Jeremías 17:26 - Bible in Tzeltal Bachajón

²⁶ Ya xtalic ants-winiquetic ta pueblohetic yu'un Judá soc ta tut pueblohetic ta sjoyobal Jerusalén, ta sq'uinal Benjamín, ta Sefela, ta tut witsiltic soc ta Neguev, ya me yich'ic tal ta sna Jehová scohtol chic'bil mahtaniletic soc milbil mahtaniletic, mahtanil harina soc pom, soc te mahtanil yu'un yalel wocol.

Bible in Tzeltal de Oxchuc y Tenejapa

²⁶ Ya me xtal ants-winiquetic yu'un te lumetic yu'un Judá te ayic ta sjoyobal Jerusalén, soc ta sq'uinal Benjamín, ta peq'uel witstiquil soc ta toyol witstiquil, soc ta Néguev. Ya me yiq'uic tel xchamsbalamic ta templo swenta chiq'uel ta scojt'ol soc te yantic milbil majt'anile, te majt'anil harina soc pom, soc te majt'anil yu'un yalel wocol.

Jeremías 17:26 Referans Kwoze

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

Jeremías 33:13

Ta pueblohetic ta witsiltic, ta tsehletic, ta Neguev, ta sq'uinal Benjamín, ta sjoyobal Jerusalén soc ta pueblohetic yu'un Judá, ya me xcha'c'axic xan tuminchijetic ta ye'tal sc'ab te mach'a ya yahtaylan, xchi te Jehová.

Jeremías 32:44

Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Salmos 107:22

Ac'a ya'beyic milbil mahtaniletic scuenta yalel wocol, soc bayeluc me yutsil yo'tanic ac'a yalbeyic yutsil ya'tel.

Jeremías 33:11

ya me xchicnaj sc'op yutsil-o'tanil soc tse'el-o'tanil, te sc'op mach'atic slecolinej sbahic, soc sc'op te mach'atic ya yich'ic tal ta sna Jehová mahtaniletic yu'un yalel wocol, te hich ya yalic: ¡Halbeyahic wocol te Jehová te scuentahinej spisil, como lec yo'tan te Jehová, te sc'uxul yo'tan stalel ay sbahtel q'uinal! xchihic. Yu'un ya ca'be xan yutsil slequil te lumq'uinal hich te bin ut'il ay ta nahil to, xchi te Jehová.

Salmos 116:17

Ya me ca'bat milbil mahtanil scuenta yalel wocol soc ya jc'opon te Jehová ta scuenta sbihil.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

1 Pedro 2:5

Ha nix hichex, te bin ut'il cuxul tonex, ac'a abahic ta pasel ta na scuenta espíritu soc ta ch'ultesbil sacerdotehil, scuenta yu'un yac awaq'uic mahtaniletic scuenta espíritu te ich'bilic ta cuenta yu'un Dios ta scuenta te Jesucristo.

Hebreos 13:15

Ha yu'un ta scuenta Jesús spisiluc me ora ac'a calbetic yutsil sc'oblal te Diose, te ha milbil mahtanil cu'untic c'ohem, ha te jc'optic te ya yalbe ta jamal te sbihile.

Esdras 3:11

C'ayojinic, la yalbeyic yutsil soc la yalbeyic wocol te Jehová, hich la yalic: Como ha lec yo'tan, sbahtel q'uinal c'ux ta yo'tan te Israel, xchihic. Spisil te pueblo awonic ta scuenta yutsil yo'tanic, la yalbeyic yutsil sc'oblal te Jehová como yac ta otsesel te yich'o-ip te sna Jehová.

Salmos 66:13

Ya x'ochon ta templo awu'un soc scohtol chic'bil mahtanil, ya jpas te bin caloj ta atojol,

Jeremías 30:19

Ya xloc' ta stojolic c'ayoj yu'un yalel wocol soc aw yu'un yutsil q'uinal. Ya cac' te ya xp'ohlic, ma ba ya xpehc'aj awahtalulic; ya cac'ticlan ta ich'el ta muc', ma ba ya xp'ajotic.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,