Jeremías 18:16 - Bible in Tzeltal Bachajón

¹⁶ La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Bible in Tzeltal de Oxchuc y Tenejapa

¹⁶ Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.

Jeremías 18:16 Referans Kwoze

Salmos 22:7

Spisil te mach'atic ya yilonic ya slabanonic; ya yixtalan yehic soc ya sjimulan sjolic, hich ya yalic:

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Jeremías 19:8

Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

San Mateo 27:39

Te mach'atic c'axic tey a la slabanic, la sjimulan sjolic ta slabanel,

Miqueas 6:16

Como ach'uhunej spasel te mandariletic yu'un Omri soc spisil bintic la spasic te mach'atic ay yu'un Acab, la at'unic te bintic la yalique; ha yu'un ya cac'at ta jinel soc ya cac' ta labanel te mach'atic nahinemic ta awohlilique. Ha yu'un yac awich'ic labanel yu'un te pueblo cu'une.

Jeremías 50:13

Ta scaj yilimba Jehová mayuc mach'a ya xnahin tey a, jc'axel jochol ya xhil. Spisil te mach'atic ya xc'axic bahel ta stojol Babilonia xcham yo'tanic soc ya slabanic yu'un te swocole.

Jeremías 49:13

Como caloj ta jamal ta jtojol, xchi te Jehová, te ha xiweltic sba, pehc'ambil sc'oblal, jimbil soc bohlobtesbil sc'oblal ya xc'oht te Bosra, spisil te pueblohetic yu'un jc'axel jimbil ya xc'ohtic sbahtel q'uinal, xchi.

1 Reyes 9:8

Te Na ini te ich'bil ta muc', spisil te mach'atic ya xc'axic tey a, xcham yo'tanic yu'un soc ya me slabanic soc hich me ya yalic: ¿Bin yu'un te hich la spas te Jehová ta stojol te q'uinal soc te Na ini? xchihic me.

San Marcos 15:29

Te mach'atic yacalic ta c'axel tey a la yalbeyic chopol sc'oblal, la sjimulan sjolic, hich la yalic: ¡Ha'at te yac ajin te Templo yu'un Dios soc ta oxeb c'ahc'al yac acha'pas xan ta ac'op,

Isaías 37:22

Hich ay te bin la yal Jehová ta scontrahinel: Te ach'ix yu'un Sión ya sp'ajat, ya slabanat; te ach'ix yu'un Jerusalén ya sjimulan sjol ta apat.

Ezequiel 12:19

Halbeya te swinquilel te q'uinal, te Jehová, te Ajwalil, hich yalbeyej sc'oblal te mach'atic nahinemic ta Jerusalén soc ta sq'uinal Israel: Yaquic ta nihquel a ya swe'ic te pan yu'unic, soc ayic ta xiwel a ya yuch'ic te ha' yu'unique, como te q'uinal yu'unic ya me yich' pojbeyel spisil bintic ay tey a ta scaj sbohlilic spisil mach'atic nahinemic tey a.

Ezequiel 6:14

Ya jach jc'ab ta scontrahinel, soc ta bayuc ya xnahinic ya cac' te c'ax hich jochol soc jimbil ya xc'oht te bin ut'il te jochol taquin q'uinal c'alal ta Diblat. Hich me ya sna'ic a te ho'on Jehovahon, xchi.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Isaías 6:11

Hich la jcal: ¿Jayeb xan c'ahc'al, Cajwal? xchihon. La sjac'bon jc'op: Ha to c'alal jihnemix a te pueblohetic soc mayuquix yajwal a; ha to c'alal mayuquix ants-winic ta nahetic soc te jochol taquin q'uinal ya xc'oht te q'uinale;

Salmos 44:14

La awac'otcotic ta tsahbil c'op ta yohlil te nacionetic; spisil mach'atic ya yilotcotic ya sjimulan sjolic.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Deuteronomio 28:59

te Jehová jc'axel ya stohytesbat awocol soc swocol te ats'umbal, ha tulan wocol te ma xch'ay soc tulan chamel te ya xhalaj;

Levítico 26:43

Pero ya xhil yu'unic te q'uinale, bayel me yutsil te jayeb tiempo ya scux yo'tan, te bin ut'il jochol hilel yu'unic. Ya me yich'ic te castigo yu'un smulic, ta scaj te mayuc sc'oblal ta yo'tanic te mandariletic cu'un soc te la yihlayic te bintic chapal cu'une.

Levítico 26:32

Ya jin te lumq'uinal, mero xcham yo'tanic yu'un te acontratac te ya xnahinic tey a.

Salmos 109:25

Ya stse'layonic te ants-winiquetic; te c'alal ya yilonic, ya sjimulan sjolic yu'un.

Jeremías 42:18

Hich yaloj te Jehová te scuentahinej spisil, te Dios yu'un Israel: Hich te bin ut'il mal cohel te quilimba soc sc'ahc'al co'tan ta stojol te mach'atic nahinemic ta Jerusalén, hich ya xmal cohel ta atojolic te c'alal ya xbahex ta Egipto. Ha te bin wocol soc te bin xiweltic sba ya xc'ohex, te bin ac'bil ta lajel soc te bin p'ajbil; mayuc bin ora ya suhtex tal ta lugar ini, xchi.

Jeremías 44:12

Ya jtsac te mach'atic hilemic yu'un Judá te mero hich ya sc'an yo'tanic te ya xnahinic ta sq'uinal Egipto, ya me xlajic tey a. Ya me xlajic ta espada soc ta wi'nal. Muc' biq'uit ya xlajic ta espada soc ta wi'nal, soc ya xc'atp'ujic ta bin chopol sc'oblal, ta bin xiweltic sba, ta bin bohloben sc'oblal soc ta bin p'ajbil.

Jeremías 48:27

Moab, ¿ma bal lajuc alaban te Israel, hich te bin ut'il tahbil ta yohlil j'eleq'uetic? Como te c'alal la awalbe sc'oblal, la ajimulan ajol ta slabanel.

Jeremías 49:17

Te Edom, ya sutp'ij ta bin xiweltic sba. Spisil mach'a ya xc'ax tey a xcham yo'tan yu'un, soc ya me slaban yu'un spisil te swocole.

Lamentaciones 1:12

¿Ma bal ayuc sc'oblal ta awo'tanic, ha'ex te ya xc'axex bahel ta be tey a? Ilawilic teme hich ay sc'uxul te bin ut'il te sc'uxul te tal ta jtojol; como te Jehová la ya'bon jwocol ta sc'ahc'alel yilimba.

Ezequiel 27:36

Te jchombajeletic ta pueblohetic ya xuxubajic ta atojol; c'atp'ujatix ta bin xiweltic sba, sbahtel q'uinal ma xchicnajat, xchi te Jehová.

Ezequiel 36:3

ha yu'un hich xawalbe sc'op-jalwanej: Hich yaloj te Jehová, te Ajwalil: Te bin ut'il jochol hilat yu'unic soc te la sjinex ta bayuc scuenta yu'un la yu'untayex te yantic nacionetic, soc te la awich'ic labanel soc p'ajel yu'un te pueblohetic,

2 Crónicas 29:8

Ha yu'un tal yilimba Jehová ta stojol Judá soc Jerusalén, la yac' te ya xhahch xiwel ta stojolic soc bintic xiweltic sba soc labanel, hich te bin ut'il awilojic ta asitic te ha'exe.

Jeremías 29:18

Ya jnutsticlan bahel ta espada, ta wi'nal soc ta jmilawal-chamel, soc ya cac' te xiweltic sba ya xc'ohtic ta stojol spisil te nacionetic ta bahlumilal, te ma lecuc sc'oblalic, te xiweltic sba, labambilic soc tse'laybilic ta stojol spisil te nacionetic ta banti la jpucticlan bahele.

Jeremías 51:37

Busul jimbil na ya xc'oht te Babilonia, ha yawil ha'mal ts'i'etic, ha te bin xiweltic sba soc te labambil, mayuc mach'a ya xnahin tey a.

Jeremías 51:43

Jochol hilic te pueblohetic yu'un, te q'uinal taquin soc jochol hil, ha q'uinal te mayuc mach'a ya xnahin tey a, mayuc mach'a ya xc'ax tey a.