Jeremías 18:11 - Bible in Tzeltal Bachajón

¹¹ Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Bible in Tzeltal de Oxchuc y Tenejapa

¹¹ “Albeya te ants-winiquetic ta Judá soc te yajwal Jerusalén: “Jich ya yal te Cajwaltique: ‘Yacon ta xchajbanel ac'oplalic ta jcontroinbelex; yacon ta snopel te ya cac'beyex castigo. Ijq'uitayaic jilel te be te amene; tojtesaic te awo'tanic soc te awat'elique’, xi' me”, ya me awut.

Jeremías 18:11 Referans Kwoze

2 Reyes 17:13

Te Jehová la scom te Israel soc Judá ta scuenta te jalwanejetic soc spisil te mach'atic ya yilic, hich la yal: Ihquitayahic te chopol behetic, ch'uhunahic te mandariletic cu'un soc te bintic caloj ta mandar, hich te bin ut'il spisil te leyetic te la jca'be te ame'atatic soc te la jticombeyex tal ta scuenta te jalwanejetic, te a'batetic cu'une, xchi.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 7:3

Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Jeremías 25:5

Hich la yalic: Ihquitayahic hilel te chopol be awu'unic soc te chopol a'teliletic awu'unic, hich ya xhu' ya x'ayinex ta q'uinal te la ya'beyex awu'untayic sbahtel q'uinal te Jehová, ha'ex soc te ame'atatique.

Santiago 5:1

A'iya me awa'iyic, jc'uhlejetic, oc'anic soc awetanic yu'un te wocoletic te ya xtal ta atojolique.

Hechos 26:20

Ha nahil hahch calbe ya'iyic te mach'atic ayic ta Damasco, patil ta Jerusalén soc ta spahmal sq'uinal Judea, soc te jyanlumetic, te yacuc suhtes yo'tanic yu'un smulic soc te yacuc suhtic tal ta stojol Dios, soc te yacuc yaq'uic ta ilel ta scuenta ya'telic te suhtemix yo'tanique.

Zacarías 1:3

Ha yu'un hich me xawalbe: Hich yaloj Jehová te scuentahinej spisil: Suhtanic tal ta jtojol, xchi te Jehová te scuentahinej spisil, ha nix hichon ya suhton ta atojolic, xchi te Jehová te scuentahinej spisil.

Miqueas 2:3

Ha yu'un hich yaloj te Jehová: Chapalix cu'un te ya ca'be te bin chopol ta stojol te ants-winiquetic ini te ma xhu' yac acoltay abahic yu'une; ma ba soc toybahil ya xbehenex, como ha yorahil wocol.

Isaías 5:5

Ya calbeyex bin ya jpasbe te jts'usubil: Ya jloq'uesbe scorralil-ton, hich ya xjihn; ya jch'ojbe cohel te sts'ahcul, hich ya yich' ts'o'ts'o' teq'uel.

Santiago 4:13

A'iya awa'iyic ini, ha'ex te hich yac awalic: Yo'tic o pajel ya xbohotcotic ta pueblo, ya xhalajotcotic jun ha'bil tey a, ya ca'iycotic mambajel, chombajel soc ya me jpascotic bayel ganar, te xchihexe.

Ezequiel 18:23

¿Ya bal jc'an te ya xlaj te mach'a chopol yo'tan? xchi te Jehová, te Ajwalil. ¿Ma bal yacuc jc'an te ya yihquitay hilel te chopol behetic yu'un, te hich ya xcuxaj?

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Jeremías 51:11

¡Huxbeyahic sni'il te ya'tejibalul t'ihmalte'! ¡Ich'ahic te mahquilaletic yu'un guerra! Te Jehová la stijbeyix yo'tanic te ajwaliletic yu'un Media, como snopoj te ya sjin te Babilonia. Ha'ix te spacol yu'un Jehová ha te spacol yu'un te templo yu'une.

Jeremías 36:7

Ya wan xc'oht ta stojol Jehová te bin ya yalic wocol yu'un, soc jujutuhl ya wan yihquitayic hilel te chopol be yu'unique; como muc' te yilimba soc sc'ahc'al yo'tan te Jehová te ya xhul ta stojol te pueblo ini, xchi.

Jeremías 36:3

Te sna Judá, c'alal ya ya'iy spisil te bintic chopol jnopoj te ya jpasbe, ya wan suhtes yo'tanic jujutuhl yu'un te chopol be yu'unique, hich ya jpasbe perdón yu'un schopolil soc smul, xchi.

Jeremías 26:13

Lecubtesahic te behetic awu'unic soc te awa'telic, ch'uhumbeyahic te sc'op te Jehová, te Dios awu'unique; hich ya sut sc'op te Jehová ta spasel te bin chopol yaloj te ya spasbeyexe.

Jeremías 26:3

Ya wan ya'iyic, hich jujutuhl ya yihquitayic hilel te chopol be yu'unique; hich ya jsut jc'op yu'un te bin chopol jnopoj te ya jpasbe yu'un te schopol a'telique.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 11:19

Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Jeremías 4:23

La jquil te lumq'uinal, jihnem soc jochol; la jquil te ch'ulchan, mayuc sacal q'uinal yu'un.

Jeremías 4:6

¡Toyahic te bandera ta stojol Sión, ahnanic, ma me xacom abahic! Como ya xbaht quic' tal ta stojol norte tulan wocol soc muc'ul jinel.

Jeremías 3:22

Suhtanic tal ta jtojol, toyba al-nich'anex, ya jlecubtesex yu'un atoybahilic, xchi te Jehová. Ilawil, ya suhtotic tal ta atojol, como ha'at Jehovahat te Diosat cu'uncotique.

Jeremías 3:1

Ay hich ya yalic: Teme ay mach'a ya yihquitay hilel yihnam, ya xloc' bahel te ants soc ya xnuhpun soc yan winic, ¿ya to bal scha'ic'ot xan yu'un te winique? ¿Ma bal jc'axeluc ya xbohlob te q'uinal yu'un? Pero ha'at la awac' aba ta antsinel soc tsobol mach'atic jun awo'tan aba soc, ¿ya to bal suhtat tal ta jtojol? xchi te Jehová.

2 Reyes 22:13

Bahan, joc'obeyahic te Jehová ta jcuenta soc ta scuenta spisil Judá sc'oblal bin ya yal te libro ini te la yich' tahel, como muc' te yilimba Jehová te tihlem ta jtojoltic ta scaj te ma ba la yich'ic ta cuenta te jme'jtatic te bin ya yal te libro ini, ma hichuc la spasic te bin ut'il ts'ihbabil tey a, xchi.

2 Reyes 5:5

La sjac' te ajwalil yu'un Siria: Bahan, soc ya jticombe carta te ajwalil yu'un Israel, xchi sc'oblal. Hich baht te Naamán, yich'oj bahel lajuneb (10) talento plata, ho'lajunbahc' (6,000) ta sehp oro, soc lajunlihc c'u'uletic.

Génesis 11:7

Ha yu'un cohucotic bahel, ya jc'atp'umbetic sc'opic scuenta yu'un hich ma xya'iybe sba sc'opic ta tuhlultuhl a, xchi.

Isaías 57:1

Ya xlaj te mach'a toj yo'tan, pero mayuc mach'a ay ta cuenta yu'un. Ya xlajic te mach'atic jun yo'tanic ta stojol Dios, pero mayuc mach'a c'ohem ta yo'tan te ta scaj te bin chopol ya yich' loq'uesel te mach'a toj yo'tan.

Jeremías 4:1

Teme ya suhtat talel, Israel, xchi te Jehová, suhtan tal ta jtojol. Teme yac aloq'ues bahel te loc'ombahetic awu'un te ihlaybilic soc teme ma ba bayuc nax ya xbahex,

Jeremías 11:11

Ha yu'un hich yaloj te Jehová: Ya cac' wocol ta stojolic te ma xhu' ya xloq'uic ta ahnel ta stojole. Aunque ya yawtayonic, ma ba ya ca'iybeyic.

Jeremías 25:2

Te jalwanej Jeremías hich la yalbe spisil te pueblo Judá soc te mach'atic nahinemic ta Jerusalén:

Jonás 3:8

Ac'a smuc sbahic ta pac' scuenta mel-o'tan, ants-winiquetic soc chambahlametic, soc ac'a yawtayic te Dios ta spisil yip yo'tanic. Jujutuhl ac'a yihquitayic hilel te chopol be yu'un soc te uts'inel ya spasique.

1 Reyes 22:23

Yo'tic te Jehová ya'beyej lotil espíritu ta ye spisil te jalwanejetic awu'un. Te Jehová yalojix te ay bin chopol ya xc'oht ta atojol, xchi.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

Jeremías 19:3

Hich me xawal: Ajwaliletic yu'un Judá soc te mach'atic nahinemic ta Jerusalén, a'iybeya awa'iyic sc'op te Jehová. Hich ya yal Jehová te scuentahinej spisil, te Dios yu'un Israel: Ilawil, ya jticon tal tulan wocol ta stojol te lugar ini, spisil te mach'atic ya ya'iyic, xch'inet schiquinic yu'un,

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.