antsetic yu'unic a te bin ut'il shi'al mar. Ta ohlil c'ahc'al la jquic' tal jinawal ta stojol te naniletic yu'un te queremetic; ora nax la jcac' tal wocol soc tulan xiwel ta stojolic.

Jeremías 9:21

como te lajel mohemix tal ta ventanahetic cu'untic soc ochemix talel ta nahetic yu'un ajwalil cu'untic, yu'un ya slajinlan te alaletic ta callehetic soc te jcolel queremetic ta plazahetic.

Deuteronomio 32:25

Ta fuera ya me xlajic ta espada, ta yutil nahnatic ya x'ayin xiwel; ya xlajic querem soc ach'ix, chu'alal soc mach'a saquix sjol.

Éxodo 22:24

ya me xtihl te quilimba, ya jmilex ta espada soc ya xhil ta me'ba' te awihnamic soc anich'nabique.

2 Timoteo 4:14

Te Alejandro te jten-taq'uin, la ya'bon c'axuc bayel jwocol; ya me x'a'bot stoj yu'un Cajwaltic te bin la spase.

Jeremías 12:3

Pero ha'at, Jehová, yac ana'bon jba; yac awilon soc yac atsahtaybon co'tan ta sna'el te bin ut'il ayon ta atojol. ¡Tasticlana bahel hich te bin ut'il tuminchijetic te ya xbahtic ta smilojibal! parte xawac' yu'un te bin c'ahc'alil ya xlaje.

2 Crónicas 36:17

Ha yu'un te Jehová la yac' taluc te ajwalil yu'un te caldeohetic te la smilticlambe ta espada te yal-snich'nabic ta sna ta ch'ul awilal, ma ba la sna'be yo'bolil sbahic te queremetic, ach'ixetic, mamaletic o te mach'atic mayuc yipic; spisilic ac'ticlambotic ta sc'ab yu'un te Diose.

1 Samuel 15:33

Pero la yal te Samuel: Hich te bin ut'il te espada awu'un la yac' te mayuc yalatac a hil te antsetic, ha nix hich mayuc yal ya xhil te anan ta yohlil te antsetique, xchi. Hich te Samuel la sesen te Agag ta stojol Jehová ta Gilgal.

Salmos 63:10

Ya me xlajic ta espada, ya me xwe'otic yu'un ha'mal ts'i'etic.

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Isaías 13:18

Ta ya'tejibalul st'ihmalte'ic ya slajinic te queremetic; ma ba ya sna'beyic yo'bolil sbahic te mach'atic ayinelic to, soc ma ba ya sc'uxultay te alaletique.

Jeremías 14:16

Soc te pueblo te la yalbeyic te c'op ini ya me yich'ic ch'ojel loq'uel ta callehetic yu'un Jerusalén ta scaj wi'nal soc espada, mayuc mach'a ya xmucotic yu'un o te yihnamic o te ach'ix-queremetic yu'unique. Ya jmalbe ta stojolic te schopolilique.

Jeremías 15:7

Aunque la jtsulq'uin ta tsulq'uinojibal ta ochibaletic yu'un te q'uinal; soc mayuc yal-snich'nabic hilic cu'un, la jlajin te pueblo cu'une, ma ba jelon te behetic yu'unique.

Jeremías 50:30

Ha yu'un te queremetic yu'un ya me xlajic ta plazahetic, spisil te winiquetic yu'un guerra ya xlajic ta hich ora, xchi te Jehová.

Lamentaciones 1:15

Te Cajwal la sts'o' ta teq'uel ta cohlil spisil te winiquetic cu'un te ay yipic; la yic' talel jchahp soldadohetic yu'un ya slajimbon te jcolel-winiquetic cu'une. Te Cajwal la sts'o' ta teq'uel hich te bin ut'il ta spits'ojbil ts'usub te yantsil-nich'an Judá.

Ezequiel 16:38

Ya jchahpambat hich te bin ut'il ya sc'an j'antsinel-ants soc te mach'a ya smal ch'ich', ya jmalat ta ch'ich' yu'un quilimba soc yu'un xut'et co'tan.

Ezequiel 22:25

Te jalwanejetic ta awohlil ya schapbe sc'oblal milel, hich te bin ut'il choj te xhihet ta stsaquel swe'el. La slajimbeyic scuxlejalic ants-winiquetic, la yich'ic c'ulejaliletic soc yantic bintic t'ujbilic; soc la yaq'uic p'ohluc me'ba' tey a.

Salmos 63:11

Pero te ajwalil tse'el me yo'tan ta stojol Dios; ya xhalbot yutsil sc'oblal yu'un te mach'atic ay bin ya yalic ta jamal ta stojol Dios; pero te mach'atic ya ya'iyic lot ya me yich'ic macbeyel yehic stuquelic.

Isaías 9:16

Te jcuentahinwanejetic ya showiytesic te pueblo ini ya xch'ayic te mach'atic cuentahimbil yu'unique.