Jeremías 18:18 - Bible in Tzeltal Bachajón

¹⁸ Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Bible in Tzeltal de Oxchuc y Tenejapa

¹⁸ Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 18:18 Referans Kwoze

Salmos 52:2

Te awac' ha nax ya yal te bin chopol; ya xlo'loywan hich te bin ut'il navaja te huxbil ye.

Malaquías 2:7

Como te ye te sacerdotehetic ya sc'an ya scanantay te p'ijil-o'tanil, soc tey ya sle a te Ley te pueblohe; como te sacerdote ha jal-c'op yu'un Jehová te scuentahinej spisil.

Jeremías 11:19

Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Salmos 21:11

Aunque ya snopic te ya scontrahinat soc ya schapic te bintic chopol, ma ba ya xtsalawanic,

Jeremías 43:2

te Azarías snich'an Osaías, te Johanán snich'an Carea, soc spisil te toyba winiquetic hich la yalbeyic te Jeremías: ¡Lotil te bin yac awal! Te Jehová te Dios cu'untic ma ba hich la sticonat ta yalel: Ma me xbahex ta nahinel ta Egipto, ma xchihuc.

Proverbios 18:21

Te lajel soc te cuxlejal ayic ta scuenta te yaq'ue; te mach'a ya smulan te bayel ya xc'opoj, ya me swe'be te site.

Salmos 64:3

te ya shuxbe ye te yaq'uic hich te bin ut'il espada, soc ya st'imic bahel sc'opic te ay svenenohil hich te bin ut'il ya'tejibal t'ihmalte',

Salmos 57:4

Ayon ta yohlil chojetic, ta yohlil winiquetic te ya xehtayic c'ahc'; te sbaquel yehic pajal soc lanzahetic soc ya'tejibalul t'ihmalte'etic, te yaq'uic pajal soc espada te ay ye.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Isaías 32:7

Ha chopol te ya'tejib te jlo'loywanej, ha ya snop bin chopol yu'un ya sjin ta scuenta lot te pobrehetic, aunque toj bin yac sc'ambel te pobrehe.

Job 5:13

Ha ya syac te mach'atic p'ijic ta scuenta te lo'loyel yu'unic soc ya slajimbe te bin chapal yu'un te jchopol-o'taniletic.

1 Reyes 22:24

Te Sedequías snich'an Quenaana nohpoj tal, la smaj ta scho te Micaías, hich la yalbe: ¿Bin ut'il ay a te loc' ta jtojol te espíritu yu'un Jehová, te baht sc'oponat te ha'ate? xchi.

2 Samuel 17:14

Ha yu'un te Absalón soc spisil Israel la yalic: Ha lec te bin la yal te Husai te arquita-winic, ha ma ba lec c'oht te bin la yal te Ahitofel, xchihic. Como te Jehová chapalix yu'un a te ya yich' howiytesel te bin la yal te Ahitofel scuenta yu'un ha ya xc'oht ta stojol Absalón te bin chopole.

2 Samuel 15:31

Hich c'oht ta halbeyel te David: Te Ahitofel jun ay soc te mach'atic la shachic c'op soc te Absalón, xchihic. Ha yu'un la yal te David: ¡Jehová, jina te bin ya yal te Ahitofel! xchi.

Levítico 10:11

soc scuenta yu'un yac awa'beyic snop te snich'nab Israel spisil te mandariletic halbotic yu'un Jehová ta scuenta Moisés, xchi.

San Juan 9:40

Ay fariseohetic sjoquinej, c'alal hich la ya'iyic, la sjoc'obeyic: ¿Yu'un bal ha nix hich ts'o'sitotcotic te ho'otcotique? xchihic.

Jeremías 26:11

Te sacerdotehetic soc te jalwanejetic hich la yalbeyic te príncipaletic soc spisil te pueblo: Te winic ini ya sc'an ya yich' milel, como la yal sc'op-jalwanej ta scontrahinel te pueblo ini, hich te bin ut'il awa'iyej ta achiquinic, xchihic.

San Lucas 11:45

Hich la sjac' jtuhl maestro yu'un te Ley: Maestro, te bin ut'il hich yac awale, ha nix hich yac alabanotcotic ya ca'iycotic, xchi.

Jeremías 44:17

Ha ya jpascotic spisil te bintic calojcotic: ha te ya ca'becotic pom soc malbil mahtaniletic te ajwalil-ants yu'un ch'ulchan, hich te bin ut'il la jpascotic soc te la spasic te jme'jtatcotic, te ajwaliletic soc te príncipaletic cu'untcotic ta pueblohetic yu'un Judá soc ta callehetic ta Jerusalén. Ta hich ora ay bayel we'elil cu'untcotic, tse'el co'tantcotic soc mayuc bin chopol la jquilcotic.

Jeremías 8:8

¿Bin ut'il ya xhu' yac awal: Ho'otic ay jp'ijiltic, ay ta jtojoltic te ley yu'un Jehová, te xchihexe? Melel ha la sutp'in ta lot te lotil pluma yu'un te mach'atic ya xts'ihbajic.

Jeremías 18:19

Jehová, a'iybon awa'iy jc'op, a'iybeya awa'iy te bin ya yalic te jcontrataque.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 37:13

Te c'alal c'oht ta Ochibal yu'un Benjamín, ay jtuhl capitán tey a, Irías sbihil, snich'an Selemías, snich'an Hananías, la stsac te jalwanej Jeremías, hich la yalbe: Te ha'ate yacat ta c'axel ta stojol te caldeohetic, xchi.

Ezequiel 7:26

Ya xtal xc'ax jinel, ya xtal xc'ax te bin ya yich' halel te ma na'biluc teme melele. Ya slehbeyic suhtib te jalwanej, soc namal ya xhil te Ley ta stojol te sacerdote, soc namal ya xhil te j'ac'-o'tanil ta stojol te mamaletique.

2 Crónicas 24:21

Pero la schap sc'opic ta smilel, hich ta scuenta smandar te ajwalil la smilic ta ch'ojel ta ton ta yamaq'uil sna Jehová.

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 44:16

Ma ba ya quich'cotic ta cuenta te c'op la awalbotic ta scuenta Jehová.

Lamentaciones 3:62

te bintic ya yalic yu'un scontrahimbelon, te hich ya spasic sjunal c'ahc'al.

Miqueas 3:6

Ha yu'un ahc'abal ya xc'oht ta atojolic, mayuc nahalsitil, yihc'al q'uinal ya xc'oht ta atojolic, mayuc bin ya x'a'botex ana'ic. Ya xmahl c'ahc'al ta stojol te jalwanejetic, ya x'ihc'ub te c'ahc'alel ta stojolic.

Miqueas 3:7

Ya xq'uexawic te jalwanejetic soc ma sna' bin ya spasic te jna'ojeletique. Spisilic ya me smac yehic, como mayuc suhtib yu'un Dios.