Jeremías 18:12 - Bible in Tzeltal Bachajón

¹² Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Bible in Tzeltal de Oxchuc y Tenejapa

¹² Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Jeremías 18:12 Referans Kwoze

Jeremías 2:25

Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

Jeremías 16:12

Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

Isaías 57:10

Luhbat yu'un bayel behetic banti behenat, pero ma ba la awal: Mayuc stuc, ma xchihucat. La ata xan awip, hich ma ba laj te awipe.

San Lucas 1:51

Bayel bintic muc' spasticlanej ta sc'ab; la spucticlan bahel te mach'atic stoyoj sbahic yu'un te bin snopoj ta yo'tanic.

Jeremías 3:17

Ta hich ora ya me ya'beyic sbihilin te Jerusalén Muc'ul Huctajibal yu'un Jehová, xchi, soc spisil te nacionetic ya me stsob sbahic ta Jerusalén ta scuenta te sbihil Jehová; ma ba ya yo'tantayiquix st'unel bahel te chopol yo'tanique.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Ezequiel 37:11

Patil hich la yalbon: Snich'anat winic, spisil te baquetic ini ha te sna Israel. Hich ya yalic: Taquijemix te jbaqueltic soc ch'ayix te bin ya jmahliytique. ¡Jc'axel jimbilotic! xchihic.

Jeremías 44:17

Ha ya jpascotic spisil te bintic calojcotic: ha te ya ca'becotic pom soc malbil mahtaniletic te ajwalil-ants yu'un ch'ulchan, hich te bin ut'il la jpascotic soc te la spasic te jme'jtatcotic, te ajwaliletic soc te príncipaletic cu'untcotic ta pueblohetic yu'un Judá soc ta callehetic ta Jerusalén. Ta hich ora ay bayel we'elil cu'untcotic, tse'el co'tantcotic soc mayuc bin chopol la jquilcotic.

Jeremías 23:17

Spisil ora hich ya yalbeyic te mach'atic ya sp'ajonic: Ya yal te Jehová te ay me lamal q'uinal ta atojolic, xchihic. Soc hich ya yalbeyic te mach'atic ya st'unic te tulan yo'tanique: Ma ba ya xtal ta atojolic te bin chopol, xchihic.

Jeremías 11:8

Pero ma ba la ya'iyic, ma ba la yich'ic ta cuenta; ha la st'unic bahel te bintic chopol la snop ta yo'tanic. Ha yu'un ya me cac' ta stojolic spisil bin ya yal te chapbil-c'op ini, ha te la jpas ta mandar te ya me sch'uhunic spasel, pero ma ba la spasic, xchi.

2 Reyes 6:33

Yac to ta c'op soc a, tal ta stojol Eliseo te mach'a ticombil, hich la yalbe: Spisil te bintic wocol ini tal ta stojol Jehová. ¿Bin ya jmahliy xan yu'un te Jehová? xchi.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Malaquías 3:14

Ha te hich awalojic: Tojol te ya cac' jbahtic ta a'batinel ta stojol Dios. ¿Bin ya jtahtic a te ya jcanantaybetic te Ley yu'un soc te ya xbehenotic soc mel-o'tan ta stojol te Jehová te scuentahinej spisil?

Isaías 65:2

Sjunal c'ahc'al la jach jc'ab ta yiq'uel tal jun toyba pueblo te yac ta behel ta be te ma lecuc, te ya st'unic bahel te snopojibal yu'unique;

Jeremías 6:17

La jcac' ta atojolic j'il-q'uinaletic te hich ya yalbeyex: ¡A'iya me awa'iyic yoq'uel te corneta! xchihic. Pero hich la yalic: Ma ba ya ca'iycotic, xchihic.