Jeremías 18:15 - Bible in Tzeltal Bachajón

¹⁵ ¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Bible in Tzeltal de Oxchuc y Tenejapa

¹⁵ Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Jeremías 18:15 Referans Kwoze

Jeremías 6:16

Hich la yal te Jehová: Tehc'ana abahic ta behbetic soc ilawilic, joc'oyahic te namey behetic, ha te banti ay te lequil be. Tey me ya xbehenex a, hich ya sta cux-o'tanil a te ach'uhlelic, xchi. Pero hich la yalic: Ma ba ya xbehenotic tey a, xchihic.

Oseas 11:2

C'alal bayel la jquic', namal to xan la yac' sba ta jtojol. La ya'be chic'bil mahtaniletic te baaletic, soc la schic'beyic pom te loc'ombahetique.

Jeremías 2:32

¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.

Isaías 57:14

Soc hich ya yich' halel: ¡Pasa, pasa, chahpana te behe! Loq'uesahic te bintic ya xmacawan ta be yu'un te pueblo cu'une, xchi.

Malaquías 2:8

Yan te ha'exe, la awihquitayic hilel te be, la awaq'uic sc'ohchin sbahic tsobolic ta banti te Ley, la ajinic te chapbil-c'op te la yich' chahpanel soc Leví, xchi te Jehová te scuentahinej spisil.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Isaías 41:29

Ilawil, mayuc sc'oblalic ta spisilic, soc ma xtuhun te ya'telique. Te loc'ombahetic yu'unic ha nax ic' soc tojol nax.

San Mateo 15:6

ma fuersahuc ya yich'ix ta muc' a te stat o te snane. Hich yac alajimbeyic sc'oblal te smandar Dios ta scuenta te costumbre awu'unique.

Oseas 2:13

Ya ca'be castigo yu'un te jayeb c'ahc'al te la schic'be pom te baaletic, te c'alal la sch'ahl sba ta ch'ocowiletic soc uhaletic soc la st'un bahel te mach'atic mulanot yu'un, te la sch'ayon ta yo'tan, xchi te Jehová.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 13:25

Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 3:21

Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Romanos 14:21

Ha lec te ma ba ya swe' ti'bal o te ma ba ya yuch' vino, o biluc a te ya yac' sc'ohchin sba te awermano.

Jeremías 44:25

Hich yaloj te Jehová te scuentahinej spisil, te Dios yu'un Israel: Te ha'ex soc te antsetic awu'unic la awalic ta awehic soc la apasic ta ac'abic, te hich la awalic: Ya me jc'ohtescotic ta pasel te bintic calojcotic ta jamal, ha te ya jchic'becotic pom te ajwalil-ants yu'un ch'ulchan soc ya ca'betic malbil mahtaniletic, xchihex. Ha yu'un pasa te bin la awalic ta jamal, pasahic te bin awalojique.

Jeremías 19:5

La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

Isaías 62:10

¡C'axanic, c'axanic bahel ta ochibaletic yu'un te pueblo; chahpanahic te sbehlal te pueblo; pasahic, pasahic te muc'ul be, loq'uesahic te tonetic, toyahic bandera ta stojol te nacionetique!

Isaías 9:16

Te jcuentahinwanejetic ya showiytesic te pueblo ini ya xch'ayic te mach'atic cuentahimbil yu'unique.

Isaías 3:12

Ha queremetic te ya yuts'inic te pueblo cu'un, ya xcuentahinotic yu'un antsetic. Pueblo cu'un, ya slo'loyex te mach'atic ya stojobtesex bahel, ya syanijtesbeyex te behetic awu'unique.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Isaías 65:7

ta scaj amulic soc smul te ame'atatic, xchi te Jehová, Yu'un la schiq'uic pom ta witsiltic soc la sbohlc'optayonic ta tsehletic; ha yu'un ya cac' ta stojolic te stojol bintic la spasic ta nahil, xchi.

Jeremías 7:9

Yac awa'iyic elec', milaw, antsiwej, yalel ta jamal lot, yac achic' pom ta stojol Baal soc yac at'unic bahel diosetic te ma ba ana'beyejic sba,

Jeremías 18:14

¿Ay bal ya xch'ay te me'sic ta tontiquil ta witsiltic yu'un Líbano? ¿Ya bal xquehchaj te siquil ha'etic te ya x'oquin tal ta namal q'uinal?

Jeremías 51:18

Ma ba ya xtuhunic, ha te a'telil te ya xlabanot; ta yorahil castigo ya xlajic.

Ezequiel 21:15

scuenta yu'un ya xlaj yip yo'tan soc ya xlaj bayelic. Ta spisil te ochibaletic yu'unic cac'oj xiwel yu'un te espada. ¡Ah! chapalix yu'un ya xtihl soc chapalix yu'un ya xmilawan.

Ezequiel 36:15

Soc ma ba ya caq'uix te yac awa'iy te labanel yu'un te nacionetic soc ma ba ya xc'axix awocol yu'un te ixta'c'op yu'un te pueblohetic, soc ma ba yac awaq'uix te ya sc'ohchin sba te nación awu'une, xchi te Jehová, te Ajwalil.

Oseas 2:6

Ha yu'un ya joybe ta ch'ix te be yu'une, ya ca'be ts'ahc ta sjoyobal scuenta yu'un ma ba ya sta te behetic yu'une.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Jeremías 11:12

Ha yu'un te pueblohetic yu'un Judá soc te mach'atic nahinemic ta Jerusalén ya me xbaht yawtayic te diosetic te ya schic'beyic pom, pero ma xhu' ya xcoltayotic yu'un te c'alal ya xtal yorahil wocol.

Jeremías 11:13

Ha'at, Judá, hich yipal diosetic awu'un te bin ut'il pueblohetic awu'un; soc ha'at, Jerusalén, te scajtajib ta chiq'uel mahtaniletic yu'un q'uexlal te la apasic scuenta schic'beyel pom te Baal, hich yipalic te bin ut'il te callehetic awu'une.

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.